Galatiya 3:18 - Dadiya NT

¹⁸ Na na bǝ nya bwilitɨn Kwaamaɨ a gola bwangtǝm diili, na mɨsɔ bǝ nya lɛ a gola swatǝm yaa. Kwaama a nǝ Ibrahim bwili nɨ a gola swatǝm yaa.

Galatiya 3:18 Referans Kwoze

Galatiya 2:21

Mǝ kɔ bɔ lǝma Kwaamaɨ. Na na gola bwangtǝm diil nǝbɔ yǝlam nǝb dǝngdǝng lɛ a kǝga Kwaamaɨ, na Kiristi a bʊla nǝn kwan.

Galatiya 3:29

Na jǝ́ na a Kiristii, jǝ́ dʊʊm Ibrahimi. Jǝ́ yo yo kʊla nɨ Kwaama a maa swatǝm yaa gǝnɨ.

Roma 8:17

Na bǝ bɛtɔ lɔ Kwaamaɨ, bǝ yǝlam nǝb jatǝm kʊla. Bǝn nǝb jatǝm kʊla Kwaamaɨ jǝbɔ fatǝm jatǝm kʊla bǝnɔ Kiristi. Yǝlam nyɔ na bǝ nɔɔ gaalan bǝnɔ Kiristii, dɨsɔ ja dʊʊl nǝn nǝbɔ gɔ.

Galatiya 3:26

Jʊ a bwɨɨ gwam jǝ́ bɛtɔ lɔ Kwaamaɨ a gola nǝtǝm bɨlǝngkɛl a daa Kiristi Yesu woi.

Galatiya 3:16

Kwaama a maa swatǝm yaa jǝbɔ Ibrahim, jǝbɔ dʊʊm gǝnɔ. Kɛl Kwaamaɨ a sʊwa bɔ gɔ, “Kʌm dʊʊm” wʊnɨ nʊng lɛ gɔ a ladaɨ. Mɨ nyɔ. A sʊwa gɔ “Dʊʊm mʊnɔ” wʊnɨ a nʊng nʊ wini, nǝn gɔ nǝn Kiristi.

Galatiya 3:12

Mɨ jʊ nɨ wo a mʊrka diilɔ jǝbɔ nǝtǝm bɨlǝngkɛlɨ, kanga a mʊla mʊlaɨ gɔ, “Na nʊ nɨ a maa kanjǝl nɨ gwam ja mʊla a mʊgɔ diili, yɨ yɨ nǝn kʊlɨɨ.”

Galatiya 3:10

Nǝb nɨ gwam kuwo lɛ gɔ Kwaama yo ji yo a gola bwangtǝm diili, ja lag ji. Mʊlalɨ kɛl Kwaamaɨ a sʊwa gɔ, “Gwam nʊ nɨ a bwangtǝn bɔ jʊ nɨ gwam ja mʊla a langǝn bwangǝn mʊlalɨ diilɔ gǝmɨ, ja lag gǝn.”