Filibii 3:21 - Dadiya NT

²¹ Nǝn gɔ fʌto bʊtɔ bǝnɔ nɨ lɛ a gɨya gɨyaɨ, sǝ a fʌto nǝn bʊtɔ dʊʊlǝn na gǝnɔ. Maa nyɔ nǝn kwaan gǝnɔ wʊnɨ bɛ lɛ nǝn kanjǝlɔ gwam a fɔlɔn gǝnɨ.

Filibii 3:21 Referans Kwoze

Kolosii 3:4

Na Kiristi wʊnɨ nǝn gɔ n kʊlɨ jeni, na a bɛɨ, jǝ́ bɛ bɛ dakini jǝbɔ gɔ a mʊgɔ dʊʊlǝn gǝn.

1 Yohana 3:2

Jǝ́ fatǝm nyan mǝndɨ, kǝngkɔ bǝ bɛtɔ lɔ Kwaamaɨ. Kanga bǝ yǝlam lɛ a kǝgaɨ, bǝ nyǝm bɔ dɨn. Bǝ nyǝm na a bɛɨ, bǝ yǝlam na gɔ, jʊ a bwɨɨ bǝ kuwo gǝn kuwo nyangnyang.

Roma 8:29

Nǝb nɨ Kwaama a kwɛl a nyǝmɨ, n nǝbɔ ga jǝgǝmɨ, a jǝla jim gɔ ja do jelkalǝng Bʊla gɨɨ, sǝ bwɛ a yǝlam bwɛ tɨkǝga a kʊm kambɨɨ nɨ a ladaɨ.

Matta 28:18

Nǝngɔ Yesu a yɔ nǝn dɔɔm a sʊwa ji woi gɔ, “Kwaama a nɨ ɨ fɔlɔnɔ gwam a dʌbʌl jǝbɔ tǝm.

Matta 17:2

Nǝn kwama jǝ fʌleni, nǝngɔ jelkalǝng gǝnɔ a yǝla a kǝga jini, kǝga gǝnɔ a fʌto beta lɛ na nu kwama, dwang dʊʊl gǝnɔ a yǝlam a fulo, beta lɛ nyɔ.

Dʊgam Nyangnyang 1:8

Tɛlalɔ Kwaama a sʊwa gɔ, “Nǝmǝ mǝ Alfaɨ. Nǝmǝ mǝ Omegaɨ.” Nǝn gɔ galɨgǝnɨ, nǝn gɔ kǝngkɨɨ, nǝn gɔ tag a kǝga nɨɨ, Nǝ Kwaan.

Matta 22:29

Yesu a jǝla ji gɔ, “Bʊʊlalɨ jenɔ mɨ dǝngdǝng, jʊ a bwɨɨ jǝ́ nyǝm bɔ mʊlalɨ kɛl Kwaamaɨ wo, jǝ́ nyǝm bɔ kwaan Kwaamaɨ wo tag.