Filibii 2:17 - Dadiya NT

¹⁷ Nǝtǝm bɨlǝngkɛl jenɔ jǝbɔ maajɨ jenɔ a daagɔ Tɛlalɔ woi a maa na tǝlatǝm twama. Na na mǝ tǝla tǝla tʊʊm mǝndɨ a dul twama nɨɨ, mǝ nyʊwa nyʊwa lǝma, n maa fulotǝm nǝl nǝbɔ jen.

Filibii 2:17 Referans Kwoze

2 Timoti 4:6

A mǝndɨ ja kwɛl jǝ tǝla ɨ lɛ na jǝ tǝlatǝm twama. Kwama kʌbotǝm mɨ a dwama.

Roma 15:16

A jǝg ɨ n yǝlam bwɛ jwaalɛ Yesu Kiristii a daagɔ Bʌtʌbɔ woi. A dǝg ɨ n yǝlam nǝkǝla sǝ n kiyo fulon kɛl lǝmɨ Kwaamaɨ a daagɔ Bʌtʌbɔ woi. A maa nyɔ sǝ ja yǝlam na twɨtǝm yulʌn wʊnɨ Kwaama yo lɛɨ, sǝ ja yǝlam sagsag a gola Yʊwa Kwaamaɨ.

2 Korinti 12:15

Mǝ jʌ jʌ jǝ kang mǝndɨ gwam, jǝbɔ kumtɨn mǝndɨ gwam, nǝn fulotǝm nǝl a kɛl dul jen. Na n sʊtǝn swɨtǝm jeni, jǝ́ shig shig swɨtǝm mǝndɨ ka?

Kolosii 1:24

Kambɔ mǝ nyʊwa fulotǝm nǝl lɛ nǝn gaalan nɨ mǝ nɔɔ lɛ a kɛl dul jeni. A bʊtɔ mɨ mǝ yii tangǝn jʊ nɨ lɛ a taam a gaalan Kiristii, wʊnɨ ja ya mɨ a kɛl bʊtɔ gǝnɨ, wʊnɨ n mʊrkalɨ nǝb bwangtǝm Kwaamaɨ.

Filibii 1:20

N ya nǝl dangǝn, mɨsɔ mǝ nyʊwa gunidul lɛ, mǝ bɨ bɨ nǝl dangǝn a kǝngkɔ jǝbɔ tangǝn kumtɨnɔ sǝ Kiristi a nya gungtǝm a daa mɨ woi, na mǝ yǝm nǝn kʊlɨɨ, na n bʊla bʊlaɨ.

2 Korinti 7:4

N jǝla nǝn jen dangǝn. Mǝ maa lɨyal lɛ nǝn jen dangǝn. Jǝ́ kʊʊ mɨ nǝl lɛ dangǝn. A mʊgɔ gaalan nǝnɔ gǝm gwam, mǝ maa fulotǝm nǝl lɛ dangǝn.

1 Yohana 3:16

Wʊnɨ n kanga bǝ nyǝm swɨtǝmɔ lɛɨ, a nǝtǝm kʊlɨ gǝnɔ a nǝ a kɛl dul bǝnɨ. Bǝn tǝbǝn bɛ bǝ nǝ kʊlɨ bǝnɔ a kɛl dul kɛtǝlam bǝnɨ.

Roma 12:1

A dul kɛl nɨ kambɔ, mǝ kela jen nɛ a dul bʊnatǝm Kwaamaɨ, jǝ́ nǝ bʊtɔ jenɔ jǝ twɨtǝm yulʌn wʊnɨ nǝn kʊlɨɨ, wʊnɨ sagsagɨ, wʊnɨ fulo Kwaama gǝm nǝl lɛɨ. Wʊnɨ nǝn gɔ bǝlátǝmɔ nyangǝnɨ.

1 Bitrus 2:5

Jen tʌjen jǝ́ na na tatǝn kʊlɨ. Bɛ Kwaama a mɔ jen na lɔ gǝnɔ nɨ nǝn yʊwaɨ, sǝ jǝ́ yǝlam nya nǝbkǝlam Kwaamaɨ sagsag, jǝ́ twɨtǝm yulʌn nyan, wʊnɨ Kwaama yo lɛɨ, a gola Yesu Kiristii.

1 Tasalonikaɨ 2:8

Nǝn swɨ jen nɛ nǝn bɨlǝngǝn, n jʊ a bwɨ nǝn fɛka sǝ nǝn mal jem nyiyo a dul fulon kɛl lǝmɨɨ. N ke bɔ fulon kɛl lǝmɨ Kwaamaɨ nɨ kwaagɔ. Nǝn fɛka sǝ nǝn nǝ kʊlɨ nǝnɔ a kɛl dul jen, jʊ a bwɨɨ jǝ́ dɔ nǝl nǝnɔ dangǝn.

Filibii 4:18

Ja ywa ɨ kanjǝlɔ gwam, a shu kwaan. N nyʊwa lǝma dangǝn nǝn tɨkalɨgɔ jǝ́ twam mɨ a kang Abafaroditasɨ. A maa na jǝ twɨtǝm yulʌn nɨ nǝn kunʌn nyaɨ, jǝ yotǝm wʊnɨ fulo Kwaama gǝm nǝl lɛɨ.

Filibii 2:30

jʊ a bwɨɨ ya bʊla lɛ a maajɨ Kiristii, miyo kʊlɨ gǝnɔ lɛ sǝ a tɨka ɨ maajɨ nɨ jǝ́ dwal bɔ jǝ́ maaɨ.

Maajɨ Bɛtɔ Twamagɨɨ 21:13

Nǝngɔ Bulus a jǝla gɔ, “N wɛ a bwɨ jǝ́ maa lɛ nyɨɨ? Jǝ́ ji wi lɛ, jǝ́ nɨ ɨ fitǝm nǝl lɛɨ? N kwɛl n fɛka fɛkaɨ, ke bɔ bwatǝm kwaagɔ, jǝ jʌ i jʌ i a Urushalima a kɛl dun Tɛlalɔ Yesui.”

Maajɨ Bɛtɔ Twamagɨɨ 20:24

Mǝ do bɔ kʊlɨ mǝndɨ a kaa jǝl. Mǝ swɨ lɛ n dɨ maajɨ nɨ Tɛlalɔ Yesu a nɨ ɨɨ. Mǝ swɨ lɛ n kiyo fulon kɛl lǝmɨ a dul lǝma Kwaamaɨ.

2 Korinti 6:10

Maamɔ nǝn na a fitǝm nǝl, kwangkwang nǝ na a mʊgɔ fulotǝm nǝl. Maamɔ nǝn nǝb bʊnǝn, nǝn shi nǝn nǝbɔ a lada. Maamɔ mɨ nǝn nǝn kaa jǝl, kanjǝlɔ gwam na a nǝn.

Filibii 2:18

Jen tʌjen jǝ́ nyʊwa nyʊwa lǝma, jǝ́ maa fulotǝm nǝl jǝbɔ mǝ.

2 Korinti 4:12

Nǝn na a nyiyo bwaa, sǝ jen jǝ́ nya kʊlɨ.