Filibii 3:12 - Dadiya NT

¹² Mǝ sʊwa bɔ mǝʊ n kwɛl n nya kanjǝl nɨ gwam. Mǝ lǝga bɔ n dɨl. Mǝ sɨn nɛ tʌgo sǝ n la kanjǝl nɨ Yesu Kiristi a jo i a kɛl dul gǝnɨ.

Filibii 3:12 Referans Kwoze

2 Korinti 7:1

Jǝ́ nǝbɔ mǝ swɨ lɛɨ, Kwaama a kwɛl a maa bǝm swatǝm yaatɨn. Na gǝ na nyɨɨ, bɛ bǝ saalǝm dul bǝnɔ a kanjǝl nɨ dǝg bʊtɔ bǝnɔ lɛ jǝbɔ nǝl bǝnɔ a dutoi. Bɛ bǝ yɨ yɨm sagsag dangǝn a gola nǝtǝm Kwaamaɨ dʊʊn.

Ibranii 13:21

a fɛka jen a kanjǝl nyanɔ gǝm gwam, sǝ jǝ́ maa maajɨ nɨ swɨ lɛɨ, sǝ a maa maajɨ a mʊgɔ bǝn, sǝ a yǝlam jǝ bǝlátǝm a daa gǝ woi a gola Yesu Kiristii. Bɛ dʊʊlǝnɔ a ta tʌgo gwanggwang a daa gǝ woi mɨ dɨtǝm wo. A daa nyɔ.

Afisa 1:4

A kwɛl a jǝg bǝn jǝgɨ a mʊgɔ Kiristii na lǝga bɔ a fwal yooligɔ, sǝ bǝ yǝlam sagsag, mɨ nǝn jǝ tuwol a kǝga gǝn. A kɛl dul swɨtǝm gǝn

Filibii 3:16

Bɛ bǝ ja kǝga nǝn jʊ nɨ Kwaama swɨ lɛ bǝ maaɨ.

2 Bitrus 3:18

Bɛ ya jǝ́ dʊʊl lɛ a mʊgɔ lǝma Tɛlalɔ bǝn Yesu Kiristi Nǝbʊʊlɨɨ, sǝ jǝ́ sʊtǝn nyǝmtǝm gǝnɔ kwangkwang. Bɛ dʊʊlǝnɔ a ta tʌgo a daa gɔ woi kǝngkɔ, mɨ dɨltǝm wo! A daa nyɔ.

Yakubu 3:2

Pʌd bǝnɔ bǝ maa bwɨlangkɛl. Na kaa nǝl a maa bɔ bwɨlangkɛl a sʊwatǝm kɛlɨ, gɔ n nʊ nɨ dǝngdǝngɨ, dwal dwal a tɔɔ bʊtɔ gǝnɔ gwam.

Ibranii 12:14

Jǝ́ yɨ yɨm kwamɨgǝn jǝbɔ nǝbɔ pʌd. Bɛ jǝ́ yɨ yɨm sagsag. Na mɨ nyɨɨ, mɨ nʊ nɨ wo kuwo Tɛlalɔ lɛɨ.

Galatiya 5:17

Jǝ́ maa jʊ nɨ, jʊ a bwɨɨ bʊʊlalɨ bʊtɔgɔ maa kii lɛ jǝbɔ Yʊwagɔ, Yʊwagɔ tag maa kii lɛ jǝbɔ bʊʊlalɨ bʊtɔgɔ. Kanjǝl nɨ yoi, jǝ maaka kii lɛ a kʊm jin. N jʊ a bwɨ mɨsɔ jǝ́ dwal lɛ jǝ́ maa jʊ nɨ jǝ́ swɨ lɛ jǝ́ maaɨ.

1 Bitrus 5:10

Na nǝn kwama nɨ jǝ́ nɔɔm gaalan nǝn dǝm nyɨɨ, Kwaama nǝ nǝtǝm lǝma pʌd, wʊnɨ a jo jen a gola Yesu Kiristii a yɔ nǝn a yɨm dʊʊn gǝnɔ jǝbɔ gɔ, mɨ dɨtǝm woi, nǝn gɔ dǝg jen nɛ jǝ́ yii dǝngdǝngɨ, nǝn gɔ fǝka jen nɛɨ, sǝ a sʊ jem kʊʊtǝm nǝl tag.

2 Tasalonikaɨ 2:13

Jǝ́ kɛtǝlam mɨɨ, nǝbɔ Tɛlalɔ swɨ lɛɨ, a yǝlam nyɔ nǝn buu Kwaama gǝm kang a dul jen, jʊ a bwɨɨ Kwaama a jǝgam jen nǝn tɨkǝga sǝ jǝ́ nya bʊʊtǝm a gola butitǝm Yʊwa Kwaamaɨ, a gola nǝtǝm bɨlǝngkɛl bɨlǝngǝn.

Afisa 4:12

A maa nyɔ sǝ a fɛka nǝb bwangtǝm Kwaamaɨ a maatǝm maajɨ gǝn, sǝ bʊtɔ Kiristii a sʊtǝn dʊʊltǝmɔ.

2 Korinti 13:9

N fulotǝm nǝl nǝ maa lɛɨ na nǝ gɨyaɨ, jen jǝ́ kwam. Keli nǝnɔ bɛ jǝ́ yii dangǝn.

1 Korinti 13:10

Na nǝ yiitǝmɔ a bɛɨ, kanjǝl nɨ a yii bɨɨ shu shu.

1 Tasalonikaɨ 5:15

Jǝ́ fɛ jǝ́ nyǝm ka nǝl ya ywa lɛ shil nǝn shil. Kwangkwang ya jǝ́ sʊtǝn maatǝm jʊ nɨ lɛ a bʊmɨ a kʊm jen jǝbɔ nǝbɔ gwam.

1 Timoti 6:19

Nǝn gɔ n gola nɨ jǝ ya dul jinɔ gǝm shilo lɛɨ, wʊnɨ nǝn gɔ n fʌlʌm nyan a kǝga nɨɨ, sǝ ja kwal kʊlɨ nɨ n bɨlǝngǝnɨ.

Maajɨ Bɛtɔ Twamagɨɨ 9:15

Nǝngɔ Tɛlalɔ a sʊwa gǝn gɔ, “Mɔ, yɔ! N nʊ nɨ mǝ jǝgǝm jǝgǝmɨ sǝ a maa maajɨ mǝndɨ, sǝ a sʊwa fulon dun mǝndɨ a daagɔ Bʌtʌbɔ woi, jǝbɔ fɔlɔlɔm jini, jǝbɔ nǝbɔ Israilaɨ.

1 Timoti 5:10

Bɛ a yǝlam nʊ nɨ ja nyǝm gǝn nǝn maajɨ nyanɨ, nʊ nɨ bwa bɛtɔ lɔ gɨɨ lɛ dangǝnɨ, nʊ nɨ dʌng faabǝm lɛɨ, nʊ nɨ saal naa nǝb sagsagɔ lɛɨ, nʊ nɨ tɨka nǝb nɨ lɛ a mʊgɔ gaalanɨ, nʊ nɨ maa maajɨ nɨ lɛ gwam na a nyaɨ.

Ibranii 12:23

Jǝ́ la mʊrkalɨ nǝb bwangtǝm Kwaamaɨ nɨ a jo nǝn tɨkǝgaɨ, nǝb nɨ ja mʊla dun jinɔ a dʌbʌl kwamaɨ. Jǝ́ bɛ a daagɔ Kwaama woi, wʊnɨ nǝn gɔ maa nǝfitʌmɔ gǝm borang lɛ gwamɨ. Jǝ́ bɛ a daagɔ dʊʊmɨ nǝfitʌm nɨ dǝngdǝngɨ, nǝb nɨ Kwaama a dǝg ji mɨ nǝn dutoi.

Matta 5:48

Bɛ jǝ́ yǝlam dǝngdǝng, kanga Tɨya jen nɨ a kwamaɨ n nǝ dǝngdǝngɨ.

Roma 8:39

na n debatǝmɨ, na n tushitǝmɨ, na kaa jǝl wo a kanjǝl nɨ gwam ja fwalɨ, ja la bɔ ja wʊlaka bǝn jǝbɔ swɨtǝm nɨ Kwaama maa bǝm lɛ a mʊgɔ Kiristi Yesu Tɛlalɔ bǝnɨ.

1 Korinti 9:24

Jǝ́ nyǝm bɔ a gaan sʊtǝm sʊgɔl, nǝb sʊtǝm sʊgɔlɔ jǝ maa laakatǝm, nʊ win na gǝ nya lǝmagɔ lɛɨ ka? Bɛ ya jǝ́ mwal sʊgɔlɔ lɛ nyɔ sǝ jǝ́ ku jelʌn.

1 Korinti 13:12

Kǝngkɔ maamɔ bǝ dʌng a bwaala duddugi. Kwama gɔ bǝ kuwo kuwo kǝga jǝbɔ kǝga. Kǝngkɔ nyǝmtǝm mǝndɨ a dwal. A kwama gɔ mǝ nyǝm nyǝm dangǝn, kanga Kwaama a nyǝm ɨ kǝngkɨɨ.

Filibii 1:1

Nǝmǝ mǝ Bulus nǝbɔ Timoti, nǝn bɛtɔ jwaalɛn Kiristi Yesui, Nǝn mʊla nǝb sagsagɔ gǝm lɛ gwam a Filibii, nǝbɔ a mʊgɔ Kiristii, jǝbɔ nǝb dʊʊm nɨ dʌng nǝb bwangtǝmɔ lɛɨ jǝbɔ nǝbɔ maa jim maajɨ lɛɨ.

Filibii 3:3

Jʊ a bwɨɨ, nǝbǝn bǝ biyo mwɛn bɨlǝngǝnɨ. Bǝn nǝb nɨ bǝ bǝlá Kwaama lɛ a gola Yʊwa Kwaamaɨ. Bǝ maa sʊtɔ lɛ a mʊgɔ Kiristi Yesui. Bǝ ya bɔ kwaan a maajɨ bʊtɔ sul,

Filibii 3:8

Bɨlǝngǝn n do kanjǝlɔ gwam yalatǝm na n mʊrka ji jǝbɔ nyǝmtǝm dʊʊlǝn Yesu Kiristii, Tɛlalɔ mɨ. N kɛl dul gǝn mǝ tǝlam kanjǝlɔ gwamɨ, n do ji n jǝl nǝn kwan sǝ Kiristi a yǝlam a mɨ,