Filibii 2:15 - Dadiya NT

¹⁵ Jǝ́ maa nyɔ sǝ jǝ́ yǝlam nǝb nɨ mɨ nǝn jǝ tuwoli, nǝb sagsag, bɛtɔ lɔ Kwaamaɨ nɨ mɨ nǝn kʊlanɨ. Jǝ́ yɨ yɨm jenɔ a kʊm nǝb nɨ dulɔ a yǝla yǝlaɨ, nǝb bwɨlangkɛlɔ, nyalǝm jenɔ won nɛ ganggang a kʊm jin a yooli nɨ.

Filibii 2:15 Referans Kwoze

1 Bitrus 2:12

Bɛ jǝ́ yɨ yɨm nyan a kʊm Bʌtʌbiɨ, sǝ na jǝ tuwo jen nɛɨ gɔ jǝ́ nǝb bwɨlamɨ, jǝ kuwo kuwo maajɨ nyantɨn jenɔ, jǝ dʊʊl dʊʊl Kwaama nǝn kum nɨ bɛm lɛɨ.

Matta 5:45

Jǝ́ maa nyɔ sǝ jǝ́ yǝlam bɛtɔ lɔ Tɨya jen nɨ a dʌbʌli, jʊ a bwɨɨ gǝ dǝg dǝg nu kwamagɔ a gwi a dul nǝb bwɨlamɔ gǝm jǝbɔ nǝb nyanɔ, gǝ swiyo swiyo nǝb dǝngdǝngɔ jǝbɔ nǝbɔ mɨ dǝngdǝngɨ gǝm mwɛ.

1 Tasalonikaɨ 5:23

Bɛ Kwaama nǝn kang gǝn, Kwaama nɨ dǝg yɨm kwamɨgǝn nɛɨ, a dǝg jen jǝ́ yǝlam nǝb sagsag. Bɛ kʊlɨ jenɔ jǝbɔ nǝl jenɔ jǝbɔ bʊtɔ jenɔ pʌd a yǝlam mɨ nǝn jǝ tuwol a yɔ nǝn a kum yǝlatǝm Tɛlalɔ bǝn Yesu Kiristii.

2 Bitrus 3:14

A dul kɛl nɨɨ, kɛtǝlam mɨ nɨ mǝ swɨ lɛɨ, nǝn kwama jǝ́ yam kanjǝl nɨ lɛɨ, jǝ́ maa kwaan ja nya jen mɨ jen nǝn kʊlan, mɨ jen nǝn duto. Jǝ́ maa kwaan ja nya jen jǝ́ yɨ yɨm lǝma a kǝga gǝn.

1 Korinti 1:8

wʊnɨ kwam jem nǝl lɛɨ, a yɔ nǝn a dɨltǝmɨ. Ka jǝ́ yǝlam jǝ tuwol nǝn kwama Tɛlalɔ bǝn Yesu Kiristi bɛm lɛɨ.

Titus 2:10

ka ja kuu lɛ kuul. Bɛ ja nʊng tɛlalɔ jinɔ jǝla jǝla nǝn ji, sǝ ja dǝg nǝbɔ a nǝ dʊʊn a mɛlalɨ Kwaama Nǝbʊʊlɨ bǝnɨ a golantɨnɔ gǝm gwam.

1 Bitrus 2:9

A jenɔ jǝ́ dʊʊm jǝgamtǝm, jǝbɔ nya nǝbkǝlam fɔlɔgɨɨ, jǝbɔ nǝbɔ sagsagɨɨ, jǝbɔ nǝbam Kwaamaɨ, sǝ jǝ́ kiyo maajɨ nya a nʊ nɨ a jo jeni nǝn kwama jen a kumtojilii, jǝ́ dɔ bǝlátǝm nyalǝm nyan gǝnɨ.

Matta 5:48

Bɛ jǝ́ yǝlam dǝngdǝng, kanga Tɨya jen nɨ a kwamaɨ n nǝ dǝngdǝngɨ.

1 Timoti 3:10

Bɛ ja tɛl ji dɨn. Na ja nya ji bɔ nǝn jǝ tuwoli, sǝla ja ta maatǝm maajɨgɔ.

1 Timoti 3:2

Nʊ nɨ dʌng mʊrkalɨ nǝb bwangtǝm Kwaamaɨ lɛɨ, bɛ a yǝlam nʊ nɨ mɨ nǝn jǝ tuwoli, nǝ nɔɔlɨ win, nǝ tatǝm dul, nʊ nɨ a dǝg kang a sʊɨ, nʊ nɨ ja jǝla nǝn gɨɨ, nʊ nɨ dʌng faabǝm lɛɨ, nʊ nɨ a nyǝm mɛlalɨ.

Filibii 1:10

sǝ jǝ́ jǝgǝm kanjǝl nyanɔ, jǝ́ yǝlam nǝb sagsag, nǝb nɨ mɨ nǝn daa tuwoli, ba la nǝn a kum bɛtǝm Kiristii.

Afisa 5:27

sǝ a do dul gǝnɔ gǝm mʊrkalɨ nǝb bwangtǝm Kwaamaɨ nɨ a bʊm bʊmɨ, mɨ nǝn kʊlan jǝbɔ wʊrmatǝm tɛ bʊtɔ jǝbɔ jǝ bwɨla, a yǝlam sagsag mɨ nǝn jǝ tuwol.

Roma 16:19

Nǝbɔ gwam a nyǝm kanga jǝ́ jǝla jǝ́ bwangtǝn Kwaamaɨ. N jʊ a nɨ ɨ fulotǝm nǝl jǝbɔ jeni. Mǝ swɨ lɛ jǝ́ nyǝm jʊ nɨ a bʊmɨ, ka jǝ́ dǝg lɛ dul jenɔ a jʊ nɨ a yǝlam shili.

Maajɨ Bɛtɔ Twamagɨɨ 2:40

Nǝngɔ a gʊ jim lɔl nǝn kaam kɛltɨnɔ a gǝlalaɨ, a kel ji tag gɔ, “Jǝ́ bʊʊ nǝn dul jenɔ a bwɨlang nǝb nɨ gǝm.”

Matta 10:16

“N wɔ mǝ twam jen nɛ na kwamɨ a kʊm bangashɨtɨn. A dul kɛl nɨɨ, jǝ́ yǝlam nǝb yʊlan na sɔɔtɨn, na kumfiyotɨn wʊnɨ mɨ maa fanyal lɛɨ.

Ibranii 7:26

Nǝn gɔ n dalɨ nǝkǝlagɔ bǝ saa lɛɨ, nǝ sagsag, mɨ nǝn bwɨlangkɛl, mɨ nǝn jǝ tuwol, wʊnɨ ja wʊlaka gǝn jǝbɔ nǝb bwɨlangkɛlɨ, nǝ gungtǝm a kanjǝlɔ gwam a dʌbʌli.

Titus 2:15

Bɛ ń tɨtǝn sʊwatǝm kanjǝl nɨ. Mʊ gʊ jim lɔl lɛ. Mʊ ga ji lɛ nǝn diil nǝn kwaan. Ka ń jǝla lɛ nǝbɔ a soga ń.

Titus 1:6

Nǝ dʊʊ bɛ a yǝlam mɨ nǝn jǝ tuwol, nǝ nɔɔlɨ win, nʊ nɨ bɛtɔ lɔ gɨɨ n nǝb bwangtǝmɨ, wʊnɨ ja tuwo ji bɔ nǝn kutʌm jǝbɔ bǝngɨ lɔlɨ.

1 Timoti 5:20

Nǝb dʊʊm nɨ maa bwɨlangkɛl lɛɨ, bɛ ń ga jim wulong a kǝga nǝb bwangtǝmɨ, sǝ tangǝn nǝbɔ a nyʊwa taal.

Maajɨ Bɛtɔ Twamagɨɨ 20:30

A kʊm jen kaamɨ gun gun a sʊwala gabakɛl, sǝ ja gʊ nǝb bwangtǝmɔ a gul ji.

Yohana 5:35

Yohana n fitila nɨ ja lɛ nǝn nyalǝmɨ. Jǝ́ jǝla jǝ́ maa fulotǝm nǝl nǝn nyalǝm gǝnɔ a mʊgɔ kumɔ dǝm.

Luka 6:35

Jǝ́ swɨ nǝb kiim jenɔ, jǝ́ maa jim jǝ nya. Jǝ́ nǝ nǝbɔ naan ka jǝ́ bʊʊla lɛ ywatǝmɔ. Maatǝmɔ nyɨɨ jǝ́ nya nya bwili nɨ a ladaɨ a dʌbʌl. Jǝ́ yǝlam yǝlam bɛtɔ lɔ nʊ nɨ a Laa Dʊʊlǝnɨ. Nǝn gɔ maa jǝ nya lɛ a nǝb nɨ mɨ buu kang lɛɨ jǝbɔ nǝb bwɨlamɨ.

Matta 17:17

Nǝngɔ Yesu a jǝla ji gɔ, “Jǝ́ nǝbɔ kal nɨɨ, mɨ jen nǝn nǝtǝm bɨlǝngkɛl, jǝ́ nǝb bwɨlan, naa nyǝn mǝ yɨ lɛ nǝbɔ jeni, naa nyǝn mǝ kʊ nǝl lɛ nǝn jeni? Jǝ́ bɛ mɨ nǝn bwɛ balɨ nɨ fɔ.”

Dʊgam Nyangnyang 3:9

Mǝ dǝg dǝg nǝb nɨ a mʊgɔ kang Mammɨ, nǝbɔ sʊwa lɛ gɔ jǝ Yahudawagɔ jǝ ke bɔ, n gabakɛl jǝ maa lɛɨ, mǝ dǝg ji dǝg ba ja jʊng a kǝga mʊn, sǝ ja nyǝm mǝ swɨ ń nɛ.

1 Timoti 5:14

A dul kɛl nɨ, mǝ swɨ lɛ kal nɔɔtǝmkʊlabɔ ja naa batǝm, ja bʌ bɛtɨ, ja dʌng lɔ jinɔ. Ka ja nǝ lɛ nǝ kii bǝnɔ gola tuwol bǝn.

1 Timoti 5:7

Bɛ ń nǝ nǝb bwangtǝmɔ diiltɨn nɨ, sǝ ja yǝlam mɨ ji nǝn jǝ tuwol.

2 Korinti 6:17

Tɛlalɔ a sʊwa gɔ, “Jǝ́ jelʌm a kʊm jin. Jǝ́ wʊlǝm bʊtɔ jenɔ. Ka jǝ́ ke lɛ jǝ duto. A gulɔ gǝmɨ mǝ yo jen yo.

Luka 1:6

Gwam jinɔ nɨ yoi jǝ nǝb dǝngdǝng a kǝga Kwaamaɨ, jǝ kɨla diiltɨn Tɛlalɔɨ lɛ kanga ja mʊla a langǝn bwangǝn Kwaamaɨ. Mɨ ji nǝn jǝ tuwol.

Filibii 3:6

A gom maajɨ nǝn kwaan bʊtɔ, n nʊ nǝ mʊrkalɨ nǝb bwangtǝm Kwaamaɨ gaalan bwɨla lɛɨ. A gola kɨlatǝm diilɔ gǝm sǝ n yǝlam nǝ dǝngdǝngɨ, mɨ mǝ nǝn daa tuwol.

Dʊgam Nyangnyang 2:5

Bɛ ń fɛ ń bʊʊla nǝn dʊʊn mʊnɔ nǝn tɨkǝgaɨ, jǝbɔ yǝlatǝm nɨ nǝn gul mʊ maaɨ. Yǝla bǝla bwɨlangkɛl mʊnɔ. Yǝla maa maajɨ nɨ mʊ maa nǝn tɨkǝgaɨ. Na mʊ yǝla bɔ ń bǝla bwɨlangkɛl mʊnɨ, mǝ bɛ bɛ a daa mɔ woi sǝ n yem daa swatǝm fitilagɔ a daa mʊ woi.