Galatiya 1:6 - Dadiya NT

⁶ Jʊ nɨ jǝ́ maa lɛɨ, a yǝlam mɨ komʌn dangǝn. A kǝlɨ kwama nǝn dǝm nyɔ jǝ́ bǝla bwangtǝm nʊ nɨ lɛ a jo jen a mʊgɔ lǝma Kiristii, jǝ́ yǝla jǝ́ bwangtǝn kaa fulon kɛl lɛ nǝn kwan.

Galatiya 1:6 Referans Kwoze

2 Korinti 11:4

Na kaa nǝl a bɛ ba kiyo jem kɛl lɛ a dul kaa Yesu wʊnɨ ke bɔ nʊ nǝn kiyo jemi, na jǝ́ nya kaa yʊwa tag wʊnɨ ke bɔ Yʊwagɔ jǝ́ nyaɨ, na jǝ́ yo kaa fulon kɛl lǝmɨ ke bɔ a wʊnɨ nǝ sʊwa jeni, jǝ́ jǝla nǝn nǝb gǝmɔ dǝbǝr dǝbǝr!

1 Timoti 1:3

Kanga mǝ kela ń kwama mǝ shum a Makidoniyaɨ, mǝʊ ń yɨ a Afisaɨ, bɛ ń maa nyɔ, sǝ ń mwɛ kaam nǝb nɨ maa mɛlalɨ gabakɛl lɛɨ ja bǝla wo.

1 Korinti 4:15

Na na jǝ́ na nǝn bwaɨtɨnɔ fʊlkʊblǝnɔ kʊb a mʊgɔ Kiristii, tɛbɔ jǝ́ nǝnɨ a lada bɔ. Nǝmǝ mǝ tɛtɛ jen a mʊgɔ Kiristi Yesui a gola kiyotǝm fulon kɛl lǝmɨ a daa jen woi.

Maajɨ Bɛtɔ Twamagɨɨ 15:11

Mɨ nyɔ! Bǝ nǝ bɨlǝngkɛl bǝngɔ n gola lǝma Tɛlalɔ Yesui bǝ nya bʊʊtǝmɨ, kanga ja nya tʌjii.”

Galatiya 5:4

Jen nɨ jǝ́ swɨ lɛ jǝ́ yǝlam nǝb dǝngdǝng a daagɔ Kwaama woi a gola bwangtǝm diil Musaɨ, jǝ́ kwɛl jǝ́ jǝg dul jenɔ a daagɔ Kiristi woi. Jǝ́ gʊ nǝn gul a nyatǝm lǝma Kwaamaɨ.

Roma 10:3

Ja nyǝm bɔ golagɔ Kwaama gǝ dǝg nǝbɔ lɛ a yɨ yɨm dǝngdǝngɨ. Jǝ swɨ lɛ ja sʊtǝn gola jinɔ a yɨm dǝngdǝng a kǝga Kwaamaɨ, jʊ nɨ a dǝg ji ja dǝg bɔ dul jinɔ a gola nɨ Kwaama swɨ nǝbɔ lɛ a yɨ yɨm dǝngdǝngɨ.

1 Timoti 1:14

Tɛlalɔ bǝn a tal mɨ lǝma gǝnɔ dangǝn. A dǝg ɨ n nǝ bɨlǝngkɛl jǝbɔ swɨtǝm a mʊgɔ Kiristi Yesui.

Dʊgam Nyangnyang 22:21

Bɛ lǝma Tɛlalɔ Yesui a yɨ jǝbɔ nǝbam Kwaamaɨ gwam. A daa nyɔ.

2 Timoti 2:1

A mʊnɔ bʊla mɨ, bɛ ń tɨ nǝn kwaan a gola lǝma a mʊgɔ Kiristi Yesui.

2 Timoti 1:9

Nʊ nɨ a bʊʊ nǝn bǝn, a jo bǝn sǝ bǝ yǝlam nǝb sagsagɨ, ke bɔ a dul maajɨ nya nɨ bǝ maaɨ, n fɛkalɨ gǝn jǝbɔ lǝma gǝnɔ a maa bǝmɨ, lǝma nɨ a nǝ bǝn a mʊgɔ Kiristi Yesui na lǝga bɔ ja fwal yooligɔ.

2 Tasalonikaɨ 2:14

N kɛl dul jʊ nɨ a jo jeni, a gola fulon kɛl lǝmɨ nɨ nǝn sʊwa jeni, sǝ jǝ́ nya dʊʊlǝn Tɛlalɔ bǝn Yesu Kiristii.

Roma 5:2

N daa gǝ woi bǝ nya lǝma nɨ bǝ yǝm woi, a gola nǝtǝm bɨlǝngkɛl. Bǝ maa lɨyal lɛ jǝbɔ yatǝm nǝl a dʊʊlǝn Kwaamaɨ.

Yohana 9:30

Nǝngɔ balɨ nɨ a jǝla ji gɔ, “Jǝ laatǝm kanga n wo dwiyen! Jǝ́ nyǝm bɔ daagɔ a jelʌmi. N wo a wum mɨ nu!

2 Bitrus 1:3

Kwaama a kwaan gǝn a nǝ bǝn kanjǝlɔ gwam a wʊnɨ bǝ swɨ lɛɨ, a daa tʌgo a nǝl Kwaamaɨ. A nǝ bǝn kanjǝl nɨ a gola nyǝmtǝm gǝnɔ bǝ maaɨ. A jo bǝn sǝ bǝ yɨ yɨm dakini jǝbɔ gɔ a mʊgɔ dʊʊlǝn gǝnɔ gǝm jǝbɔ maatǝm jǝ nyan gǝnɔ.

1 Bitrus 1:15

Kanga nʊ nɨ a jo jeni n nǝ sagsagɨɨ, jen tʌjen bɛ jǝ́ yǝlam sagsag a kanjǝl nɨ gwam jǝ́ maa lɛɨ.

Markus 6:6

A ta kang a nyiyo a kɔtǝm nǝtǝm bɨlǝngkɛl jinɔ gǝm. Nǝngɔ kɛla bɛl tuulɔtɨnɔ lɛ kiyo jim kɛl Kwaamaɨ lɛɨ.

Roma 8:28

Bǝ nyǝm a mʊgɔ kanjǝlɔ gǝm gwam Kwaama maa maa jʊ nɨ a bʊmɨ a nǝb nɨ swɨ gǝn nɛɨ, a nǝb nɨ ga jo a fɛkalɨ gǝnɨ.

Roma 8:30

Nǝb nɨ Kwaama a jǝgamɨ, nǝji ga joi. Nǝb nɨ ga joi, nǝji ga dǝg ji ja yǝlam nǝb dǝngdǝngɨ. Nǝb nɨ ga dǝg ji ja yǝlam dǝngdǝngɨ, nǝji gǝ dʊʊl ji lɛɨ.

2 Korinti 2:17

Jʊ a bwɨɨ nǝn na bɔ na nǝb nɨ a ladaɨ, nǝbɔ kiyo kɛl Kwaamaɨ lɛ sǝ ja nyam kemʌni. A nǝnɔ nǝn sʊwa bɨlǝngkɛl kanga Kwaama a gul nǝm bwiyeli, nǝn sʊwa nyɔ a kǝga Kwaamaɨ, na bɛtɔ jwaalɛn Kiristii.

Galatiya 1:7

Mɨ kaa fulon kɛl lǝmɨ wo. Kaam nǝbɔ swag jen nɛ, jǝ swɨ lɛ ja kal fulon kɛl lǝmɨ Kiristii.

Galatiya 1:11

Kambɔ, mǝ swɨ lɛ n sʊwa jen, fulon kɛl lǝmɨ nɨ mǝ sʊwa jen nɛɨ, a jel bɔ a daagɔ nǝfili woi.

Galatiya 1:15

Kwaama a jǝg ɨ na lǝga bɔ ja bʌ i. A jo i a mʊgɔ lǝma gǝn. Nǝn fulotǝm nǝl

Galatiya 2:2

Kwaama a nʊng ɨ a mʊgɔ dʊgam nyangnyang gɔ n shui. Mǝ la fʌleni, nǝngɔ nǝn tǝgaka nǝbɔ nǝb nɨ ja do ji gɔ dʊʊm nǝb bwangtǝmɨ. Nǝngɔ mǝ fɛta ji kanga mǝ sʊwam fulon kɛl lǝmɨ nɨ lɛ a daa Bʌtʌbi. Mǝ sʊwa ji jʊ nɨ jǝ kwaaji, kage maajɨ nɨ mǝ maa lɛɨ, jǝbɔ maajɨ nɨ mǝ kwɛl mǝ maaɨ, a yɔ nǝn kwan.

Galatiya 2:5

Nǝn jǝla jim bɔ wo dǝm, sǝ nǝn kʌshi jem bɨlǝngkɛl fulon kɛl lǝmɨ nɨ.

Galatiya 2:7

Ji ja kuwo kanga Kwaama a nɨ ɨ maajɨ kiyotǝm fulon kɛl lǝmɨ a daagɔ nǝb nɨ a biyo bɔ mwɛnɨ, kanga a nǝ Bitrus kiyotǝm fulon kɛl lǝmɨ a daa nǝb nɨ a biyo mwɛnɨ.

Galatiya 2:14

Nǝn kwama mǝ kuwo jǝ maa jǝ jinɔ lɛ mɨ a mʊgɔ bɨlǝngkɛl fulon kɛl lǝmɨɨ, nǝngɔ mǝ sʊwa Bitrus a kǝga nǝbɨɨ gwam mǝʊ, “Mʊ nɨ mʊ bwɛ Yahudaɨ, mʊ bwangtǝn jǝfʊlǝn Bʌtʌbi lɛ. Kǝngkɔ mʊ dǝg Bʌtʌbɔ nǝn kwaan sǝ ja bwangtǝn jǝfʊlǝn Yahudawagɨɨ ka?”

Galatiya 5:14

Jǝ́ maa nyɔ, jʊ a bwɨɨ diilɔ win a mʊrǝm diilɔ gwamɨ, diil nɨ nǝn gɔ, “Bɛ swɨ fwalɨ yɨm mʊnɔ na dul mʊnɔ.”