Filibii 1:27 - Dadiya NT

²⁷ Jʊ a laa jǝlɨ, jǝ́ yɨ yɨm nɨ a yɔ dǝngdǝng jǝbɔ fulon kɛl lǝmɨ Kiristii, dɨsɔ na n bɛ sǝ ba n kuwo jeni, na mǝ bɛ bɨɨ, n nyʊwa fulon gɔ yɨm jenɔ a yǝlam win, bʊʊlalɨ jenɔ win. Mǝ nyǝm nyǝm mǝʊ jǝ́ maa maajɨ lɛ dakini nǝlɔ win dangǝn sǝ bǝ kʌshi fulon kɛl lǝmɨgɔ.

Filibii 1:27 Referans Kwoze

Afisa 4:1

Na bwɛ lɔsomi a dul Tɛlalɔɨ, mǝ kel jen nɛ jǝ́ yɨ yɨm nɨ yɔ lɛ dǝngdǝng kanga Kwaama a jom jeni.

1 Korinti 1:10

N kela jen kɛtǝlam mɨ, a mʊgɔ dun Yesu Kiristi Tɛlalɔ bǝnɨ, pʌd jenɔ bɛ nyiyo jenɔ a yǝlam win. Ka beltǝm ya dɔ lɛ kʊm jen. Bɛ jǝ́ mʊrka dul, bʊʊlalɨgɔ win, maajɨgɔ win.

2 Bitrus 3:14

A dul kɛl nɨɨ, kɛtǝlam mɨ nɨ mǝ swɨ lɛɨ, nǝn kwama jǝ́ yam kanjǝl nɨ lɛɨ, jǝ́ maa kwaan ja nya jen mɨ jen nǝn kʊlan, mɨ jen nǝn duto. Jǝ́ maa kwaan ja nya jen jǝ́ yɨ yɨm lǝma a kǝga gǝn.

Kolosii 1:10

Nǝn kela Kwaama lɛ nyɔ sǝ jǝ́ yɨ yɨm nɨ a daa tʌgo a bwangtǝm Tɛlalɔɨ. Jǝ́ fulo gǝm nǝl lɛ a golantɨnɔ gǝm gwam. Jǝ́ maa maajɨ nyan nɛ nǝn dʌmʌn. Jǝ́ sʊ lɛ nǝn nyǝmtǝm Kwaamaɨ.

Yahuza 1:3

Fatǝm nyan mǝndɨ mǝ swɨ lɛɨ, na mǝ swɨ lɛ n maa jem mʊlalɨ a kɛl bʊʊtǝm bǝnɔ gǝm, nǝngɔ mǝ kuwo a bʊm nyɔ n mʊla jem, n kela jen, jǝ́ kʌshi nǝtǝm bɨlǝngkɛl nɨ Kwaama a nǝ nǝb sagsagɔ naa win swar mɨ sʊtǝm woi.

1 Tasalonikaɨ 4:1

A dɨltǝmɔ gǝmɨ kambɔ, nǝn kela jen nɛ, nǝn ga jem diil lɛ a kɛl Tɛlalɔ Yesui sʊwa lɛ gɔ, jǝ́ yɨ yɨm nɨ yɔ lɛ dǝngdǝng, jǝ́ fulo Kwaama gǝm nǝl, kanga jǝ́ mɛla a daa nǝn woi. Kanga jǝ́ maam lɛ kǝngkɨɨ, bɛ jǝ́ sʊtǝn maatǝmɔ nyɔ nǝn bɨlǝngǝn.

Filibii 2:12

Jǝ́ nǝbɔ mǝ swɨ lɛɨ, kwangkwang jǝ́ bwangtǝn diil mǝndɨ lɛ kwama bǝ dakinii. Kǝngkǝnɨ mɨ bǝ dakini, bɛ maajɨ jenɔ a laa nyɔ. Bɛ jǝ́ maa maajɨ nɨ bʊʊ lɛ nǝn jeni nǝn taal jǝbɔ katǝm bʊtɔ.

Filibii 3:18

N sʊwa jen naagɔ a lada, kǝngkɔ mǝ sʊwa jen nɛ tag nǝn mwɛ num, nǝbɔ a lada yɨm jinɔ maamɔ nǝb kiim tɨya kʊʊtǝm Kiristii.

2 Korinti 13:11

A dɨltǝmɔ gǝmɨ, kambɔ, bǝ kuwoka kaa di. Jǝ́ yii nǝl jenɔ dangǝn. Jǝ́ nyʊwa keli mǝndɨ. Jǝ́ yɨ yɨm kwamɨgǝn a bʊtɔ jen. Jǝ́ yɨ nǝn yʌbtǝm nǝl. Kwaama n nǝ nǝtǝm yɨm swɨkan jǝbɔ yʌbtǝm nǝl, yɨ yɨ dakini jǝbɔ jen.

Maajɨ Bɛtɔ Twamagɨɨ 4:32

Nǝb bwangtǝmɔ gwam, nyiyo jinɔ win, nǝl jinɔ win. Mɨ nǝn nʊ nɨ a kʊm jin a sʊwa gɔ jʊ nɨ gǝ nǝnɨ, na a gɔ kwaagɨɨ. Jǝ sʊwa gɔ na a ji gwam.

2 Bitrus 3:11

Kanjǝl nɨ gwam kala kala. A dul kɛl nɨɨ, n yɨm won a bʊm jǝ́ maa lɛ kǝngkɨɨ? Bɛ jǝ́ yɨ yɨm sagsag. Bɛ jǝ́ yɨ yɨm nǝn nǝl Kwaamaɨ.

1 Korinti 15:58

Gǝ na nyɔ, kɛtǝlam mɨ nɨ mǝ swɨ lɛɨ, jǝ́ tɨ nǝn kwaan, ka kaa jǝl ya mǝg jen nɛ, kwangkwang jǝ́ maa maajɨ Tɛlalɔɨ nǝn kwaan bʊtɔ, jʊ a bwɨɨ jǝ́ nyǝm gaalan jenɔ a kɛl dul Tɛlalɔɨ, mɨsɔ yɔ lɛ nǝn kwan.

Roma 1:16

Fulon kɛl lǝmɨgɔ ke bɔ jǝ gunidul a daa mǝ woi, nǝn gɔ kwaan Kwaamaɨ wʊnɨ yɔ lɛ nǝn nǝb nɨ gwam a nǝ bɨlǝngkɛl a nyatǝm bʊʊtǝmɨ, Yahudawagɔ nǝn tɨkǝga, sǝla Bʌtʌbɔ.

Yakubu 3:18

Nǝb mʊrkatǝm yɨm kwamɨgǝnɔ nɨ a kwal a mʊgɔ yɨm kwamɨgǝnɨ, jǝ kʌso maajɨ dǝngdǝng.

Filimon 1:5

jʊ a bwɨɨ, n nyʊwa kɛl nǝtǝm bɨlǝngkɛl mʊnɔ a mʊgɔ Tɛlalɔ Yesui jǝbɔ swɨtǝm mʊnɔ mʊ maa nǝb sagsagɔ gǝm lɛɨ.

Titus 2:10

ka ja kuu lɛ kuul. Bɛ ja nʊng tɛlalɔ jinɔ jǝla jǝla nǝn ji, sǝ ja dǝg nǝbɔ a nǝ dʊʊn a mɛlalɨ Kwaama Nǝbʊʊlɨ bǝnɨ a golantɨnɔ gǝm gwam.

2 Timoti 4:7

N nɔɔ gaalan, gaalan nyangǝn. N dɨ sʊgɔlɔ. N ta nǝtǝm bɨlǝngkɛlɔ.

1 Timoti 1:19

Ń ta nǝtǝm bɨlǝngkɛlɔ a mʊgɔ nǝl nɨ mɨ komtǝm woi a bʊm bʊmɨ. Kaam nǝbɔ a kɔ bwangtǝm kanjǝl nɨ nǝl jinɔ a sʊwa jii, ja kal nǝtǝm bɨlǝngkɛl jinɔ.

1 Timoti 1:11

Mɛlalɨ nɨ a yɔ dǝngdǝng jǝbɔ dʊʊlǝn fulon kɛl lǝmɨ, a Kwaamaɨ nǝ bwili, wʊnɨ a dǝg mɨ a kang sǝ n kiyoi.

Maajɨ Bɛtɔ Twamagɨɨ 2:46

Kwangkwang jǝ yɔ lɛ a Kan Kwaaman dakini, jǝ jabka jǝjalǝnɔ lɛ dakini a lɔtɨn jinɔ gǝm, jǝ ja lɛ, jǝ nɔɔ lɛ nǝn fulotǝm nǝl jǝbɔ maatǝm lǝma nǝn kwɨtǝm kang,

Matta 12:25

Yesu a nyǝm bʊʊlalɨ jini, nǝngɔ a sʊwa ji gɔ, “Gwam fɔlɔn nɨ a bel yo a kɛl kii, fɔlɔn gɔ mɨsɔ tɨ lɛ. Mɨ tuulɔ nɨ jǝbɔ lɔ nɨ maa kii lɛ a kʊm jini, tɨ lɛɨ.

1 Tasalonikaɨ 3:6

N wɔ, kǝngkɔ, Timoti a yǝla a bɛ a daa jen woi. A bɛ nǝm nǝn fulon kɛl lǝmɨ a dul nǝtǝm bɨlǝngkɛl jenɔ gǝm jǝbɔ swɨtǝm jenɔ. A sʊwa nǝn kanga kwangkwang jǝ́ bʊʊla lɛ nǝn nǝnɨ, nǝn bʊʊlalɨ nyanɨ, jǝ́ ya nǝl lɛ dangǝn jǝ́ kuwo nǝn, kanga nǝn tǝnǝn nǝn ya nǝl lɛ nǝn kuwo jeni.

Kolosii 1:4

Nǝn maa nyɔ jʊ a bwɨɨ nǝn nyʊwa fulon nǝtǝm bɨlǝngkɛl jenɔ a mʊgɔ Kiristi Yesui, jǝbɔ swɨtǝmɔ jǝ́ maa nǝb sagsagɔ gǝm lɛ gwamɨ.

Filibii 2:24

Mǝ ya nǝl a daagɔ Tɛlalɔ woi, mǝ tǝmɨ mǝ bɛ lɛ mɨsɔ mǝ ta bʊtɔ lɛ.

Afisa 1:15

A dul kɛl nɨɨ, n kwɛl n nyʊwa nyʊwaɨ nǝtǝm bɨlǝngkɛl jenɔ a daa Yesu Tɛlalɔ woi, jǝbɔ swɨtǝm jenɔ tag a dul nǝb nɨ pʌd sagsagɨɨ,

Afisa 1:13

N daa Kiristii, jen tʌjen jǝ́ yǝlam nǝb Kwaamaɨ nǝn kwama jǝ́ nyʊwa kɛl bɨlǝngkɛlɨ, fulon kɛl lǝmɨ nyatǝm bʊʊtǝm jenɔ. Nǝn kwama jǝ́ nǝ bɨlǝngkɛl a daagɔ Kiristi woi, Kwaama a ka jem kwatɨ. Kwatɨ nɨ n Yʊwa Kwaamaɨ wʊnɨ a swa yaa gǝ nǝ bǝn nǝɨ.

Galatiya 1:7

Mɨ kaa fulon kɛl lǝmɨ wo. Kaam nǝbɔ swag jen nɛ, jǝ swɨ lɛ ja kal fulon kɛl lǝmɨ Kiristii.

2 Korinti 9:13

Maajɨ nǝtǝm jenɔ nɨ gǝ nʊng jǝ́ nǝb bwangtǝm bɨlǝngǝn. N gola nɨ nǝbɔ gung dʊʊlǝn Kwaamaɨ lɛɨ, jʊ a bwɨɨ jǝ́ jǝla nǝn fulon kɛl lǝmɨ Kiristii, jǝ́ bwangtǝn. Nǝbɔ gung gung dʊʊlǝn Kwaamaɨ a tɨkalɨ nɨ jǝ́ maa jim jǝbɔ tangǝn nǝbɔ nǝlɔ wini.

2 Korinti 4:4

Mammɔ wʊnɨ nǝn gɔ n fɔlɔ yooli nɨɨ, a kul nǝn bʊʊlalɨ nǝb nɨ a nǝ bɔ bɨlǝngkɛlɨ, kage ja kuwo nyalǝm fulon kɛl lǝmɨ dʊʊlǝn Kiristii, gǝ nɨ n jelkalǝng Kwaamaɨ.

Roma 15:29

N nyǝm na n bɛ a daa jen woi, mǝ bɛ bɛ a mʊgɔ yiitǝm bwili Kiristii.

Roma 15:16

A jǝg ɨ n yǝlam bwɛ jwaalɛ Yesu Kiristii a daagɔ Bʌtʌbɔ woi. A dǝg ɨ n yǝlam nǝkǝla sǝ n kiyo fulon kɛl lǝmɨ Kwaamaɨ a daagɔ Bʌtʌbɔ woi. A maa nyɔ sǝ ja yǝlam na twɨtǝm yulʌn wʊnɨ Kwaama yo lɛɨ, sǝ ja yǝlam sagsag a gola Yʊwa Kwaamaɨ.

Roma 10:8

N wɛ mʊlalɨ kɛl Kwaamaɨ a sʊwaɨ? A sʊwa gɔ, “Kɛl Kwaamaɨ gǝ na nǝn dɔɔm jǝbɔ mɔ, a nyiyo mʊn jǝbɔ mʊgɔ nǝl mʊn tag.” Kɛl nɨ nǝn gɔ nǝtǝm bɨlǝngkɛlɔ bǝ kiyo nǝbɔ gǝm lɛɨ.

Roma 1:9

Kwaama nɨ mǝ maa gǝm maajɨ lɛ nǝn nǝl mɨ gwam a dul kiyotǝm fulon kɛl lǝmɨ Bʊla gɨɨ, n nǝ nǝtǝm nyiyo a dul mɨ kanga kwangkwang mǝ bʊʊla lɛ nǝn jen a mʊgɔ keli mǝndɨ gǝmɨ.

Roma 1:5

N daa gǝ woi bǝ yo lǝma, bǝ yǝlam bɛtɔ twama gǝnɨ, dɨsɔ bǝlǝntǝmɔ gwam a nǝ bɨlǝngkɛl nǝn shigtǝm dul, a kɛl dʊʊlǝn dun gǝn.

Maajɨ Bɛtɔ Twamagɨɨ 24:24

A gul kaam kumtɨn nɨ a shui, nǝngɔ Filikus jǝbɔ nwala gɔ Durusila kaa bwɛn Yahudaɨ, ja bɛɨ. Nǝngɔ a twam gɔ ja bɛ nǝn Bulusi, nǝngɔ ja nyʊwa kɛl nǝtǝm bɨlǝngkɛl a dul Kiristi Yesui.

Filibii 1:5

Mǝ buu kang lɛ a yɔmɔ jǝ́ yɔ lɛ dakini jǝbɔ mǝ a watǝm fulon kɛl lǝmɨ nɨ, a tǝltǝm, a bɛ nǝn a dwiyeni.

Filibii 3:20

A bǝnɔ bǝ na a yɨm dʌbʌl. N daagɔ bǝ yam Nǝbʊʊlɨ Tɛlalɔ Yesu Kiristi bɛm lɛɨ.

Filibii 4:1

Kɛtǝlam mɨ nɨ mǝ swɨ lɛɨ, wʊnɨ mǝ maa gom kuwotǝm jenɔ lɛɨ. Nǝjen jǝ́ jǝ fulotǝm nǝl mǝndɨ jǝbɔ dwang dul nɨ mǝ yo a dul maajɨ mɨɨ. Jǝ́ yɨ nǝn bɨlǝngkɛl a daa Tɛlalɔ woi.