Galatiya 6:14 - Dadiya NT

¹⁴ Mɨsɔ mǝ maa sʊtɔ lɛ wo, na ke bɔ a dul kʊʊtǝm Tɛlalɔ bǝn Yesu Kiristii, wʊnɨ a dul bwaa gǝn a tɨya kʊʊtǝm mǝ tǝlam kanjǝl yooli nɨɨ, yooli nɨ a tǝlam kanjǝl mǝndɨ.

Galatiya 6:14 Referans Kwoze

Roma 6:6

Bǝ nyǝm ja kʊʊ kʊʊɨ bʊtɔ galɨ bǝnɔ jǝbɔ gɔ a dʌbʌl tɨya, sǝ a kǝl kwaan bwɨlangkɛlɔ a bʊtɔ bǝnɨ sǝ kǝngkɔ bǝ yǝlam bɔ jwaalɛb bwɨlangkɛlɨ.

Galatiya 2:20

Ja kʊʊ ɨ dakini nǝbɔ Kiristi. Kǝngkɔ ke bɔ mǝ nǝn kʊlɨɨ, n kʊlɨ Kiristii a mʊgɔ mɨɨ. Kʊlɨ nɨ mǝ nǝn a mʊgɔ bʊtɔɨ, n kʊlɨ a gola nǝtǝm bɨlǝngkɛl a daa bʊla Kwaamaɨ woi, wʊnɨ a swɨ ɨ, a bʊla a kɛl dul mɨɨ.

1 Korinti 2:2

N kwɛl n do a nǝl mɨ kwama mǝ yǝm nǝbɔ jeni, mɨsɔ mǝ sʊwa kaa kɛl lɛ na ke bɔ a Yesu Kiristii, wʊnɨ ja kʊʊɨ.

Filibii 3:3

Jʊ a bwɨɨ, nǝbǝn bǝ biyo mwɛn bɨlǝngǝnɨ. Bǝn nǝb nɨ bǝ bǝlá Kwaama lɛ a gola Yʊwa Kwaamaɨ. Bǝ maa sʊtɔ lɛ a mʊgɔ Kiristi Yesui. Bǝ ya bɔ kwaan a maajɨ bʊtɔ sul,

Roma 1:16

Fulon kɛl lǝmɨgɔ ke bɔ jǝ gunidul a daa mǝ woi, nǝn gɔ kwaan Kwaamaɨ wʊnɨ yɔ lɛ nǝn nǝb nɨ gwam a nǝ bɨlǝngkɛl a nyatǝm bʊʊtǝmɨ, Yahudawagɔ nǝn tɨkǝga, sǝla Bʌtʌbɔ.

Galatiya 5:24

Nǝb nɨ na a Kiristi Yesui, ja kwɛl ja kʊʊ kʊʊɨ bʊʊlalɨ bwɨlagɔ jǝbɔ kanjǝl bwɨlantɨn nɨ jǝ swɨ lɛ ja maaɨ.

1 Korinti 3:21

A dul kɛl nɨ, bɛ ka bǝ maa lɛ lɨyal nǝn nǝfitʌmɔ, jʊ a bwɨɨ kanjǝlɔ gwam na a jen.

1 Korinti 15:58

Gǝ na nyɔ, kɛtǝlam mɨ nɨ mǝ swɨ lɛɨ, jǝ́ tɨ nǝn kwaan, ka kaa jǝl ya mǝg jen nɛ, kwangkwang jǝ́ maa maajɨ Tɛlalɔɨ nǝn kwaan bʊtɔ, jʊ a bwɨɨ jǝ́ nyǝm gaalan jenɔ a kɛl dul Tɛlalɔɨ, mɨsɔ yɔ lɛ nǝn kwan.

Galatiya 1:4

Yesu Kiristi a nǝ dul gǝnɔ a dul bwɨlangkɛl bǝn, sǝ a jǝg bǝn a mʊgɔ bwɨlan yooli nɨ gǝm. Wʊnɨ nǝn gɔ swɨtǝm Kwaama Tɛtɛ bǝnɨ.

1 Korinti 1:23

Nǝn nǝn kiyo kɛl Kiristii nǝ kʊʊtǝm, wʊnɨ a dǝg Yahudawagɔ a fǝ naaɨ, n jǝ fʌmʌn a daagɔ Bʌtʌbɔ woi.

Roma 6:2

Ɔ ɔ, mɨ nyɔ! Bǝn nɨ bǝ bʊlam a bwɨlangkɛlɨ, laa maa nyǝn bǝ ja kǝga lɛ nǝn yɨmɔ a mʊgɔ gǝnɨ?

2 Korinti 11:12

Jʊ mǝ maa lɛɨ, nǝn gɔ ya mǝ maa lɛɨ, dɨsɔ n mǝlǝm gola nǝb nɨ maa lɨyal lɛ gɔ maajɨ nǝnɔ win jǝbɔ a jini.

Luka 20:16

Bɛ ba jʌbom jʌbom nǝb nɨ a yo twam ywatǝmɨ sǝ a nǝ kaam nǝb twam ywatǝmɔ.” Nǝbɔ a nyʊwa nyɨɨ, nǝngɔ ja sʊwa gɔ, “Bɛ Kwaama a shigʌm.”

Galatiya 2:17

Na bǝ saa lɛ bǝ yǝlam nǝb dǝngdǝng a kǝga Kwaamaɨ a daa Kiristi woi, na ja nya bǝn nǝn kang bǝn bǝ nǝb bwɨlangkɛlɨ, la Kiristi a yǝlam bwɛ jwaalɛ bwɨlangkɛl ka? Mɨ nyɔ!

Galatiya 2:19

A gola bwangtǝm diil, n bʊla. Diilɔ mɨ nǝn kwaan a dul mɨ, sǝ n nya kʊlɨ n yǝlam a Kwaamaɨ.

Galatiya 3:21

Diilɔ maa kii lɛ jǝbɔ swatǝm yaa Kwaamaɨ ka? Ɔ ɔ, mɨ nyɔ. Na na ja bɛ nǝn kaa diil wʊnɨ dǝg lɛ bǝ bʊʊɨ, na bǝ nya nya dǝngdǝng Kwaamaɨ, na bǝ bwangtǝn diili.

Filibii 3:18

N sʊwa jen naagɔ a lada, kǝngkɔ mǝ sʊwa jen nɛ tag nǝn mwɛ num, nǝbɔ a lada yɨm jinɔ maamɔ nǝb kiim tɨya kʊʊtǝm Kiristii.

Kolosii 2:20

Na bwaa jenɔ jǝbɔ Kiristii a jǝg jen a jǝfʊlǝn yooli nɨɨ, n wɛ a bwɨ jǝ́ yɨ yɨm lɛ maamɔ jǝ́ na a yooli tagɨ? N wɛ a bwɨ jǝ́ bwangtǝn diiltɨn nɨ lɛ sʊwa lɛ gɔ,