Dʊgam Nyangnyang 1:3 - Dadiya NT

³ Bɛ bwiligɔ a ta tʌgo gwanggwang a nʊ nɨ kiyo kɛl kuwotǝmkǝga nɨ lɛɨ. Bɛ bwiligɔ a ta tʌgo gwanggwang a nǝb nɨ nyʊwa lɛɨ jǝbɔ nǝb nɨ kɨla mʊlalɨ nɨ lɛ a mʊgɔ gǝnɨ, jʊ a bwɨɨ kwamagɔ a dwama.

Dʊgam Nyangnyang 1:3 Referans Kwoze

Luka 11:28

Nǝngɔ a jǝla gǝn gɔ, “Bwiligɔ na a nǝb nɨ nyʊwa kɛl Kwaamaɨ lɛɨ jǝ bwangtǝn nɛɨ.”

Dʊgam Nyangnyang 22:10

Nǝngɔ a sʊwa ɨ gɔ, “Bɛ ka ń bʊltɨ lɛ kɛltɨn kuwotǝmkǝga langǝn bwangǝn nɨ, jʊ a bwɨɨ kwamagɔ a dwama kanjǝl nɨ bwɨm lɛɨ.

Roma 13:11

N wɔ tag jǝ́ kwɛl jǝ́ nyǝm nyǝmɨ jol nɨ bǝn a mʊgɔ gǝnɨ, kwamagɔ a kwɛl a la jǝ́ kǝla lɛ a nu dumi. N wɔ kǝngkɔ bǝ kwɛl bǝ la nǝn dɔɔm jǝbɔ nyatǝm bʊʊtǝm nǝn kwama nɨ bǝ tǝlǝm nǝtǝm bɨlǝngkɛlɨ.

1 Bitrus 4:7

Dɨltǝm kanjǝlɔ gwam a dwama. A dul kɛl nɨɨ, jǝ́ yɨ nǝn fɛkalɨ, jǝ́ ta dul jenɔ sǝ jǝ́ dwal jǝ́ maa keli.

Dʊgam Nyangnyang 22:12

“N wɔ, mǝ bɛ lɛ mɨsɔ kʊta lɛ! Lǝma mǝndɨ gǝ na a daa mǝ woi. Mǝ nǝ nǝ nǝbɔ pʌd a yɔ dǝngdǝng jǝbɔ jʊ ja maaɨ.

2 Bitrus 3:8

Kɛtǝlam mɨ nɨ mǝ swɨ lɛɨ, ka jǝ́ twab lɛ kɛl nɨ win swar gɔ, a daa Tɛlalɔ woi kumɔ win swar a maa na jolɔ fʊlkʊblǝn, jolɔ fʊlkʊblǝn a maa na kumɔ win swar.

Dʊgam Nyangnyang 22:20

Nʊ nɨ a nǝ nyiyo a dul kanjǝl nɨ, a sʊwa gɔ, “Bɨlǝngǝn, mǝ bɛ lɛ mɨsɔ kʊta lɛ.” A daa nyɔ. Bɛ, Tɛlalɔ Yesu.

Matta 24:15

“Kwama jǝ́ kuwo jǝ bwɨla nɨ dǝg kalatǝm lɛɨ, wʊnɨ nǝkuwotǝmkǝga Daniyel a sʊwaɨ, tɨm a daa sagsagɨɨ (nǝ kiyotǝmɔ bɛ ga nyǝm),

Roma 13:12

Kumɔ a kwɛl a shu shui, tǝmɔ ya saa sɛltǝm lɛ. A dul kɛl nɨ, bɛ bǝ jǝgǝm maajɨ kumtojiligɔ. Bɛ bǝ dʊʊ kanjǝl tatǝm kun na nyalǝmɔ.

Dʊgam Nyangnyang 3:11

“Mǝ bɛ lɛ mɨsɔ kʊta lɛ. Bɛ ń ta nǝtǝm bɨlǝngkɛl mʊnɔ gwanggwang, kage kaa nǝl a yem mʊn dwang dul fɔlɔn mʊnɔ.