Galatiya 5:23 - Dadiya NT

²³ jǝbɔ shigtǝm dul, jǝbɔ tatǝm dul. Mɨ diil wo a maatǝm kanjǝl nɨɨ.

Galatiya 5:23 Referans Kwoze

1 Timoti 1:9

Bǝ nyǝm tag ja maa bɔ diilɔ a dul nǝb nɨ dǝngdǝngɨ. Ja maa a dul nǝb nɨ kǝl diil lɛɨ, jǝbɔ nǝbɔ mɨ bwangtǝn gola lɛɨ, jǝbɔ nǝb nɨ mɨ bwangtǝn Kwaama lɛɨ, jǝbɔ nǝb bwɨlangkɛlɔ, jǝbɔ nǝb nɨ mɨ sagsagɨɨ, jǝbɔ nǝbɔ tuwo Kwaama lɛɨ, jǝbɔ nǝbɔ jʌbo tɛtǝlam jinɔ lɛ jǝbɔ nɛtǝlam jini, jǝbɔ nǝb jʌtǝm dul.

Maajɨ Bɛtɔ Twamagɨɨ 24:25

Nǝngɔ la Bulus a tǝl sʊwa ji kɛlɔ lɛ a dul yɨm dǝngdǝngɨ, jǝbɔ tatǝm dul, jǝbɔ kumɔ borang nɨ bɛm lɛɨ. Nyʊwatǝmɔ nyɨɨ, taalɔ a ta Filikus. Nǝngɔ a sʊwa Bulus gɔ, “Yǝla kǝngkɔ. Na n nya golaɨ, mǝ jo ń jo ń.”

Titus 2:2

Bɛ ń mɛla batǝm dʊʊmɔ gǝm ja yǝlam nǝb tatǝm dul, nǝbɔ a shing shingi, nǝbɔ a dǝg kang a sʊɨ, nǝbɔ a tɨ dangǝn a nǝtǝm bɨlǝngkɛl jinɔ gǝmɨ, jǝbɔ swɨtǝm nǝbɨɨ jǝbɔ bwatǝm nǝl.

Titus 1:8

Bɛ a yǝlam nʊ nɨ shig faabǝm lɛɨ, nʊ nɨ swɨ maatǝm jǝ nya lɛɨ, nʊ nɨ a dǝg kang gǝnɔ a sʊɨ, nǝ dǝngdǝng, nǝ sagsag, nǝ tatǝm dul,

1 Korinti 9:25

Gwam nǝb nɨ maa gaan bangatǝm lɛɨ, jǝ mwɛ dul jinɔ a golantɨnɔ gǝm gwam. A jinɔ jǝ maa nyɔ, sǝ ja nya dwang dul nɨ kala lɛɨ. A bǝnɔ mɨsɔ kala lɛ wo.

Galatiya 5:18

Na Yʊwagɔ yɔ lɛ nǝn jeni, diilɔ mɨ nǝn kwaan a dul jen.