Galatiya 1:5 - Dadiya NT

⁵ Bɛ dʊʊlǝnɔ a yɨ a daa gǝ woi mɨ dɨtǝm wo. A daa nyɔ.

Galatiya 1:5 Referans Kwoze

Roma 11:36

Kanjǝlɔ gwam a bɛ a daa gǝ woi, n gola gǝn ja fɛ kanjǝlɔ gwamɨ, n daa gǝ woi jǝ yǝla lɛɨ. Bɛ nǝtǝm dʊʊlǝnɔ a ta tʌgo gwanggwang a daa gǝ woi mɨ dɨtǝm wo. A daa nyɔ.

Yahuza 1:25

Dʊʊlǝnɔ, jǝbɔ bʊmǝnɔ, jǝbɔ kwaanɔ, jǝbɔ fɔlɔnɔ na a Kwaama Nǝbʊʊlɨ bǝnɨ kwaagɔ, a gola Yesu Kiristii, Tɛlalɔ bǝn, a kǝngkɔ, jǝbɔ joltɨn nɨ a shui, a yɔ nǝn a joltɨn nɨ bɛ lɛɨ, mɨ dɨtǝm wo! A daa nyɔ.

Ibranii 13:21

a fɛka jen a kanjǝl nyanɔ gǝm gwam, sǝ jǝ́ maa maajɨ nɨ swɨ lɛɨ, sǝ a maa maajɨ a mʊgɔ bǝn, sǝ a yǝlam jǝ bǝlátǝm a daa gǝ woi a gola Yesu Kiristii. Bɛ dʊʊlǝnɔ a ta tʌgo gwanggwang a daa gǝ woi mɨ dɨtǝm wo. A daa nyɔ.

Dʊgam Nyangnyang 14:7

Nǝngɔ a gung diil gǝnɔ nǝn kwaan a sʊwa gɔ, “Bɛ jǝ́ nyʊwa taal Kwaamaɨ, jǝ́ nǝ gǝn dʊʊn, jʊ a bwɨɨ kwama borang gǝnɔ a bɛ. Jǝ́ jʊng jǝ́ bǝlá gǝn. Jʊ a bwɨɨ, nǝn gɔ a fɛ dʌbʌl kwamagɔ jǝbɔ tǝmɨ, jǝbɔ wɨmagɔ jǝbɔ dɨyalɨ mwɛtɨnɔ.”

Dʊgam Nyangnyang 7:12

Jǝ sʊwa lɛ gɔ, “A daa nyɔ! Bǝlátǝmɔ jǝbɔ gungtǝmɔ jǝbɔ nyǝmtǝmɔ jǝbɔ buutǝm kangɔ jǝbɔ dʊʊlǝnɔ jǝbɔ fɔlɔnɔ jǝbɔ kwaanɔ bɛ a ta tʌgo gwanggwang a daa Kwaama bǝnɔ woi, mɨ dɨltǝm wo! A daa nyɔ!”

Dʊgam Nyangnyang 5:12

Jǝ ma nafɨ lɛ nǝn diil nǝn kwaan gɔ, “Ń la nyɔ, Bɛ Gal wʊnɨ ja biyoi, sǝ ń yo fɔlɔnɔ, jǝbɔ shilogɔ, jǝbɔ nyǝmtǝmɔ, jǝbɔ kwaanɔ, jǝbɔ dʊʊlǝnɔ, jǝbɔ gungtǝmɔ, jǝbɔ bǝlátǝmɔ!”

2 Bitrus 3:18

Bɛ ya jǝ́ dʊʊl lɛ a mʊgɔ lǝma Tɛlalɔ bǝn Yesu Kiristi Nǝbʊʊlɨɨ, sǝ jǝ́ sʊtǝn nyǝmtǝm gǝnɔ kwangkwang. Bɛ dʊʊlǝnɔ a ta tʌgo a daa gɔ woi kǝngkɔ, mɨ dɨltǝm wo! A daa nyɔ.

1 Bitrus 5:11

Fɔlɔnɔ bɛ a ta tʌgo a daa gǝ woi gwanggwang mɨ dɨtǝm wo. A daa nyɔ.

2 Timoti 4:18

Tɛlalɔ bʊʊ bʊʊ nǝn mǝ a bwɨlang kanjǝlɔ gǝm gwam, sǝ a kɨla ɨ, a yɔ nǝn mǝ a fɔlɔn gǝnɔ gǝm a dʌbʌli. Bɛ dʊʊlǝnɔ a ta tʌgo gwanggwang a daa gǝ woi mɨ dɨtǝm wo. A daa nyɔ!

1 Timoti 1:17

Dʊʊnɔ jǝbɔ dʊʊlǝnɔ bɛ a yɨ a daagɔ Kwaama woi wʊnɨ mɨ dɨtǝm woi. Nǝn gɔ Fɔlɔ joltɨnɨ, nʊ nɨ mɨsɔ bʊla lɛ woi, mɨ jǝ kuwo lɛɨ, Kwaama nɨ wini. A daa nyɔ.

Filibii 4:20

Bɛ dʊʊnɔ a yɨ nyɔ a daagɔ Kwaama Tɛtɛ bǝn woi, mɨ dɨtǝm wo! A daa nyɔ.

Afisa 1:12

sǝ nǝn nɨ nǝ tǝl nǝ ya nǝl galɨgǝn a daagɔ Kiristi woi, nǝn bǝlá dʊʊlǝn gǝnɔ.

Roma 16:27

Bɛ dʊʊlǝn nɨ mɨ dɨtǝm woi, a ta tʌgo gwanggwang a gola Yesu Kiristii a daa Kwaama woi, wʊnɨ n nǝ yʊlan kwaagɨɨ! A daa nyɔ.

Luka 2:14

“Dʊʊlǝnɔ na a Kwaama nɨ a dʌbʌli, yɨm kwamɨgǝnɔ na a nǝb nɨ Kwaama a nyʊwa lǝma nǝn ji a yooli nɨɨ.”

Matta 28:20

Jǝ́ mɛla jim ja bwangtǝn kanjǝl nɨ gwam mǝ sʊwa jeni. Jǝ́ nyǝm mǝ na dakini nǝbɔ jen kwangkwang a yɔ nǝn a dɨltǝm yooli.”

Matta 6:13

Bɛ ka ń yɔ lɛ nǝn bǝn a daa tɛltǝm. Bɛ ń jǝg bǝn a daa nǝ Bwɨlagɔ woi. [Jʊ a bwɨɨ, fɔlɔnɔ jǝbɔ kwaanɔ jǝbɔ dʊʊnɔ na a mɔ, mɨ dɨtǝm wo. A daa nyɔ.]’

1 Korinti 8:13

Gǝ na nyɔ, na jatǝm jǝjalǝnɔ dǝg dǝg kɨla mɨ fǝtǝm naaɨ, mɨsɔ mǝ ja jǝjalǝn nɛ tag, kage n dǝg kɨla mɨ fǝtǝm naa.