Galatiya 6:13 - Dadiya NT

¹³ Nǝb nɨ jǝ maa jim biyotǝm mwɛnɨ, mɨ jǝ kɨla diil Musaɨ lɛ. N swɨtǝm jin gɔ jǝ biyo jem mwɛn, sǝ jǝ maa sʊtɔ nǝn jen gɔ jǝ biyo jem mwɛn.

Galatiya 6:13 Referans Kwoze

Filibii 3:3

Jʊ a bwɨɨ, nǝbǝn bǝ biyo mwɛn bɨlǝngǝnɨ. Bǝn nǝb nɨ bǝ bǝlá Kwaama lɛ a gola Yʊwa Kwaamaɨ. Bǝ maa sʊtɔ lɛ a mʊgɔ Kiristi Yesui. Bǝ ya bɔ kwaan a maajɨ bʊtɔ sul,

1 Korinti 5:6

Maatǝm sʊtɔ jenɔ a bʊm bɔ. Jǝ́ nyǝm bɔ, kǝlɨ yisti nǝn dǝm nyɔ gǝ dɔ bʊtɔ kʊkkʊmɔ lɛ gwamɨ ka?

2 Bitrus 2:19

Jǝ maa jim swatǝm yaa nyatǝm dul. Ji nǝn kang jin, jǝ jwaalɛb a maatǝm jǝ bwɨlan, n kanjǝlɔ kal ji lɛɨ. Jʊ a bwɨɨ nǝl a yǝlam jwaalɛ a dul jʊ nɨ a kʊwa gǝnɨ.

2 Korinti 11:18

Kanga nǝbɔ a lada maa lɨyal lɛ nǝn kanjǝl yooli nɨɨ, mǝ tǝmɨ mǝ maa maa lɨyal.

Matta 23:15

“N mwɛ jen, jǝ́ nǝb mɛlalɨ diilɔ jǝbɔ nǝbɔ Farisaɨ, nǝb fento nǝn kwan! Jǝ́ yab wɨma, sǝ jǝ́ la tǝmtɨn nɨ a kʊtaɨ sǝ jǝ́ nya nǝ bwangtǝm win. Na jǝ́ nya gǝnɨ, jǝ́ dǝg gǝn a dɔtǝm mʊgɔ lɔ kǝla nɨ a shilo a kwaba a jeni.

Matta 23:3

Bɛ ya jǝ́ bwangtǝn kanjǝl nɨ lɛ jǝ mɛla jem lɛɨ. Bɛ ka jǝ́ maa lɛ jʊ nɨ jǝ maa lɛɨ, jʊ a bwɨɨ mɨ jǝ maa kanjǝl nɨ lɛ jǝ sʊwa nǝbɔ lɛ gɔ ja maaɨ.

1 Korinti 3:21

A dul kɛl nɨ, bɛ ka bǝ maa lɛ lɨyal nǝn nǝfitʌmɔ, jʊ a bwɨɨ kanjǝlɔ gwam na a jen.

Matta 23:23

“N mwɛ jen, nǝb mɛlalɨ diilɔ, jǝbɔ nǝbɔ Farisaɨ, nǝb fento nǝn kwan! Jǝ́ nǝ win a mʊgɔ kʊb na kanjǝl geggeg jenɔ, jǝbɔ welewele jǝbɔ yam, jǝ́ bǝla kanjǝl nɨ a laa jǝl a mʊgɔ diili, kanjǝl nɨ nǝn gɔ n maatǝm borang dǝngdǝng, jǝbɔ bʊnatǝm, jǝbɔ tatǝm swatǝm yaa. N kanjǝlɔ a bʊm na jǝ́ maa lɛɨ, ka jǝ́ bǝla lɛ maatǝm kǝtǝn kanjǝlɔ tag.

Luka 5:38

Bʊgɛ fɨgɔ jǝ tal a sʊwa fɨ!