Filibii 3:2 - Dadiya NT

² Bɛ jǝ́ kɨla sǝgantɨn nɨɨ! Bɛ jǝ́ kɨla nǝb maajɨ bwɨla nɨ! Jǝ́ kɨla nǝb biyotǝm mwɛn nɨ!

Filibii 3:2 Referans Kwoze

2 Korinti 11:13

Nǝb gɔ n bɛtɔ twama gabakɛl, n nǝb maajɨ swagtǝm. Jǝ yǝla nǝn dul jinɔ maamɔ jǝ bɛtɔ twama Kiristii.

Titus 1:16

Jǝ sʊwa nǝn nyiyo gɔ jǝ nyǝm Kwaama, a gola maajɨ jinɔ gǝm, ja kana nyǝmtǝm gǝnɔ. Ja yǝlam jǝ yǝlatǝm nǝl. Mɨ jǝ bwangtǝn Kwaama lɛ. Mɨ ji nǝn bʊmǝn wo dǝm a gola maajɨ nyan.

Dʊgam Nyangnyang 22:15

Nǝbɔ a gul tuulɔ nɨɨ, n nǝb bwɨlan, jǝbɔ nǝb nɨ maa maajɨ feyi lɛɨ, jǝbɔ nǝb maajɨ bulon, jǝbɔ nǝb jʌtǝm dul, jǝbɔ nǝb bwangtǝm shom, jǝbɔ nǝbɔ swɨ maatǝm gabakɛl lɛ a mʊgɔ kɛltɨn jinɔ gǝm gwamɨ, jǝbɔ maajɨtɨn jinɔ.

Galatiya 5:15

Na jǝ́ wobka nam bʊtɔtɨn jenɔ lɛɨ, jǝ́ fɛ jǝ́ maa bʊʊlalɨ, kage a yǝlam gola kalkatǝm a kʊm jen.

Filibii 3:19

Dɨltǝm jinɔ n bwaa, kwaama jinɔ n fʌl. Jǝ maa sʊtɔ jinɔ nǝn jǝ gunidul. Ja ya nǝl jinɔ a kanjǝl yooli nɨ.

Galatiya 5:6

Na bǝ na a daagɔ Yesu Kiristi woi, biyotǝm mwɛn jǝbɔ mɨ biyotǝm mwɛn wo, mɨ a nyiyo kaa jǝl. Nǝtǝm bɨlǝngkɛl jenɔ nɨ maa maajɨ swɨkan nɛɨ, nǝn gɔ a laa jǝlɨ.

Matta 7:15

“Bɛ jǝ́ nyǝm nǝbkuwotǝmkǝga gabakɛlɔ. Wʊnɨ jǝ bɛ jem lɛ nǝn jelkalǝng kwamɨɨ, mʊgɔ nǝl jinɔ n bangashɨtɨn, wʊnɨ nyʊwa jʊwan bwɨla lɛɨ.

Dʊgam Nyangnyang 21:8

Nǝb taalɔ, jǝbɔ nǝb nɨ kǝl swatǝm yaa lɛɨ, jǝbɔ nǝb nɨ mɨ maa maajɨ bʊmɨ lɛɨ, jǝbɔ nǝb jʌtǝm dul, jǝbɔ nǝb swɨtǝm maatǝm bulon, jǝbɔ feyilʌmɔ, jǝbɔ nǝb bwangtǝm shom, jǝbɔ nǝb gabatǝm kɛl gwam, jʊ jǝ nya lɛɨ n gʌto nɨ ja kǝla lɛɨ, a fo a shii, wʊnɨ nǝn gɔ bwaa na yogɨɨ.”

Dʊgam Nyangnyang 3:9

Mǝ dǝg dǝg nǝb nɨ a mʊgɔ kang Mammɨ, nǝbɔ sʊwa lɛ gɔ jǝ Yahudawagɔ jǝ ke bɔ, n gabakɛl jǝ maa lɛɨ, mǝ dǝg ji dǝg ba ja jʊng a kǝga mʊn, sǝ ja nyǝm mǝ swɨ ń nɛ.

Yahuza 1:4

Kaam nǝb a sʊlam a dɔ kʊm jen, nǝbɔ ja maa mʊlalɨ galɨgǝn a dul jii, ja kwɛl ja mwatɨ jim borangɨ. Nǝb nɨ a bwang bɔ Kwaama gǝmɨ, nǝbɔ a yǝla nǝn lǝma Kwaamaɨ a gola maatǝm bwɨlangkɛlɨ. Ja kɔ Tɛlalɔ bǝn Yesu Kiristi, nǝ dʊʊ bǝnɔ wʊnɨ nǝn gɔ kwaagɔ wini.

1 Timoti 1:19

Ń ta nǝtǝm bɨlǝngkɛlɔ a mʊgɔ nǝl nɨ mɨ komtǝm woi a bʊm bʊmɨ. Kaam nǝbɔ a kɔ bwangtǝm kanjǝl nɨ nǝl jinɔ a sʊwa jii, ja kal nǝtǝm bɨlǝngkɛl jinɔ.

Filibii 3:3

Jʊ a bwɨɨ, nǝbǝn bǝ biyo mwɛn bɨlǝngǝnɨ. Bǝn nǝb nɨ bǝ bǝlá Kwaama lɛ a gola Yʊwa Kwaamaɨ. Bǝ maa sʊtɔ lɛ a mʊgɔ Kiristi Yesui. Bǝ ya bɔ kwaan a maajɨ bʊtɔ sul,

Galatiya 5:13

Jǝ́ kɛtǝlam mɨɨ, ja jo jen a nyatǝm demtǝm kang. Bɛ ka jǝ́ do lɛ demtǝm kang jenɔ a yǝlam jem gola maatǝm bʊʊlalɨ bwɨla. Bɛ ya jǝ́ tɨkaka lɛ a kʊm jen nǝn swɨkan.

Roma 2:28

Bwɛ Yahuda nyanɔ, n ke bɔ nʊ nɨ mʊlalɨ bʊtɔ gǝnɔ a nʊng a talɨ gɔ n bwɛ Yahudaɨ. Biyotǝm mwɛn nyanɔ, n ke bɔ biyotǝm tɛ bʊtɔ a talɨ.

Matta 7:6

“Ka jǝ́ nǝ lɛ sǝgantɨnɔ kanjǝl sagsag. Ka jǝ́ tal lɛ nyiyolitɨnɔ tɛl bʊmǝntɨn. Na jǝ́ maa nyɨɨ, jǝ fala nǝn naa, sǝ ja yǝla ja nyʊwa jem twɨla.

Dʊgam Nyangnyang 2:9

N nyǝm nyǝmɨ gaalanɔ mʊ nɔɔ lɛɨ, jǝbɔ bʊnǝn mʊnɔ, (a mʊnɔ n bɨlǝngǝn, mʊ nǝ shilo). N nyǝm kaamɨ kal dun mʊnɔ lɛ. Jǝ sʊwa lɛ gɔ jǝ Yahudawa, wʊnɨ jǝ ke bɔ Yahudawaɨ, n nǝbam Mammɨ.

2 Bitrus 2:22

Jʊ nɨ ja maaɨ a yɔ dǝngdǝng jǝbɔ mʊsǝn kɛl bɨlǝngkɛl nɨ sʊwa lɛ gɔ, “Sǝganɔ a gwɨ a yǝla a debla,” jǝbɔ, “Nyiyoli nɨ ja yʊ gǝn mwɛɨ, a yǝla a bʌlto a mʊgɔ boltoi.”

Matta 24:10

Nǝbɔ a lada nyɔ na yǝla lɛ a nǝn gul a nǝtǝm bɨlǝngkɛl jinɔ gǝmɨ, jǝ miyoka miyoka, jǝ kulko kulko.