Galatiya 1:13 - Dadiya NT

¹³ Jǝ́ nyʊwa yɨm nɨ mǝ yɨ galɨgǝn a mʊgɔ jǝfʊlǝn Yahudawagɨɨ, kanga mǝ nǝ mʊrkalɨ nǝb bwangtǝm Kwaamaɨ gaalan bwɨla nǝn bɨlǝngǝnɨ, mǝ maa gola jʌbotǝm jini.

Galatiya 1:13 Referans Kwoze

Maajɨ Bɛtɔ Twamagɨɨ 8:3

Shawulu a kʊwa a yɨ mʊrkalɨ nǝb bwangtǝm Kwaamaɨ gǝm. Nǝ ji gaalan nɛ nǝn bɨlǝngǝn, bwangtǝn nɛ lɔ jǝbɔ tuulɔ, taba batǝmɔ lɛ jǝbɔ nɔɔtǝmɔ, dǝg ji lɛ a lɔsomi.

1 Korinti 15:9

Nǝmǝ mǝ maa dǝm a mʊgɔ bɛtɔ twamagɨɨ, mǝ la bɔ ja sʊwa gɔ mǝ bwɛ twama, jʊ a bwɨɨ n nǝ mʊrkalɨ nǝb bwangtǝm Kwaamaɨ gaalan.

Maajɨ Bɛtɔ Twamagɨɨ 9:26

Kwama Shawulu a yǝla a Urushalimaɨ, a maa kanga gǝ dɔ mʊgɔ nǝb bwangtǝmɔ lɛɨ, ji tʌji jǝ nyʊwa taal gǝnɔ lɛ, jʊ a bwɨɨ, ja jǝla bɔ gɔ gǝ bwɛ mɛlalɨ.

Maajɨ Bɛtɔ Twamagɨɨ 9:21

Nǝb nɨ gwam a nyʊwa gǝnɨ, ja ta kang a nyiyo. Jǝ sʊwa lɛ gɔ, “Wʊnɨ, ke bɔ nʊ a jʌbo, a kwɨ nǝb nɨ maa keli lɛ nǝn dun nɨ a Urushalimaɨ ka? Kɛna a bɛ fɔ sǝ a bwaba ji, sǝ a yɔ nǝn ji a daagɔ dʊʊm nǝbkǝlamɔ woi?”

1 Timoti 1:13

Galɨgǝn mǝ kal dun Kwaamaɨ lɛ, mǝ nǝ nǝbam gǝnɔ gaalan nɛ, mǝ nyʊwa jim lɛ sul, a ji bʊnǝn mǝndɨ, jʊ a bwɨɨ mǝ maa a mʊgɔ fʌmʌn, mǝ nǝ bɔ bɨlǝngkɛl.

Filibii 3:6

A gom maajɨ nǝn kwaan bʊtɔ, n nʊ nǝ mʊrkalɨ nǝb bwangtǝm Kwaamaɨ gaalan bwɨla lɛɨ. A gola kɨlatǝm diilɔ gǝm sǝ n yǝlam nǝ dǝngdǝngɨ, mɨ mǝ nǝn daa tuwol.

Maajɨ Bɛtɔ Twamagɨɨ 8:1

Shawulu a jǝla nǝn jʌtǝmɔ ja maa Istifanus gǝmɨ. Nǝn kum gɔ, gʌleng gaalanɔ a gun a mʊrkalɨ nǝb bwangtǝm Kwaamaɨ nɨ gǝm a Urushalimaɨ. Nǝb bwangtǝmɔ a kwɨya nǝn kwan a Yahudiya jǝbɔ Samariya. A bǝlam ka bɛtɔ twama a Urushalima.

1 Korinti 10:32

Ka jǝ́ yǝlam lɛ tɛl fǝtǝm naa a daagɔ Yahudawagɔ woi, jǝbɔ nǝbɔ Girikaɨ, jǝbɔ mʊrkalɨ nǝb bwangtǝm Kwaamaɨ.

1 Timoti 1:14

Tɛlalɔ bǝn a tal mɨ lǝma gǝnɔ dangǝn. A dǝg ɨ n nǝ bɨlǝngkɛl jǝbɔ swɨtǝm a mʊgɔ Kiristi Yesui.