Galatiya 5:22 - Dadiya NT

²² Bwili Yʊwagɔ n swɨkatǝm, jǝbɔ fulotǝm nǝl, jǝbɔ yɨm kwamɨgǝn, jǝbɔ kʊtǝm nǝl, jǝbɔ nǝl lǝmǝn, jǝbɔ maatǝm jǝ nya, jǝbɔ tatǝm swatǝm yaa,

Galatiya 5:22 Referans Kwoze

Yohana 15:5

“Nǝmǝ mǝ tɨya fogfogigɨɨ, nǝjen jǝ́ kang tɨyantɨnɨ. Nʊ nɨ a yɨ a mʊgɔ mɨɨ, mǝ tǝmɨ mǝ a mʊgɔ gǝnɨ, nǝn gɔ tʊʊ tʊʊl lɛ a ladaɨ. Na ke bɔ a mʊgɔ mɨɨ, mɨsɔ jǝ́ dwal lɛ jǝ́ maa kaa jǝl.

Yohana 15:2

Gwam kang tɨyang nɨ a mʊgɔ mɨ, mɨ tʊʊ tʊʊl lɛɨ, gǝ kam gǝn kam. Gwam kang tɨyang nɨ gǝ tʊʊ tʊʊl lɛɨ, gǝ mwatam mwatam sǝ a sʊtǝn tʊʊlɔ.

Afisa 5:9

Jʊ a bwɨɨ nyalǝmɔ nǝn gɔ gǝ bʌ jʊ nɨ lɛ gwam na a nyanɨ, jǝbɔ jʊ nɨ dǝngdǝngɨ, jǝbɔ jʊ nɨ bɨlǝngkɛlɨ.

Yohana 15:16

“Ke bɔ jen jǝ́ jǝg ɨɨ. Nǝmǝ mǝ jǝgǝm jeni. Mǝ dǝg jen mǝʊ jǝ́ yɔ ya jǝ́ tʊʊ tʊʊl, tʊʊl nɨ mɨsɔ dɨ lɛ woi, sǝ Tɛtɛ a nɨ jen jʊ nɨ gwam jǝ́ kelaɨ a mʊgɔ dun mɨ.

Roma 7:4

A na nyɔ kɛtǝlam mɨ, jǝ́ bʊla a diilɔ gǝm a gola bʊtɔ Kiristii, jʊ a bwɨɨ sǝ jǝ́ yǝlam a kaa nǝlɨ, wʊnɨ ja gung gǝn a bwaaɨ, sǝ jǝ́ maa maajɨ nya a kǝga Kwaamaɨ.

1 Bitrus 1:22

Jǝ́ saalǝm dul jenɔ, a gola nǝtǝm bɨlǝngkɛl. N jʊ a bwɨ kǝngkǝnɨ jǝ́ nʊng swɨkan nyan nɛ a kɛtǝlam jenɔ gǝm nǝlɔ wini. A kɛl dul jʊ nɨɨ, bɛ jǝ́ ja kǝga nǝn swɨkan nɨ a kʊm jen nǝn sʊtǝm kwaan.

Matta 12:33

“Tɨya nyan, gǝ tʊʊ tʊʊl nyan, tɨya bwɨla, gǝ tʊʊ tʊʊl bwɨla, tɨyagɔ jǝ nyǝm gǝn nǝn tʊʊl gǝnɔ.

1 Korinti 13:13

Kǝngkɔ kanjǝlɔ taal a yɨɨ, nǝtǝm bɨlǝngkɛl, jǝbɔ yatǝm nǝl, jǝbɔ swɨkan. Nʊ a laa ji gwamɨ n swɨkan.

Filibii 1:11

Jǝ́ yii tag nǝn maajɨ dǝngdǝng wʊnɨ jǝ́ nya lɛ a gola Yesu Kiristii. Wʊnɨ nǝn gɔ bɛ lɛ nǝn dʊʊlǝn Kwaamaɨ jǝbɔ bǝlátǝm gǝnɨ.

Kolosii 1:10

Nǝn kela Kwaama lɛ nyɔ sǝ jǝ́ yɨ yɨm nɨ a daa tʌgo a bwangtǝm Tɛlalɔɨ. Jǝ́ fulo gǝm nǝl lɛ a golantɨnɔ gǝm gwam. Jǝ́ maa maajɨ nyan nɛ nǝn dʌmʌn. Jǝ́ sʊ lɛ nǝn nyǝmtǝm Kwaamaɨ.

Galatiya 5:13

Jǝ́ kɛtǝlam mɨɨ, ja jo jen a nyatǝm demtǝm kang. Bɛ ka jǝ́ do lɛ demtǝm kang jenɔ a yǝlam jem gola maatǝm bʊʊlalɨ bwɨla. Bɛ ya jǝ́ tɨkaka lɛ a kʊm jen nǝn swɨkan.

Afisa 4:23

Bɛ Yʊwagɔ a fʌto gola bʊʊlalɨ jenɔ.

Roma 6:22

Kanga Kwaama a jǝg jen a maatǝm bwɨlangkɛl jǝ́ yǝlam jwaalɛb gǝnɨ, sʊtǝmɔ jǝ́ nya lɛɨ, jǝ́ yǝlam sagsag, dɨltǝmɔ n kʊlɨ nɨ mɨ dɨtǝm woi.

1 Bitrus 1:8

Jǝ́ kuwo gǝn bɔ wo sul, jǝ́ swɨ gǝn nɛ. Jǝ́ kuwo gǝn bɔ kǝngkɔ sul, jǝ́ nǝ bɨlǝngkɛl a daa gǝ woi, n kɛl dul jʊ nɨ jǝ́ maa fulotǝm nǝl lɛ dangǝnɨ, wʊnɨ a laa laaɨ kwaan sʊwatǝmɨ.

1 Timoti 4:12

Ka ń jǝla lɛ nǝl a soga ń gɔ mɔ bwɛsǝn. Bɛ ń yǝlam jǝ mɛlalɨ a daagɔ nǝb nǝtǝm bɨlǝngkɛlɔ woi a gola sʊwatǝm kɛl, jǝbɔ gola yɨm, jǝbɔ swɨtǝm, jǝbɔ nǝtǝm bɨlǝngkɛl, jǝbɔ nǝl sagsag.

Roma 15:3

Kiristi nǝn kang gǝn a maa bɔ swɨtǝm dul, kanga a mʊla mʊlaɨ gɔ, “Tuwol nɨ jǝ maa mʊn nɛɨ, gǝ tǝla a dul mɨ.”

1 Bitrus 5:12

N mʊla jem nǝn kʌb nyɔ nǝn tɨkalɨ Silaɨ, wʊnɨ a kuwotǝm mǝndɨ a la nyɔ jǝ jo gǝn nɛ gɔ kɛ nʊ nɨ a ta swatǝm yaa gǝnɨ. Mǝ mʊla sǝ n sʊ jem kwaan, sǝ n sʊwa jen a talɨ kanga jʊ nɨ mǝ mʊla a lǝma Kwaamaɨ n bɨlǝngǝn. A dul kɛl nɨɨ, bɛ jǝ́ tɨ nǝn kwaan a lǝma Kwaamaɨ.

Roma 15:14

Kambɔ, n jǝla nǝn jen, mǝʊ jǝ́ nǝb nyan dangǝn, nǝb nyǝmtǝm nyangǝn, nǝb nɨ a la kanga mɛla kambɔ gǝm lɛɨ.

Luka 13:9

Na a tʊʊ tʊʊlɔ dikaɨ, a bʊm! Na a tʊʊ bɨɨ, sǝ n mwatɨm gǝn.’ ”

1 Timoti 3:11

Nɔɔtǝlam jinɔ tʌji, bɛ ja yǝlam nǝb shigtǝm dul, ke bɔ nǝb dǝnglatǝm kɛl, bɛ ja yǝlam nǝb tatǝm dul, nǝb tatǝm swatǝm yaa a golantɨnɔ gǝm gwam.

2 Tasalonikaɨ 3:2

Jǝ́ maa keligɔ sǝ a bʊʊ nǝn nǝn a kang nǝb bwɨlan nɨ dangǝn, jʊ a bwɨɨ ke bɔ pʌd jinɔ ja nǝ bɨlǝngkɛlɨ.

Roma 8:5

Nǝb nɨ yɨ yɨm bwangtǝm bʊtɔ lɛɨ, nǝl jinɔ gǝ na a jʊ nɨ bʊtɔgɔ swɨ lɛɨ. Nǝb nɨ yɨ yɨm Yʊwa lɛɨ, nǝl jinɔ gǝ na a jʊ nɨ Yʊwagɔ swɨ lɛɨ.

Roma 14:17

Fɔlɔn lɔ Kwaamaɨ n ke bɔ jatǝm jǝbɔ nɔɔtǝm. N kɛl yɨm dǝngdǝng, jǝbɔ yɨm kwamɨgǝn, jǝbɔ fulotǝm nǝl a mʊgɔ Yʊwa Kwaamaɨ.

Roma 15:30

Kambɔ, mǝ kela jen nɛ a dul Tɛlalɔ Yesu Kiristii, jǝbɔ swɨtǝm Yʊwa Kwaamaɨ, jǝ́ tɨka ɨ a mʊgɔ gaalanɔ mǝ woi, jǝ́ kela mɨ Kwaama.