Galatiya 5:21 - Dadiya NT

²¹ jǝbɔ nungon bwɨlan, jǝbɔ nɔɔtǝm bʊgɛ ya maa ń nɛ, jǝbɔ mʊrkatǝm dul nɨ bɛ lɛ nǝn kanjǝl nɔɔlatǝm nɨ ke bɔ a nyaɨ, jǝbɔ tangǝn kanjǝl nɨ nyɨɨ. Mǝ fɛ mǝ gʊ lɔl jenɔ lɛ kanga mǝ kwɛl mǝ sʊwa jen sʊwaɨ galɨgǝnɨ, mǝʊ nǝb nɨ maa jʊtǝb nɨ lɛɨ mɨsɔ jǝ nya kʊlɨ lɛ a fɔlɔn lɔ Kwaamaɨ.

Galatiya 5:21 Referans Kwoze

Roma 13:13

Bɛ bǝ yɔ yɔm nyan kanga a daa tʌgo nǝn kɔkɔɨ. Ka jǝ́ mʊrka lɛ a daa nɨ jǝ́ maam jǝ bwɨla lɛɨ, ka jǝ́ nɔɔ lɛ bʊgɛ ya maa jen nɛ, ka jǝ́ maa lɛ bulon, jǝbɔ jǝ gunidul, jǝbɔ gʊbkatǝm, jǝbɔ nungon.

Roma 8:13

Na jǝ́ yɨ yɨm bwangtǝm bʊtɔɨ, jǝ́ bʊla bʊla. Na jǝ́ yɨ yɨm a kwaan Yʊwa jǝ́ jʌm maajɨ bwangtǝm bʊtɔgɨɨ, jǝ́ yɨ yɨ nǝn kʊlɨ mɨ dɨtǝm wo.

Afisa 5:18

Ka jǝ́ nɔɔ lɛ bʊgɛ a maa jen, wʊnɨ kal kʊlɨ jenɔ lɛɨ. A laa jǝl jǝ́ yii nǝn Yʊwa.

1 Korinti 5:11

Mǝ mʊla jem mǝʊ, ka jǝ́ mʊrka lɛ dul jǝbɔ nʊ nɨ pʌd jǝ jo gǝn nɛ gɔ, kɛ nǝ bwangtǝmɨ, wʊnɨ maa bulon nɛɨ, jǝbɔ wɛl, jǝbɔ bwangtǝm shom, jǝbɔ tuwolatǝm tuwol, jǝbɔ nɔɔtǝm bʊgɛ ya maa gǝn nɛɨ, jǝbɔ jatǝm mɨbam. Ka jǝ́ ja lɛ jǝjalǝn jǝbɔ nǝb nɨ.

Dʊgam Nyangnyang 21:27

Mɨ nyǝmatǝm wo, mɨ kaa jʊ nɨ wo mɨ sagsag dɔ mʊgɔ gǝn nɛɨ. Nʊ nɨ maa jʊ nɨ lɛ a bʊm bɔ kuwotǝmɨ, jǝbɔ nʊ nɨ maa gabakɛl lɛɨ mɨsɔ dɔ lɛ, na ke bɔ nǝbɔ ja mʊla duntɨn jinɔ a langǝn bwangǝn kʊlɨ a Bɛ Gal nɨ kwaagɨɨ.

1 Bitrus 4:3

Jǝ́ kwɛl jǝ́ tɨla dangǝn a yɨm nɨ jǝ́ yɨ galɨgǝnɨ, wʊnɨ Bʌtʌbɔ swɨ maatǝm lɛɨ, a wʊlam nyɔ. Kanjǝl nɨ nǝn gɔ maatǝm bulon, jǝbɔ maatǝm wɛl, jǝbɔ yǝlatǝm dul, jǝbɔ nɔɔlatǝm jǝl ya maa jen nɛ, jǝbɔ jalatǝm kanjǝl bwɨlan nɨ a bʊm bɨɨ, jǝbɔ boga fʌl, jǝbɔ bwangtǝm bwɨlang shomtɨn.

Kolosii 3:6

N kɛl dul kanjǝl nɨ nabwɨl Kwaamaɨ bɛ lɛ a dul nǝb bǝngɨ lɔlɨ.

1 Tasalonikaɨ 5:7

Nǝbɔ gǝ daa dum lɛɨ, jǝ daa nǝn kum. Nǝbɔ gǝ nɔɔ lɛ ya maa ji lɛɨ, jǝ nɔɔ nǝn kum.

1 Korinti 15:50

Mǝ sʊwa jen kɛl nɨ kambɔ, mɨsɔ maa lɛ bʊtɔ jǝbɔ tʊʊm a nya kʊla fɔlɔn lɔ Kwaamaɨ. A na nyɔ tag, bʊtɔ bʊtatǝmɔ mɨsɔ nya kʊla lɛ a daa nɨ mɨ bʊtatǝm woi.

Dʊgam Nyangnyang 22:15

Nǝbɔ a gul tuulɔ nɨɨ, n nǝb bwɨlan, jǝbɔ nǝb nɨ maa maajɨ feyi lɛɨ, jǝbɔ nǝb maajɨ bulon, jǝbɔ nǝb jʌtǝm dul, jǝbɔ nǝb bwangtǝm shom, jǝbɔ nǝbɔ swɨ maatǝm gabakɛl lɛ a mʊgɔ kɛltɨn jinɔ gǝm gwamɨ, jǝbɔ maajɨtɨn jinɔ.

Matta 25:34

“Fɔlɔgɔ sʊwa sʊwa nǝb nɨ a kang jajǝng gǝnɨ gɔ, ‘Jǝ́ bɛ, nǝb nɨ Tɛtɛ mɨ a nǝ jen bwilii. Jǝ́ yo kʊla fɔlɔn lɔ nɨ ja fɛka jem nǝn tǝltǝm yooligɨɨ.

Luka 21:34

“Jǝ́ yɨ nǝn fɛkalɨ. Bɛ ka jǝ́ jǝla lɛ jatǝmɔ, jǝbɔ nɔɔtǝmɔ, jǝbɔ komʌn kanjǝl yooli nɨ a tangǝm nǝn jen a bwangtǝm mɨ, kage kɔkɔgɔ ba do jen nǝn dul

Ibranii 13:4

Bɛ naakanɔ a nya nǝtǝm dʊʊn, fiyodaalɨ naakanɔ a na sagsag. Nǝb bwɨlanɔ jǝbɔ nǝb bulonɔ Kwaama maa jim maa borang.

2 Tasalonikaɨ 2:5

Jǝ́ bʊʊla bɔ ka? Mɨ mǝ sʊwa jen kanjǝl nɨ lɛ kwama bǝ dakinii ka?