13 Nǝn Kiristi ba jǝg dul bǝnɔ a mʊgɔ lagtǝm diili, wʊnɨ a yǝlam jǝ lagtǝm a kɛl dul bǝnɨ. A mʊla mʊlaɨ gɔ, “Nʊ nɨ ja kʊʊ gǝn a dʌbʌl nyiyo tɨyaɨ, a yǝlam jǝ lagtǝm.”
Gǝ nǝn dul gǝn a dem bwɨlangkɛltɨn bǝnɔ a bʊtɔ gǝn a dʌbʌl tɨya kʊʊtǝm, sǝ bǝ yɨ yɨm bǝnɔ bʌlʌn a bwɨlangkɛl, nyatǝm kʊlɨ tag a dǝngdǝng. N kɛl dul dɛɛbǝl gǝnɔ ja gung jeni.
Kiristi a dɔ Daa nɨ a Laa Sagsagɨɨ naa win swar, mɨ sʊtǝm wo. Ke bɔ a gola tʊʊm bɨntɨn jǝbɔ bɛl nɛɛ a dɔɨ. A dɔ a gola tʊʊm gǝn. A maa bǝm jǝgtǝm nɨ mɨ dɨltǝm woi.
Kiristi a bʊla sǝ a jǝg ji a bwɨlangkɛl nɨ ja maa a swatǝm yaa tɨkǝgagɔ gǝmɨ. A dul bwaa gǝnɔ gǝm, nǝn gɔ a tɨbǝl swatǝm yaa fɨgɔ gǝmɨ, sǝ nǝb nɨ ja jo jii, ja yo kʊla nɨ mɨ dɨltǝm woi, wʊnɨ ja swam jim yaaɨ.
Jǝ ma nafɨ fɨgɔ lɛ jǝ sʊwa lɛ gɔ: “Ń la nyɔ ń do langǝn bwangǝn nɨ, ń gwalam mɛltɨn nɨ ja bʊltɨ tʌgoi, jʊ a bwɨɨ galɨgǝn ja jʌ ń, nǝmɔ tag mʊ ten Kwaama gǝm nǝbɔ a gola tʊʊm mʊnɨ. Mʊ ten Kwaama gǝm nǝbɔ a daagɔ nyiyotɨnɔ woi pʌd jǝbɔ bǝlǝntǝmɔ gwam.
jǝbɔ daagɔ Yesu Kiristi woi, wʊnɨ n nǝ yiitǝm swatǝm yaa, nǝ nǝtǝm nyiyo bɨlǝngǝnɨ. Nǝn gɔ na win a guntǝm a bwaaɨ. Nǝn gɔ nʊ nɨ maa fɔlɔn nɛ a dul fɔlɔlɔm yooli nɨɨ, nʊ nɨ swɨ bǝn nɛɨ, a jǝg bǝn a mʊgɔ bwɨlangkɛltɨn bǝnɔ gǝm a gola tʊʊm gǝnɨ.
A Kiristii a bʊla naa win swar, mɨ sʊtǝm wo, sǝ a tʊngǝm bwɨlangkɛltɨn bǝnɔ. Nǝ dǝngdǝngɔ a bʊla a kɛl dul nǝb nɨ ke bɔ nǝb dǝngdǝngɨ, sǝ a yɔ nǝn bǝn a daagɔ Kwaama woi. Ja jʌ gǝn a bʊtɔ, a gung gǝn a Yʊwa.
A na nyɔ Kiristi tǝgǝn ja nǝ a twɨtǝm yulʌn naagɔ win swar, sǝ a dem bwɨlangkɛl nǝbɨɨ a lada. Yǝla bɛ bɛ, bɛtǝm na yogɔ, ke bɔ a dul demtǝm bwɨlangkɛl, bɛ sǝ ba bʊʊ nǝn nǝb nɨ yam bɛtǝm gǝnɔ lɛɨ.
Na na Kiristi gǝ nǝ dul gǝnɔ a joli, na nɔɔ nɔɔ gaalan kwangkwang dangǝn a tǝltǝm yooligɔ gǝm ba la nǝn a kǝngkɨɨ. Kǝngkɔ a nʊng dul gǝnɔ naa win swar a dɨltǝm yooligɔ gǝm sǝ a dem bwɨlangkɛlɔ a gola nǝtǝm dul gǝn a twɨtǝm yulʌn.
Nǝb nɨ gwam kuwo lɛ gɔ Kwaama yo ji yo a gola bwangtǝm diili, ja lag ji. Mʊlalɨ kɛl Kwaamaɨ a sʊwa gɔ, “Gwam nʊ nɨ a bwangtǝn bɔ jʊ nɨ gwam ja mʊla a langǝn bwangǝn mʊlalɨ diilɔ gǝmɨ, ja lag gǝn.”
Nǝb nɨ yǝm gwam a yooli nɨɨ, jǝ jʊng jʊng ja maa yʊwal bwɨla nɨ gǝm bǝlátǝm, na ke bɔ nǝb nɨ a tǝltǝm yooli nɨ ja mʊla dun jinɔ a mʊgɔ langǝn bwangǝn kʊlɨ nɨɨ. Langǝn bwangǝn kʊlɨ nɨ na a Bɛ Gal nɨ ja biyoi.