Galatiya 2:11 - Dadiya NT

¹¹ Nǝn kwama nɨ Bitrus a Antakiyaɨ, nǝngɔ mǝ ga gǝn kǝga jǝbɔ kǝgaɨ, a dul bwɨlangkɛl gǝnɔ nɨ a talɨɨ.

Galatiya 2:11 Referans Kwoze

1 Timoti 5:20

Nǝb dʊʊm nɨ maa bwɨlangkɛl lɛɨ, bɛ ń ga jim wulong a kǝga nǝb bwangtǝmɨ, sǝ tangǝn nǝbɔ a nyʊwa taal.

Galatiya 2:14

Nǝn kwama mǝ kuwo jǝ maa jǝ jinɔ lɛ mɨ a mʊgɔ bɨlǝngkɛl fulon kɛl lǝmɨɨ, nǝngɔ mǝ sʊwa Bitrus a kǝga nǝbɨɨ gwam mǝʊ, “Mʊ nɨ mʊ bwɛ Yahudaɨ, mʊ bwangtǝn jǝfʊlǝn Bʌtʌbi lɛ. Kǝngkɔ mʊ dǝg Bʌtʌbɔ nǝn kwaan sǝ ja bwangtǝn jǝfʊlǝn Yahudawagɨɨ ka?”

2 Korinti 5:16

Kǝngkɔ a kǝga nɨ mɨsɔ nǝn dʌng kaa nǝl lɛ a kuwotǝm nǝfilii. Galɨgǝn nǝ dʌng Kiristi wo a kuwotǝm bʊtɔ. Kǝngkɔ mɨsɔ nǝ yǝla lɛ nǝn dʌng gǝn nyɔ.

Maajɨ Bɛtɔ Twamagɨɨ 15:1

Nǝngɔ kaam nǝb a jel a Yahudiya ja bɛ a Antakiyaɨ, jǝ mɛla nǝb bwangtǝmɔ gǝm lɛ jǝ sʊwa lɛ gɔ, “Na ja biyo jem bɔ mwɛn kanga diil Musaɨ a nʊngɨ, mɨsɔ jǝ́ nya bʊʊtǝm lɛ.”

Yahuza 1:3

Fatǝm nyan mǝndɨ mǝ swɨ lɛɨ, na mǝ swɨ lɛ n maa jem mʊlalɨ a kɛl bʊʊtǝm bǝnɔ gǝm, nǝngɔ mǝ kuwo a bʊm nyɔ n mʊla jem, n kela jen, jǝ́ kʌshi nǝtǝm bɨlǝngkɛl nɨ Kwaama a nǝ nǝb sagsagɔ naa win swar mɨ sʊtǝm woi.

Yakubu 3:2

Pʌd bǝnɔ bǝ maa bwɨlangkɛl. Na kaa nǝl a maa bɔ bwɨlangkɛl a sʊwatǝm kɛlɨ, gɔ n nʊ nɨ dǝngdǝngɨ, dwal dwal a tɔɔ bʊtɔ gǝnɔ gwam.

Galatiya 2:9

A kwama nɨ Yakubu, jǝbɔ Bitrus jǝbɔ Yohana, ji nɨ jǝ dʊʊm nǝb bwangtǝmɨ, ja kuwo lǝma nɨ Kwaama a maa mɨɨ, nǝngɔ ja yal nǝn nǝn kangɨ, mǝ nǝbɔ Barnaba sǝ a nʊng ja yo nǝn nǝlɔ win. Nǝn jǝlaka a kʊm nǝn nǝngɔ nǝn yɔ a daagɔ Bʌtʌb woi, nǝngɔ ja yɔ a daa Yahudawagɔ woi.

Galatiya 2:7

Ji ja kuwo kanga Kwaama a nɨ ɨ maajɨ kiyotǝm fulon kɛl lǝmɨ a daagɔ nǝb nɨ a biyo bɔ mwɛnɨ, kanga a nǝ Bitrus kiyotǝm fulon kɛl lǝmɨ a daa nǝb nɨ a biyo mwɛnɨ.

Galatiya 2:5

Nǝn jǝla jim bɔ wo dǝm, sǝ nǝn kʌshi jem bɨlǝngkɛl fulon kɛl lǝmɨ nɨ.

2 Korinti 12:11

N maa jǝ fʌmʌn. Nǝjen jǝ́ sɨna mɨɨ. A yǝlam nyɔ nǝjen na jǝ́ buu mɨ kang lɛɨ, jʊ a bwɨɨ mɨ daa nɨ wo mǝ dwal a kʊm daltɔ bɛtɔ twamagɨɨ, mǝ ke bɔ kaa jǝl sul.

Matta 16:23

Nǝngɔ Yesu a yǝla a sʊwa Bitrus gɔ, “Yǝla a gul mɨ Mamm! Mʊ tɛl fǝtǝm naa a daa mǝ woi, jʊ a bwɨɨ mʊ ya bɔ bʊʊlalɨ mʊnɔ a kanjǝl Kwaamaɨ, mʊ maa bʊʊlalɨ nǝfitʌmi.”

2 Korinti 11:5

A kuwotǝm mǝndɨ, mǝ gɨya bɔ wo dǝm a nǝb nɨ jǝ́ jo lɛ gɔ, “daltɔ bɛtɔ twamaɨ.”

Maajɨ Bɛtɔ Twamagɨɨ 11:19

Nǝb bwangtǝmɔ a kwɨya tǝmɔ nǝn kwan a dul gaalan nɨ a gun a dul jʌtǝm Istifanusi. Kaamɨ a shu a tǝm Finikiya, jǝbɔ Sayifurus tǝmɔ a tɨbǝl wɨmaɨ, jǝbɔ tuulɔ Antakiya. Jǝ sʊwa kɛl Kwaamaɨ lɛ, jǝ sʊwam ka Yahudawa kwaaji.

Yohana 1:42

Nǝngɔ a yɔ nǝn Saminu a daagɔ Yesu woi. Yesu a dʌng gǝn, nǝngɔ a sʊwa gǝn gɔ, “Mɔ nǝn Saminu bʊla Yohanaɨ. Ya jǝ jo ń gɔ Kefas.” Dun nɨ win jǝbɔ Bitrus, gǝ nʊng “Tɛl.”

Maajɨ Bɛtɔ Twamagɨɨ 11:20

Kaam nǝb bwangtǝmɔ wo a Sayifurus jǝbɔ Kurane, tǝmtɨn nɨ a tɨbǝl wɨmaɨ, ja shu a Antakiyaɨ. Jǝ sʊwa nǝbɔ Girikaɨ kɛlɔ lɛ tʌji, jǝ sʊwa ji fulon kɛl lǝmɨ a dul Tɛlalɔ Yesui.

Maajɨ Bɛtɔ Twamagɨɨ 11:22

Nǝngɔ fulon kɛl nɨ a bwɨ a Antakiyaɨ, a dɔ lɔl mʊrkalɨ nǝb bwangtǝm Kwaamaɨ nɨ a Urushalimaɨ. Nǝngɔ nǝb bwangtǝmɔ a twam Barnaba a Antakiyaɨ.

Maajɨ Bɛtɔ Twamagɨɨ 11:27

N kumtɨn nɨ kaam nǝbkuwotǝmkǝgagɔ a jel a Urushalima ja bɛ a Antakiyaɨ.

Maajɨ Bɛtɔ Twamagɨɨ 15:5

Nǝngɔ kaam nǝb bwangtǝmɔ, nǝbɔ Farisaɨ, ja gun jǝ tɨlam tɨlamɨ jǝ sʊwa lɛ gɔ, “A yǝlam nyɔ Bʌtʌbɔ a biyo mwɛn. A yǝlam nyɔ ja bwangtǝn diil Musaɨ.”

Galatiya 1:18

Jolɔ taal a shui, nǝngɔ mǝ gwi mǝ shu a Urushalimaɨ, sǝ n kuwo Kefas wʊnɨ nǝn Siman Bitrusi. N maa kumɔ kʊb jeli nʊ nǝbɔ gɔ.