Filibii 1:19 - Dadiya NT

¹⁹ jʊ a bwɨɨ n nyǝm mǝʊ n gola keli jenɔ jǝbɔ tɨkalɨ Yʊwa Yesu Kiristii nǝn gɔ jǝg ɨ lɛɨ.

Filibii 1:19 Referans Kwoze

Roma 8:28

Bǝ nyǝm a mʊgɔ kanjǝlɔ gǝm gwam Kwaama maa maa jʊ nɨ a bʊmɨ a nǝb nɨ swɨ gǝn nɛɨ, a nǝb nɨ ga jo a fɛkalɨ gǝnɨ.

Maajɨ Bɛtɔ Twamagɨɨ 16:7

Nǝn kwama ja bɛ a yǝga tǝm Misiyaɨ, jǝ swɨ lɛ ja yɔ a tǝm Bitiniyaɨ, Yʊwa Yesui a jǝla jim bɔ.

2 Korinti 1:11

Jen tʌjen bɛ jǝ́ tɨka nǝn nǝn maatǝm keli, sǝ nǝbɔ a lada buu Kwaama gǝm kang lɛ a dul nǝnɨ, a bwili nɨ Kwaama a maa nǝmɨ, a jǝla nǝn keli nǝbɨɨ a lada.

Galatiya 4:6

Jʊ a bwɨɨ jǝ́ bɛtɔ lɔ gɨɨ, Kwaama a twam Yʊwa Bʊla gɨɨ a mʊgɔ nǝl bǝnɨ, Yʊwagɔ jo jangajǝl lɛ gɔ, “Tɛtɛ, Tɛtɛ!”

Roma 8:9

Jen, n ke bɔ yɨm bwangtǝm bʊtɔ jǝ́ yǝmɨ, n yɨm Yʊwa, na Yʊwa Kwaamaɨ yǝm a mʊgɔ nǝl jeni. Nʊ nɨ pʌd mɨ nǝn Yʊwa Kiristii, ke bɔ a Kiristii.

1 Korinti 4:17

N wɔ n twam jem Timoti, wʊnɨ nǝn bʊla mɨ nɨ mǝ swɨ lɛɨ, n nʊ a ta swatǝm yaa a mʊgɔ Tɛlalɔɨ. Mǝ twam gǝn sǝ a bʊʊla jem nǝn golantɨn yɨm mǝndɨ a bwangtǝm Kiristi Yesui, kanga mǝ maa mɛlalɨgɔ lɛ a daatɨnɔ gǝm gwam a mʊrkalɨtɨn nǝb bwangtǝm Kwaamaɨ gwamɨ.

1 Bitrus 1:11

Jǝ fɨɨ lɛ kɛna n di wɛ, jǝbɔ kɔkɔ won tag jʊ nɨ bwɨm lɛɨ. Nǝn gɔ kwamagɔ Yʊwa Kiristi Yesui a nǝl jin sʊwa lɛɨ, nǝn kwamagɔ a sʊwa gaalanɔ Kiristi nɔɔ lɛɨ, jǝbɔ dʊʊlǝnɔ bwangtǝn nɛɨ.

Galatiya 3:5

Kwaama a nǝ jen Yʊwa gǝnɔ, a maatǝm kanjǝl laatǝm kang a kʊm jen. Jǝ́ kuwo lɛ a maa nyɔ a gola diilɔ jǝ́ bwangtǝn nɛɨ ka? N ke bɔ a gola nǝtǝm bɨlǝngkɛl a jʊ jǝ́ nyʊwaɨ ka?

Filibii 1:18

A kal wɛ? Jʊ bǝ dʌng lɛɨ nǝn gɔ na jǝ maam na kuwotǝm nui, na n bɨlǝngǝn n kɛl Kiristii jǝ kiyo lɛɨ, n maa fulotǝm nǝl nǝngǝn. Mǝ ja ja kǝga nǝn fulotǝm nǝl dangǝn,