Filibii 3:15 - Dadiya NT

¹⁵ Gwam bǝnɔ nɨ bǝ yǝlam nǝfitʌm a mʊgɔ bwangtǝmɨ, bɛ bǝ bʊʊla nǝn kanjǝl nɨ nyɔ. Na jǝ́ jǝla bɔ nǝn kaam kanjǝl nɨɨ, Kwaama nʊng jen nʊng jʊ nɨ dǝngdǝngɨ.

Filibii 3:15 Referans Kwoze

Yohana 7:17

Nʊ nɨ a jǝgǝm jʊ nɨ Kwaama swɨ lɛɨ, nyǝm nyǝm gɔ mɛlalɨ mǝndɨ a jel a daagɔ Kwaama woi, ke bɔ a daagɔ mǝ woi.

Galatiya 5:10

N ya nǝl a daa jen woi a daagɔ Tɛtɛɨ, mɨ nyǝmatǝm wo, mɨsɔ jǝ́ bwangtǝn kaa bʊʊlalɨ lɛ na ke bɔ a mǝndɨ. Nʊ nɨ dǝg jen komtǝm lɛɨ nya nya mwɛtǝm Kwaamaɨ, na nǝn gɔ gǝ nuwoi.

1 Korinti 2:6

A dul kɛl nɨ, nǝ sʊwa yʊlanɔ wo a nǝb nɨ a kwam a kɛl Kwaamaɨ. Ke bɔ a yʊlan kal nɨ. Ke bɔ a nǝb fɔlɔn yooli nɨ, wʊnɨ shu lɛɨ.

Kolosii 4:12

Abafaras wʊnɨ win a kʊm jeni, n bwɛ jwaalɛ Kiristi Yesui, yal jen nɛ. Kwangkwang maa jem keli lɛ nǝn bɨlǝngǝn sǝ jǝ́ tɨ nǝn kwaan, sǝ jǝ́ bwangtǝn jʊ nɨ Kwaama swɨ lɛ gwamɨ.

1 Korinti 14:20

Kambɔ, ka jǝ́ maa lɛ bʊʊlalɨ bɛtɨɨ. A daa shil, bɛ jǝ́ yǝlam na bɛtɔ fetʌn. A daa maatǝm bʊʊlalɨ, bɛ jǝ́ yǝlam na dʊʊm.

Matta 5:48

Bɛ jǝ́ yǝlam dǝngdǝng, kanga Tɨya jen nɨ a kwamaɨ n nǝ dǝngdǝngɨ.

Ibranii 5:14

Jǝjalǝn kwamɨgɔ na a nǝb nɨ a dʊʊlɨ, nǝb nɨ bʊʊlalɨ jinɔ a nya mwɛl dwiyen jǝbɔ kwangkwangɨ. Ja nyǝm jǝ nyan jǝbɔ jǝ bwɨla.

Kolosii 1:28

N kɛl dul gǝn nǝn sʊwa nǝbɔ kɛlɔ lɛɨ, nǝn gʊ jim lɔl lɛ, nǝn mɛla jim lɛ a nyǝmtǝm nɨ Kwaama a nǝ nǝnɨ, dɨsɔ nǝn nʊng ji a kǝga Kwaamaɨ jǝ dǝngdǝng a mʊgɔ Kiristii.

Roma 15:1

Bǝn nɨ bǝ kwam a nǝtǝm bɨlǝngkɛlɨ, bɛ bǝ do tuulogɔ, bǝ tɨka nǝb nɨ a kwam bɔ a nǝtǝm bɨlǝngkɛlɨ. Bǝ maa nyɔ sǝ bǝ fulo jim nǝl, ke bɔ dul bǝn.

Luka 11:13

Na jen jǝ́ nǝb bwɨlangkɛlɔ, jǝ́ nyǝm kanga jǝ́ nǝ bɛtɔ lɔ jeni kanjǝl nyan nɛɨ, Tɨya jen nɨ a kwamaɨ a nyǝm a laa jen, kanga nǝ Yʊwa Kwaamaɨ lɛ a nǝb nɨ a kela gǝnɨ!”

1 Yohana 2:5

Na bǝ kɨla kɛl gǝnɨ, n bɨlǝngǝn swɨtǝmɔ bǝ maa Kwaama gǝm lɛɨ a yii dǝngdǝng. N gola nɨ bǝ nyǝm lɛ bǝ na a mʊgɔ gǝnɨ.

2 Timoti 3:17

sǝ bwɛ jwaalɛ Kwaamaɨ a yii dǝngdǝng nǝn fɛkalɨ dangǝn a maajɨ nyan gwam.

Yohana 6:45

Ja mʊla mʊlaɨ a mʊgɔ langǝn bwangǝn nǝbkuwotǝmkǝgagɨɨ, sʊwa lɛ gɔ, ‘Pʌd jinɔ nǝn Kwaama mɛla jim lɛɨ.’ Pʌd nʊ nɨ a nyʊwa, a mɛla a daagɔ Tɛtɛ woi, bɛ bɛ a daa mǝ woi.

Afisa 1:17

N tɨtǝn keltǝm Kwaama Tɛlalɔ bǝn Yesu Kiristii, Tɛtɛ Nǝ dʊʊlǝn, a nǝ jen Yʊwa nɨ nǝ yʊlan nɛ jǝbɔ nʊngtǝm a nyǝmtǝm Kwaamaɨ.

1 Tasalonikaɨ 4:9

A kɛl dul swɨtǝm kambɨɨ, a yǝlam bɔ nyɔ nǝn mʊla jem mʊlaɨ, jʊ a bwɨɨ, jen nǝn kang jen Kwaama a mɛla jem gɔ bɛ jǝ́ swɨka.