Galatiya 4:24 - Dadiya NT

²⁴ Jʊ nɨ gǝ nʊng mʊsǝn. Nɔɔtǝm nɨ jǝ nʊng swatǝm yaa yo. Win jʌng gǝnɔ n Yem Sinai, wʊnɨ bʌ bɛtɔ jwaalɛn nɛɨ. Nǝn gɔ nǝn Hajaratu.

Galatiya 4:24 Referans Kwoze

Galatiya 4:25

Hajaratu gǝ nʊng Yem Sinai a tǝm Larabawagɨɨ. Nǝn gɔ nʊngtǝm Urushalima a kǝngkɨɨ, jʊ a bwɨɨ gɔ jǝbɔ bɛtɔ lɔ gɨɨ jǝ jwaalɛb.

1 Korinti 10:11

Jʊ nɨ a bwɨ nǝn ji gwam sǝ a yǝlam bǝm mɛlalɨ. Ja mʊla ji sǝ a gʊ bǝm lɔl, bǝn nɨ dɨltǝm yooli nɨ a bɛ bǝmɨ.

Matta 13:35

A maa nyɔ, sǝ ja yii jʊ Ishaya nǝkuwotǝmkǝgagɔ a sʊwaɨ gɔ, “Mǝ sʊwa sʊwa mʊsǝn kɛltɨn, mǝ sʊwa sʊwa kanjǝl nɨ ja yʊ yʊɨ a tǝltǝm yooligɔ gǝmɨ.”

Ibranii 13:20

Bɛ Kwaama nɨ nǝ yɨm kwamɨgǝn nɛɨ, wʊnɨ a gung Tɛlalɔ bǝn Yesu a bwaaɨ, gʌleng nǝ tɔɔtǝm kwamɨ nɨ a gola tʊʊm nɨ nʊng swatǝm yaa nɨ lɛ mɨ dɨtǝm woi,

Ibranii 12:24

Jǝ́ la daagɔ Yesu woi, nʊ nɨ a tɨbǝl swatǝm yaa fɨɨ. Jǝ́ la daa tǝlatǝm tʊʊm nɨ sʊwa kɛl bʊmǝn nɛɨ, wʊnɨ a laa tʊʊm Habilaɨ.

Ibranii 11:19

Ibrahim a jǝla nǝn gɔ Kwaama nǝn kwaan gung gung nǝl a bwaa. Bǝ sʊwa sʊwa bǝngɔ a yǝla a yo Ishaku a bwaa.

Ibranii 7:22

N gola wɛɛlɨ nɨ Yesu a do tuulo swatǝm yaa nyan nɨ a tɨbǝl bǝn jǝbɔ Kwaamaɨ.

Galatiya 5:1

Kiristi nǝn gɔ a dem bǝm kang a mʊgɔ diil Musaɨ. Na gǝ na nyɨɨ, bɛ jǝ́ bwa nǝl jenɔ, bɛ ka jǝ́ yǝla lɛ jǝ́ dǝg dul jenɔ a mʊgɔ maatǝm jwaalɛn tag.

1 Korinti 10:4

Gwam jinɔ n mwɛ yʊwagɔ win Kwaama a nǝ ji ja nɔɔɨ. Jʊ a bwɨɨ ja nɔɔ mwɛmɔ a sunte nɨ na a Kwaamaɨ, wʊnɨ a yɔ yɔm jǝbɔ jii. Sunte nɨ nǝn Kiristi.

Roma 8:15

Yʊwa nɨ jǝ́ yei, n ke bɔ Yʊwa nɨ dǝg jen jwaalɛn nɛ jǝ́ yɨ nǝn taal tagɨ. Yʊwa nɨ jǝ́ yei, a dǝg jen jǝ́ yǝlam bɛtɔ lɔ Kwaamaɨ, bǝ jo gǝn bǝngɔ, “Tɛtɛ.”

Galatiya 4:3

A na nyɔ a daa bǝn woi. Nǝn kwama Kiristi lǝga bɔ a bɛɨ, bǝ na na bɛtɨ, bǝ na a mʊgɔ jwaalɛn a jǝfʊlǝn yooli nɨ gǝm.