Galatiya 1:16 - Dadiya NT

¹⁶ a nʊng ɨ bʊla gɔ, sǝ n kiyo fulon kɛl lǝmɨ gǝnɔ a daagɔ Bʌtʌbɔ woi. Mǝ yo bɔ mɛlalɨ a daa kaa nǝl woi.

Galatiya 1:16 Referans Kwoze

Matta 16:17

Nǝngɔ Yesu a sʊwa gǝn gɔ, “Saminu bʊla Yunanaɨ, bɛ Kwaamagɔ a nǝ ń bwili. Ke bɔ nǝfili a nǝ ń kwaan nyǝmtǝm jʊ nɨɨ, Tɛtɛ mɨ nɨ a kwamaɨ nǝn gɔ a nʊng ń nɨ.

Afisa 6:12

Kɨlan bǝnɔ ke bɔ a dul nǝfitʌmi bǝ maa lɛɨ, bǝ maa a dul kwaan yʊwa bwɨlantɨn nɨ a dʌbʌl kwamaɨ, jǝbɔ fɔlɔn nǝblaamɨ, jǝbɔ lɛɛ jǝbɔ yʊwa bwɨlantɨn nɨ gwam a mʊgɔ kumtojilii.

Afisa 3:1

A dul kɛl nɨ, mǝ Bulus, mǝ bwɛ lɔsomi a kɛl dul Kiristi Yesui, sǝ n tɨka jen jǝ́ Bʌtʌbɔ.

2 Korinti 4:6

Kwaama nɨ a sʊwa gɔ, “Bɛ nyalǝmɔ a won a kʊm kumtojilii,” nǝn gɔ tag a dǝg nyalǝmɔ won nɛ a mʊgɔ nǝl nǝnɨ, sǝ a won nǝbɔ gǝm gwam sǝ ja nyǝm dʊʊlǝn gǝnɔ a kǝga Kiristii.

Roma 11:13

Jǝ́ Bʌtʌbɔ, mǝ sʊwa jen nɛ, mǝ nɨ mǝ bwɛ twama Bʌtʌbi, mǝ maa lɨyal lɛ nǝn maajɨ mǝndɨ.

Maajɨ Bɛtɔ Twamagɨɨ 22:21

“Nǝngɔ Tɛlalɔ a sʊwa ɨ gɔ, ‘Gun ń shu. Mǝ twam ń twam ń a kʊta kʊtaɨ a daa Bʌtʌbɔ woi.’ ”

Maajɨ Bɛtɔ Twamagɨɨ 9:15

Nǝngɔ Tɛlalɔ a sʊwa gǝn gɔ, “Mɔ, yɔ! N nʊ nɨ mǝ jǝgǝm jǝgǝmɨ sǝ a maa maajɨ mǝndɨ, sǝ a sʊwa fulon dun mǝndɨ a daagɔ Bʌtʌbɔ woi, jǝbɔ fɔlɔlɔm jini, jǝbɔ nǝbɔ Israilaɨ.

Matta 26:41

Jǝ́ tɔɔ tǝmɔ, jǝ́ maa keli kage jǝ́ yal a mʊgɔ tɛltǝm. Nǝlɔ swɨ maatǝmɔ lɛ, bʊtɔgɔ a gɨya.”

Ibranii 2:14

Na nɨ bɛtɨ gwam nǝn nam jǝbɔ tʊʊmɨ, gǝ tǝgǝn a do jelkalǝng nyɔ, sǝ a gola bwaa gǝnɔ gǝm a kǝl kwaan nʊ nɨ a ta kwaan bwaagɨɨ, nǝn gɔ nǝn mammɨ.

2 Timoti 1:11

N kɛl dul fulon kɛl lǝmɨ nɨ Kwaama a dǝg ɨ mǝ yǝlam nǝ kiyotǝm kɛl Kwaamaɨ, jǝbɔ bwɛ twama, jǝbɔ nǝ mɛlalɨɨ.

1 Timoti 2:7

N dul kɛl nɨ Kwaama a jǝg ɨ nǝ sʊwatǝm kɛl gǝnɨ, jǝbɔ bwɛ twama, nʊ nɨ mɛla Bʌtʌbɔ gǝm bɨlǝngkɛl lɛ jǝbɔ nǝtǝm bɨlǝngkɛlɨ. Mǝ sʊwa bɨlǝngkɛl, ke bɔ gabakɛl.

1 Tasalonikaɨ 2:16

Ja bǝla nǝn bɔ nǝn kiyo Bʌtʌbɔ gǝm kage ja nya bʊʊtǝm. A na nyɔ, kwangkwang jǝ yii bʊtɔ jinɔ sǝgǝr nǝn bwɨlangkɛl jinɔ. A dɨltǝmɔ gǝmɨ, nabwɨl Kwaamaɨ a gǝla jim.

Galatiya 2:1

Jolɔ kʊb jeli naal a shui, nǝngɔ mǝ yǝla mǝ gwi mǝ shu a Urushalimaɨ. A kwama gɨɨ, mǝ shu nǝbɔ Barnaba nǝngɔ mǝ tatǝn Titus tʌgoi.

2 Korinti 5:16

Kǝngkɔ a kǝga nɨ mɨsɔ nǝn dʌng kaa nǝl lɛ a kuwotǝm nǝfilii. Galɨgǝn nǝ dʌng Kiristi wo a kuwotǝm bʊtɔ. Kǝngkɔ mɨsɔ nǝ yǝla lɛ nǝn dʌng gǝn nyɔ.

1 Korinti 15:50

Mǝ sʊwa jen kɛl nɨ kambɔ, mɨsɔ maa lɛ bʊtɔ jǝbɔ tʊʊm a nya kʊla fɔlɔn lɔ Kwaamaɨ. A na nyɔ tag, bʊtɔ bʊtatǝmɔ mɨsɔ nya kʊla lɛ a daa nɨ mɨ bʊtatǝm woi.

Maajɨ Bɛtɔ Twamagɨɨ 5:42

Kum jǝbɔ kum jǝ na a Kan Kwaaman jǝbɔ lɔ ja bǝla bɔ mɛlatǝmɔ jǝbɔ kiyotǝm fulon kɛl lǝmɨgɔ, gɔ Yesu nǝn gɔ nǝn Kiristii.

Maajɨ Bɛtɔ Twamagɨɨ 9:20

A kʊta bɔ, Shawulu a tǝl sʊwatǝm kɛl Yesui a kantɨn mɛlalɨ Yahudawagɨɨ sʊwa lɛ gɔ, “Yesu nǝn gɔ nǝn Bʊla Kwaamaɨ.”

Roma 1:5

N daa gǝ woi bǝ yo lǝma, bǝ yǝlam bɛtɔ twama gǝnɨ, dɨsɔ bǝlǝntǝmɔ gwam a nǝ bɨlǝngkɛl nǝn shigtǝm dul, a kɛl dʊʊlǝn dun gǝn.