Galatiya 3:26 - Dadiya NT

²⁶ Jʊ a bwɨɨ gwam jǝ́ bɛtɔ lɔ Kwaamaɨ a gola nǝtǝm bɨlǝngkɛl a daa Kiristi Yesu woi.

Galatiya 3:26 Referans Kwoze

Afisa 1:5

a jǝla a do bǝn sǝ bǝ yǝlam bɛtɔ lɔ gɨɨ a gola Yesu Kiristii. N jʊ swɨ lɛɨ, a nǝ gǝn fulotǝm nǝl.

2 Korinti 6:18

Mǝ yǝlam yǝlam Tɛ a daa jen woi. Jen tʌjen jǝ́ yǝlam yǝlam bɛtɔ lɔ mɨɨ, batǝm jǝbɔ nɔɔtǝm, N sʊwatǝm Tɛlalɔ Nǝ Kwaanɨ.”

Filibii 2:15

Jǝ́ maa nyɔ sǝ jǝ́ yǝlam nǝb nɨ mɨ nǝn jǝ tuwoli, nǝb sagsag, bɛtɔ lɔ Kwaamaɨ nɨ mɨ nǝn kʊlanɨ. Jǝ́ yɨ yɨm jenɔ a kʊm nǝb nɨ dulɔ a yǝla yǝlaɨ, nǝb bwɨlangkɛlɔ, nyalǝm jenɔ won nɛ ganggang a kʊm jin a yooli nɨ.

Dʊgam Nyangnyang 21:7

Nʊ nɨ a ku jelʌni, ja ja kʊlagɔ a daa mǝ woi. N yǝlam Kwaama gǝn, gǝ tǝgǝn a yǝlam bwɛ a daa mǝ woi.

Afisa 5:1

Bɛ jǝ́ mɛla yɨm Kwaamaɨ. Nǝjen jǝ́ bɛtɔ lɔ gɨɨ swɨ lɛ nyangǝnɨ.

Yohana 20:17

Yesu a sʊwa gǝn gɔ, “Ka ń ta ɨ lɛ, jʊ a bwɨɨ mǝ gwi bɔ n yɔ a daa Tɛtɛ mɨ woi dɨn. Yɔ a daa kɛtǝlam mɨ woi ya ń sʊwa ji mɔʊ, ‘Mǝ yi a daa Tɛtɛ mɨ woi jǝbɔ Tɛtɛ jen, Kwaama mɨ jǝbɔ Kwaama jen.’ ”

Yohana 1:7

A bɛ sǝ ba nǝ nyiyo a sʊwa nǝbɔ bɨlǝngkɛl a dul nyalǝm nɨ, sǝ nǝbɔ gwam a nǝ bɨlǝngkɛl a gola gǝn.

Roma 8:1

Gǝ na nyɔ, mɨ borang bwaa wo kǝngkɔ a dul nǝb nɨ a mʊgɔ Kiristi Yesui.

Roma 8:19

Kanjǝl nɨ gwam Kwaama a fwalɨ, jǝ ya nǝl lɛ nyangǝn, jǝ yam Kwaama lɛ sǝ a nʊng bɛtɔ lɔ gɨɨ.

2 Korinti 1:1

Nǝmǝ mǝ Bulus, bwɛ twama Kiristi Yesui nǝn jǝlatǝm Kwaamaɨ, nǝbɔ kɨla bǝn Timoti. Nǝn mʊla mʊrkalɨ nǝb bwangtǝm Kwaamaɨ nɨ gǝm lɛ a Korintii, jǝbɔ nǝb sagsag nɨ pʌd a tǝm Akayaɨ.

Galatiya 3:28

Mɨ nʊngtǝm dʌmʌn wo a nǝb nɨ n Yahudawaɨ jǝbɔ Bʌtʌbɔ, nʊ nɨ bwɛ jwaalɛ jǝbɔ nʊ nɨ ke bɔ bwɛ jwaalɛɨ, nɔɔlɨ jǝbɔ balɨ. Jǝ́ yǝlam win a daagɔ Yesu Kiristi woi.

Galatiya 4:14

Bʊtɔ mǝndɨ nɨ mɨ kwamɨgǝnɨ a yǝlam jem tɛltǝm a lada, jǝ́ kɔ bɔ yotǝm mǝndɨ. A bɨtǝnɨ, jǝ́ yo i maamɔ mǝ bwɛ twama Kwaamaɨ nɨ a dʌbʌli. Jǝ́ yo i maamɔ nǝn Kiristi Yesu nǝn kang gǝn.

Galatiya 5:6

Na bǝ na a daagɔ Yesu Kiristi woi, biyotǝm mwɛn jǝbɔ mɨ biyotǝm mwɛn wo, mɨ a nyiyo kaa jǝl. Nǝtǝm bɨlǝngkɛl jenɔ nɨ maa maajɨ swɨkan nɛɨ, nǝn gɔ a laa jǝlɨ.

Galatiya 5:24

Nǝb nɨ na a Kiristi Yesui, ja kwɛl ja kʊʊ kʊʊɨ bʊʊlalɨ bwɨlagɔ jǝbɔ kanjǝl bwɨlantɨn nɨ jǝ swɨ lɛ ja maaɨ.

Afisa 1:1

Nǝmǝ mǝ Bulus, bwɛ twama Kiristi Yesui nǝn jǝlatǝm Kwaamaɨ. Mǝ mʊla nǝb sagsagɔ gǝm lɛ a Afisaɨ, nǝb nɨ a ta swatǝm yaa a mʊgɔ Kiristi Yesui.

Filibii 1:1

Nǝmǝ mǝ Bulus nǝbɔ Timoti, nǝn bɛtɔ jwaalɛn Kiristi Yesui, Nǝn mʊla nǝb sagsagɔ gǝm lɛ gwam a Filibii, nǝbɔ a mʊgɔ Kiristii, jǝbɔ nǝb dʊʊm nɨ dʌng nǝb bwangtǝmɔ lɛɨ jǝbɔ nǝbɔ maa jim maajɨ lɛɨ.

Filibii 1:8

Kwaama a nyǝm n swɨ jen na swɨtǝmɔ Kiristi Yesu maa jem lɛɨ.

Kolosii 1:4

Nǝn maa nyɔ jʊ a bwɨɨ nǝn nyʊwa fulon nǝtǝm bɨlǝngkɛl jenɔ a mʊgɔ Kiristi Yesui, jǝbɔ swɨtǝmɔ jǝ́ maa nǝb sagsagɔ gǝm lɛ gwamɨ.

Kolosii 2:6

Kanga jǝ́ yo Kiristi Yesu nǝn Tɛlalɔ jeni, bɛ jǝ́ ja kǝga nǝn yɨmɔ a mʊgɔ gǝn.

Filimon 1:1

Nǝmǝ mǝ Bulus bwɛ lɔsomii, a kɛl dul Yesu Kiristii, jǝbɔ Timoti kɨla bǝn. Nǝn mʊla Filimon gǝm langǝn bwangǝn nɨ lɛɨ, fwalɨ nyan bǝnɔ jǝbɔ fwalɨ maajɨ bǝnɔ.

Filimon 1:9

A kɛl dul swɨkan, a bʊm nyɔ n kela ń ń maa nyɔ, mǝ, Bulus dʊʊ, n wɔ kǝngkɔ tag mǝ bwɛ lɔsomii a kɛl dul Yesu Kiristii.