Galatiya 3:29 - Dadiya NT

²⁹ Na jǝ́ na a Kiristii, jǝ́ dʊʊm Ibrahimi. Jǝ́ yo yo kʊla nɨ Kwaama a maa swatǝm yaa gǝnɨ.

Galatiya 3:29 Referans Kwoze

Afisa 3:6

Jʊ nɨ ja yʊ yʊɨ gǝ nʊng gɔ Bʌtʌbɔ fatǝm jatǝm kʊla jǝbɔ Yahudawagɔ. Jǝ jinʌn bʊtɔgɔ win. Jǝ fatǝm mʊrkalɨ tag a swatǝm yaa nɨ a mʊgɔ Kiristi Yesui a gola fulon kɛl lǝmɨ nɨɨ.

Galatiya 3:7

Jʊ jǝ́ nyǝm lɛɨ, nǝb nɨ a nǝ bɨlǝngkɛl a daagɔ Kwaama woi, nǝji jǝ bɛtɔ lɔ Ibrahimi.

Roma 8:17

Na bǝ bɛtɔ lɔ Kwaamaɨ, bǝ yǝlam nǝb jatǝm kʊla. Bǝn nǝb jatǝm kʊla Kwaamaɨ jǝbɔ fatǝm jatǝm kʊla bǝnɔ Kiristi. Yǝlam nyɔ na bǝ nɔɔ gaalan bǝnɔ Kiristii, dɨsɔ ja dʊʊl nǝn nǝbɔ gɔ.

Titus 3:7

A maa nyɔ sǝ a jǝg bǝn nǝn lǝma gǝnɔ sǝ bǝ yǝlam nǝb jatǝm kʊla, nǝb yatǝm nǝl a kʊlɨ nɨ mɨ dɨtǝm woi.

Dʊgam Nyangnyang 21:7

Nʊ nɨ a ku jelʌni, ja ja kʊlagɔ a daa mǝ woi. N yǝlam Kwaama gǝn, gǝ tǝgǝn a yǝlam bwɛ a daa mǝ woi.

Galatiya 4:7

Kǝngkǝnɨ jǝ́ ke bɔ bɛtɔ jwaalɛn tag, jǝ́ bɛtɔ bʌlʌng. Jǝ́ yǝlam bɛtɔ bʌlʌng, Kwaama a dǝg jen jǝ́ nǝb jatǝm kʊla.

Yakubu 2:5

Jǝ́ nyʊwa, kɛtǝlam mɨ nɨ mǝ swɨ lɛɨ! Ke bɔ nǝb bʊnǝn yooli nɨ Kwaama a jǝgam sǝ a yǝlam nǝb shilo a nǝtǝm bɨlǝngkɛl a daa Yesu woi ka? Ke bɔ ji jǝ wɔɔ kʊla fɔlɔn nɨ lɛ ga maa nǝb nɨ gǝm swɨ gǝn nɛɨ gǝm swatǝm yaaɨ ka?

2 Korinti 10:7

Jǝ́ dʌng jʊ nɨ a talɨ! Na nǝl a jǝla gɔ gǝ na a Kiristii, bɛ ga nyǝm gɔ nǝn tǝnǝn nǝ na nyɔ.

Ibranii 6:17

Kwaama tǝgǝn swɨ lɛ a nʊng nǝbɔ jʊ nɨ gǝ maa swatǝm yaa mɨsɔ gǝ fʌto lɛ woi, gǝ nʊng nǝn wɛɛlɨ.

Galatiya 3:16

Kwaama a maa swatǝm yaa jǝbɔ Ibrahim, jǝbɔ dʊʊm gǝnɔ. Kɛl Kwaamaɨ a sʊwa bɔ gɔ, “Kʌm dʊʊm” wʊnɨ nʊng lɛ gɔ a ladaɨ. Mɨ nyɔ. A sʊwa gɔ “Dʊʊm mʊnɔ” wʊnɨ a nʊng nʊ wini, nǝn gɔ nǝn Kiristi.

Ibranii 11:18

Wʊnɨ a dul gǝn Kwaama a sʊwa gɔ, “N gola Ishakui jǝ kiyo dʊʊm mʊnɔ lɛɨ.”

Ibranii 11:7

N gola nǝtǝm bɨlǝngkɛl Nuhui, nǝn kwama nɨ Kwaama a gʊ gǝm lɔl a dul kanjǝl nɨ ja kuwo bɔ dɨnɨ, nyʊwa taal Kwaamaɨ lɛ. Nǝngɔ a swiyo gʌleng tɨyamwɛngɔ sǝ a bʊʊ nǝn nǝbɔ lɔ gɨɨ. N gola nǝtǝm bɨlǝngkɛl tag a nʊng yooligɔ bwɨlangkɛl gǝnɨ, a yǝlam nǝ dǝngdǝng a kǝga Kwaamaɨ wʊnɨ nyatǝm gǝnɔ gǝ na a gola nǝtǝm bɨlǝngkɛlɨ.

Ibranii 1:14

N ke bɔ bɛtɔ twama Kwaamaɨ gwam n nǝb maajɨ yʊwa wʊnɨ Kwaama gǝ twam lɛ sǝ ja maa nǝbɔ gǝm nya bʊʊlɨ lɛɨ gǝm maajɨɨ ka?

Galatiya 5:24

Nǝb nɨ na a Kiristi Yesui, ja kwɛl ja kʊʊ kʊʊɨ bʊʊlalɨ bwɨlagɔ jǝbɔ kanjǝl bwɨlantɨn nɨ jǝ swɨ lɛ ja maaɨ.

Galatiya 3:28

Mɨ nʊngtǝm dʌmʌn wo a nǝb nɨ n Yahudawaɨ jǝbɔ Bʌtʌbɔ, nʊ nɨ bwɛ jwaalɛ jǝbɔ nʊ nɨ ke bɔ bwɛ jwaalɛɨ, nɔɔlɨ jǝbɔ balɨ. Jǝ́ yǝlam win a daagɔ Yesu Kiristi woi.

1 Korinti 15:23

Gwam bǝnɔ Kwaama gung bǝn gung win win. Kiristi nǝn gɔ tɨkǝga guntǝmɨ, na a yǝla a bɛɨ, nǝbam gǝnɔ gwam gun gun.

Matta 3:9

Bɛ ka jǝ́ sʊwa lɛ jengɔ, ‘Ibrahim nǝn gɔ nǝn tɛtɛ bǝnɨ.’ Mǝ sʊwa jen nɛ, Kwaama a mʊgɔ kwaan gǝn gung gung Ibrahim gǝm bɛtɔ dwalǝn a mʊgɔ tatǝn nɨ.

Galatiya 3:18

Na na bǝ nya bwilitɨn Kwaamaɨ a gola bwangtǝm diili, na mɨsɔ bǝ nya lɛ a gola swatǝm yaa. Kwaama a nǝ Ibrahim bwili nɨ a gola swatǝm yaa.

Galatiya 4:1

Jʊ mǝ sʊwa lɛɨ nǝn gɔ, nǝ jatǝm kʊla na gɔ a lɔ bwɛsǝnɨ, ga laa bɔ bwɛ jwaalɛ, bǝ nyǝm sul kʊlagɔ na a gɔ.

Galatiya 6:16

Bɛ lǝmagɔ jǝbɔ jitǝm bʊnǝnɔ a yɨ jǝbɔ nǝb nɨ gwam bwangtǝn diiltɨn nɨ lɛɨ. Nǝb nɨ nǝn gɔ nǝb Israilaɨ bɨlǝngǝn a Kwaamaɨ.