Filibii 4:19 - Dadiya NT

¹⁹ Kwaama mǝndɨ nǝn gɔ nǝ jen kanjǝlɔ lɛ gwam jǝ́ saa lɛɨ, a dʊʊlǝn nyatǝm gǝnɔ gǝm a mʊgɔ Kiristi Yesui.

Filibii 4:19 Referans Kwoze

1 Bitrus 5:10

Na nǝn kwama nɨ jǝ́ nɔɔm gaalan nǝn dǝm nyɨɨ, Kwaama nǝ nǝtǝm lǝma pʌd, wʊnɨ a jo jen a gola Yesu Kiristii a yɔ nǝn a yɨm dʊʊn gǝnɔ jǝbɔ gɔ, mɨ dɨtǝm woi, nǝn gɔ dǝg jen nɛ jǝ́ yii dǝngdǝngɨ, nǝn gɔ fǝka jen nɛɨ, sǝ a sʊ jem kʊʊtǝm nǝl tag.

1 Timoti 6:17

Nǝb shilo yooli nɨ kǝngkɨɨ, bɛ ń gʊ jim lɔl, ka ja gung lɛ dul, ka ja ya lɛ nǝl a shilo nɨ mɨsɔ tɨ lɛ a kʊtaɨ. Bɛ ja ya nǝl jinɔ a daa Kwaama woi, wʊnɨ nǝ bǝn kanjǝlɔ lɛ gwam na nyʊwatǝm lǝma bǝnɨ.

Kolosii 1:27

Kwaama a kuwo a bʊm gǝ sʊwa nǝbam gǝnɔ gɔ shilogɔ jǝbɔ dʊʊlǝn Kiristi Yesui na a jen jǝ́ Bʌtʌbɔ. Jǝ yʊtǝm nɨ nǝn Kiristi. Gǝ na a kʊm jen, wʊnɨ nǝn gɔ n yatǝm nǝl jeni gɔ jǝ́ nya nya dʊʊlǝn gǝnɨ.

Afisa 3:16

N maa keli mǝʊ a mʊgɔ dʊʊlǝn shilo gǝnɔ gǝm bɛ ga sʊ jem kwaan a gola Yʊwa gǝn a nǝl jen,

Kolosii 3:16

Bɛ kɛl Kiristii a yɨ a mʊgɔ nǝl jen a lada. Bɛ ya jǝ́ mɛlaka lɛ, bɛ ya jǝ́ mwɛka lɛ nǝn yʊlan a gola matǝm nafɨ Zaburaɨ, jǝbɔ nafɨ bǝlátǝm Kwaamaɨ, jǝbɔ nafɨtɨn nɨ Yʊwagɔ a bɛ nǝnɨ. Jǝ́ ma lɛ nǝn buutǝm kang a mʊgɔ nǝl jenɔ gǝm.

Roma 8:18

A kuwotǝm mǝndɨɨ, gaalan nɨ bǝ gʌ lɛɨ a yooli nɨ kǝngkɨɨ, a la bɔ ja mʊrka jǝbɔ dʊʊlǝn nɨ jǝ nʊng bǝn nɛ a kǝga nɨɨ.

Afisa 1:7

N gola gǝn bǝ nya jǝgtǝm a dul tʊʊm gǝnɨ, bǝ nya kǝlǝmtǝm bwɨlangkɛltɨn a gola lǝma Kwaamaɨ a ladaɨ,

2 Korinti 4:17

Gaalan nǝnɔ nɨ dǝmɨ, mɨsɔ tɨm dɨtǝm lɛ. Nǝn gɔ fɛka nǝm dʊʊlǝn nɨ lɛ mɨ dɨtǝm woi, wʊnɨ a laa kwaan jǝ nʊngtǝmɨ.

Roma 9:23

N jǝlatǝm gǝn a nǝ shilo dʊʊlǝn gǝnɔ a nǝb nɨ ga ji bʊnǝn jini, nǝb nɨ ga maa jim gola nyatǝm dʊʊlǝn nǝn tɨkǝgaɨ.

Afisa 3:8

N maa dǝm sul a mʊgɔ tangǝn nǝb bwangtǝm Kwaamaɨ, nǝmǝ a nɨ ɨ lǝma nɨɨ, sǝ n kiyo Bʌtʌbɔ gǝm fulon kɛl lǝmɨ a dul Kiristii, wʊnɨ a shu kwaan kiyotǝmɨ.

Afisa 1:18

N maa keli tag mǝʊ, a yii mʊgɔ nǝl jenɔ nǝn yʊlan, sǝ jǝ́ nyǝm yatǝm nǝl nɨ a jo jen a dul gǝnɨ, jǝbɔ dʊʊlǝn kʊla gǝnɔ a dul nǝb sagsagɨɨ.

Afisa 2:7

Kwaama a maa jʊ nɨ sǝ joltɨn nɨ bɛ lɛ a kǝgaɨ sǝ a nʊng shilo lǝma gǝnɔ nɨ mɨ dɨtǝm woi jǝbɔ jǝ nya a daa bǝn woi, a mʊgɔ Kiristi Yesui.

Roma 2:4

Mʊ soga soga yotǝm lǝma gǝnɔ nɨ a lada nyɨɨ jǝbɔ kʊtǝm nǝl gǝnɔ ka? Mɔ nyǝm bɔ n lǝma Kwaamaɨ a gʊ ń, mʊ yǝla mʊ bǝla bwɨlangkɛl mʊnɨ ka?

Roma 11:33

Dʊʊlǝn Kwaamaɨ, jǝbɔ yʊlan gǝnɔ, jǝbɔ nyǝmtǝm gǝnɔ, a laa kwaan! Biyotǝm borang gǝnɔ a laa kwaan dʌngtǝm, golantɨn gǝnɔ a laa kwaan fɨɨtǝm!

1 Bitrus 5:1

Mǝ kel jen nɛ jǝ́ nǝb dʊʊm bwangtǝmɔ a kʊm jeni, mǝ nɨ mǝ nǝ dʊʊ bwangtǝm na jeni, nǝ kuwotǝm nɔɔtǝm gaalan Kiristii, nʊ nɨ mʊrka dul gǝnɔ lɛ a dʊʊlǝn nɨ Kwaama nǝ bǝn nɛɨ. Mǝ nǝn jʊ nɨ mǝ sʊwa jen nɛɨ.

1 Tasalonikaɨ 2:12

Nǝn kʊʊ jem nǝl lɛ, nǝn yʌb jem nǝl lɛ, nǝn kel jen nɛ jǝ́ yɨ yɨm nɨ a daa tʌgo a bǝlátǝm Kwaamaɨ, wʊnɨ a jo jen a fɔlɔn gǝnɨ, jǝbɔ dʊʊlǝn gǝnɨ.

Roma 1:8

A tǝltǝmɔ gǝm mǝ buu Kwaama mǝndɨ gǝm kang lɛ a gola Yesu Kiristii a dul jen pʌd, jʊ a bwɨɨ ja sʊwa kɛl nǝtǝm bɨlǝngkɛl jenɔ a daatɨnɔ gǝm gwam a yooli nɨ.

Yohana 20:27

Nǝngɔ a sʊwa Toma gɔ, “Dǝg bawuli kang mʊnɔ fɔ, dʌng kangtɨn mǝndɨ. Mal kang mʊnɔ ń dǝg ń tɛl baya mǝndɨ. Bǝla nyǝmatǝmɔ wo, nǝ bɨlǝngkɛl.”

Yohana 20:17

Yesu a sʊwa gǝn gɔ, “Ka ń ta ɨ lɛ, jʊ a bwɨɨ mǝ gwi bɔ n yɔ a daa Tɛtɛ mɨ woi dɨn. Yɔ a daa kɛtǝlam mɨ woi ya ń sʊwa ji mɔʊ, ‘Mǝ yi a daa Tɛtɛ mɨ woi jǝbɔ Tɛtɛ jen, Kwaama mɨ jǝbɔ Kwaama jen.’ ”

Filimon 1:4

Kwangkwang mǝ buu buu Kwaama mǝndɨ gǝm kang na n bʊʊla nǝn mɔ a mʊgɔ kelitɨn mǝndɨ gǝmɨ,

2 Korinti 12:21

Mǝ nyʊwa taal lɛ mǝʊ kage na n yǝla n yɔɨ, Kwaama mǝndɨ shig shig dul mǝndɨ a kǝga jen. N maa fitǝm nǝl a dul kaamɨ a lada, wʊnɨ kwama gɔ ja maa bwɨlangkɛl galɨgǝnɨ, ja yǝla bɔ ja bǝla maatǝm bulonɔ, jǝbɔ kanjǝl bwɨlan jinɔ nɨ ja maaɨ.

Matta 6:32

Nǝb nɨ a nyǝm bɔ Kwaamaɨ, saa kanjǝl nɨ lɛ gwam. Tɨya jen nɨ a kwamaɨ a nyǝm komʌn jenɔ.

Filibii 4:7

Dɨsɔ lǝma Kwaamaɨ wʊnɨ a laa nyǝmtǝm bǝnɔ gwamɨ, a tɔɔ nǝl jenɔ jǝbɔ bʊʊlalɨ jenɔ a mʊgɔ Kiristi Yesui.