Filibii 3:13 - Dadiya NT

¹³ Kambɔ, mǝ do bɔ mǝʊ n kwɛl n la kanjǝl nɨ. Jʊ win na mǝ maa lɛɨ, mǝ twab jʊ nɨ lɛ a guli, mǝ dɔta lɛ sǝ n la jʊ nɨ a kǝgaɨ.

Filibii 3:13 Referans Kwoze

Luka 9:62

Nǝngɔ Yesu a sʊwa gǝn gɔ, “Nʊ nɨ ka twam lɛ nǝn nɛɛɨ, na a yǝla a dʌng guli, a la bɔ dɔtǝm fɔlɔn lɔ Kwaamaɨ.”

Filibii 3:12

Mǝ sʊwa bɔ mǝʊ n kwɛl n nya kanjǝl nɨ gwam. Mǝ lǝga bɔ n dɨl. Mǝ sɨn nɛ tʌgo sǝ n la kanjǝl nɨ Yesu Kiristi a jo i a kɛl dul gǝnɨ.

Filibii 3:8

Bɨlǝngǝn n do kanjǝlɔ gwam yalatǝm na n mʊrka ji jǝbɔ nyǝmtǝm dʊʊlǝn Yesu Kiristii, Tɛlalɔ mɨ. N kɛl dul gǝn mǝ tǝlam kanjǝlɔ gwamɨ, n do ji n jǝl nǝn kwan sǝ Kiristi a yǝlam a mɨ,

Ibranii 6:1

A dul kɛl nɨ, bɛ bǝ sʊtǝn nyǝmtǝmɔ a shu kanjǝl nɨ ja mɛla bǝm nǝn tɨkǝga a dul Kiristii, a yɔ nǝn a dʊʊlǝn nyǝmtǝm. Ka bǝ yǝla lɛ bǝ swa fʌlʌm kanjǝl nɨ bǝ bǝla a guli. Jʊtǝb nɨ nǝn gɔ, n yǝlatǝm bǝlatǝm bwɨlangkɛl nɨ yɔ lɛ nǝn bǝn a bwaaɨ, jǝbɔ nǝtǝm bɨlǝngkɛl a daagɔ Kwaama woi,

Filibii 2:12

Jǝ́ nǝbɔ mǝ swɨ lɛɨ, kwangkwang jǝ́ bwangtǝn diil mǝndɨ lɛ kwama bǝ dakinii. Kǝngkǝnɨ mɨ bǝ dakini, bɛ maajɨ jenɔ a laa nyɔ. Bɛ jǝ́ maa maajɨ nɨ bʊʊ lɛ nǝn jeni nǝn taal jǝbɔ katǝm bʊtɔ.

Luka 10:42

Jǝ saatǝmɔ win, Maryamu a jǝgǝm jǝ nyan, mɨsɔ jǝ yem gǝm lɛ.”

2 Bitrus 3:8

Kɛtǝlam mɨ nɨ mǝ swɨ lɛɨ, ka jǝ́ twab lɛ kɛl nɨ win swar gɔ, a daa Tɛlalɔ woi kumɔ win swar a maa na jolɔ fʊlkʊblǝn, jolɔ fʊlkʊblǝn a maa na kumɔ win swar.

2 Korinti 5:16

Kǝngkɔ a kǝga nɨ mɨsɔ nǝn dʌng kaa nǝl lɛ a kuwotǝm nǝfilii. Galɨgǝn nǝ dʌng Kiristi wo a kuwotǝm bʊtɔ. Kǝngkɔ mɨsɔ nǝ yǝla lɛ nǝn dʌng gǝn nyɔ.