Dʊgam Nyangnyang 1:1 - Dadiya NT

¹ Langǝn bwangǝn nɨ gǝ sʊwa jʊ Kwaama a nǝ Yesu Kiristii, sǝ a sʊwa bɛtɔ jwaalɛn gǝnɔ jʊ nɨ bwɨ bwɨ mɨsɔ kʊta lɛ. Nǝngɔ Kiristi a twam bwɛ twama Kwaamaɨ sǝ a sʊwa bwɛ jwaalɛ gǝnɔ Yohana kɛl nɨɨ.

Dʊgam Nyangnyang 1:1 Referans Kwoze

Dʊgam Nyangnyang 22:16

“Mǝ Yesu, mǝ twam bwɛ twama mǝndɨ sǝ a sʊwa daatɨn mʊrkalɨ nǝb bwangtǝm Kwaamaɨ kanjǝl nɨ. Nǝmǝ mǝ jingɔ, jǝbɔ guu Daudaɨ. Nǝmǝ mǝ nyalǝm tulkasi kumsʌli.”

Dʊgam Nyangnyang 22:6

Nǝngɔ bwɛ twama Kwaamaɨ a sʊwa ɨ gɔ, “Kɛltɨn nɨ mʊ nyʊwaɨ, n bɨlǝngǝn, bɛ ń ya nǝl wo. Tɛlalɔ, Kwaama wʊnɨ a nǝ nǝbkuwotǝmkǝgagɔ Yʊwa gǝnɨ, a twam bwɛ twama gǝnɔ sǝ a nʊng bɛtɔ jwaalɛn gǝnɔ gɔ kanjǝl nɨ mɨ nyǝmatǝm wo bwɨ bwɨ mɨsɔ kʊta lɛ.”

Galatiya 1:12

Mǝ yo bɔ a daagɔ nǝfili woi. Mɨ nʊ nɨ wo a mɛla mɨɨ. Nǝn Yesu Kiristi nǝn kang gǝn a nʊng ɨ fulon kɛl lǝmɨ nɨɨ.

Afisa 3:3

Kwaama a nʊng ɨ a mʊgɔ dʊgam nyangnyang jʊ nɨ ga yʊ yʊɨ. N kwɛl n mʊla mʊlaɨ nǝn dǝm nyɔ.

Dʊgam Nyangnyang 1:19

“Bɛ ń mʊla kanjǝl nɨ mʊ kuwoi, jǝbɔ kanjǝl nɨ wo kǝngkɨɨ, jǝbɔ kanjǝl nɨ bɛ lɛ a kǝgaɨ.

Dʊgam Nyangnyang 1:9

Nǝmǝ mǝ Yohana kɨla jen, fwalɨ yɨm jǝbɔ jen a mʊgɔ gaalan jǝbɔ fɔlɔn jǝbɔ kʊtǝm nǝl, a mʊgɔ Yesui. Mǝ na fʌlen a tɨbǝl tǝm nɨ a mʊgɔ wɨma nɨ jǝ jo lɛ gɔ Batamusaɨ. Mǝ na fʌlen a dul kɛl Kwaamaɨ jǝbɔ nǝtǝm nyiyo a kɛl dul Yesui.

Yohana 3:32

Gǝ nǝ nyiyo a jʊ nɨ ga nyʊwaɨ jǝbɔ jʊ nɨ ga kuwoi sul, mɨ nǝn nʊ nɨ a jǝla nǝn kɛl gǝnɨ.

Yohana 15:15

Mɨsɔ mǝ sʊwa jen nɛ tag mǝʊ jǝ́ bɛtɔ jwaalɛn, jʊ a bwɨɨ, bwɛ jwaalɛ a nyǝm bɔ jʊ tɛlalɔ gǝnɔ maa lɛɨ. Mǝ sʊwa jen mǝʊ jǝ́ fatǝm, jʊ a bwɨɨ n sʊwa jen kanjǝlɔ gwam mǝ nyʊwa a daagɔ Tɛtɛ mɨ woi.

Dʊgam Nyangnyang 4:1

A gul jʊ nɨ mǝ yǝla mǝ dʌngi, nǝngɔ mǝ kuwo kaa nyanga kan a wumo wumoi a dʌbʌl kwamaɨ. Diil nɨ mǝ nyʊwa nǝn tɨkǝga wʊnɨ a maa na guutǝm jumi a sʊwa ɨ gɔ, “Gwi fɔ, sǝ n nʊng ń jʊ nɨ bwɨ lɛ a gul nɨ gǝmɨ.”

Yohana 12:49

Kanjǝl nɨ mǝ mɛla jem lɛɨ, ke bɔ a daa mǝ woi. Tɛtɛ mɨ nɨ a twam ɨɨ, nǝn gɔ a nɨ ɨ diil nɨ gwam mǝ sʊwa lɛ, mǝ kiyo lɛɨ.

Yohana 8:26

Mǝ nǝn kanjǝl nɨ a lada mǝ sʊwa lɛ a dul jeni, sǝ n maa jem borang nǝn. Nʊ nɨ a twam ɨɨ n nǝ bɨlǝngkɛl. Jʊ mǝ nyʊwa a daa gǝ woi jʊ mǝ sʊwa yooligɔ lɛɨ.”

Dʊgam Nyangnyang 21:2

N kuwo Tuulɔ Sagsagɔ, Urushalima fɨgɔ gǝla lɛ a dʌbʌl kwama, a daa Kwaama woi. A fɛka na nɔɔgwaalɨ nǝn dʊʊl sǝ bwɨla gɔ a kuwo gǝn.

Roma 16:25

Bɛ bǝlátǝmɔ a ta tʌgo gwanggwang a daa Kwaama woi, wʊnɨ nǝn kwaan a dǝg jen jǝ́ tɨ a mʊgɔ nǝtǝm bɨlǝngkɛl a gola fulon kɛl lǝmɨ nɨɨ, wʊnɨ mǝ kiyo lɛ a dul Yesu Kiristii. Fulon kɛl lǝmɨ nɨ ja yʊ yʊɨ jol jǝbɔ joli.

Yohana 17:8

Jʊ a bwɨɨ kɛl nɨ mʊ sʊwa ɨɨ, n sʊwa ji. Ja yo, ja nyǝm n bɨlǝngkɛl mǝ jel a daa mɔ woi, ja nyǝm bɨlǝngǝn nǝmɔ mʊ twam ɨɨ.

Titus 1:1

Langǝn bwangǝn nɨ a jel a daagɔ Bulus woi, bwɛ jwaalɛ Kwaamaɨ jǝbɔ bwɛ twama Yesu Kiristii. A dǝg ɨ mǝ yǝlam bwɛ twama sǝ n sʊ nǝb nǝtǝm bɨlǝngkɛlɔ gǝm kwaan, nǝb nɨ Kwaama a jǝgǝmɨ, dɨsɔ n tɨka ji ja nyǝm bɨlǝngkɛl wʊnɨ a daa tʌgo a bwangtǝm Kwaamaɨ.

Dʊgam Nyangnyang 5:7

Nǝngɔ a yɔ ya do langǝn bwangǝn nɨ a kang jajǝng nʊ nɨ yǝm a dʌbʌl kotere fɔlɔnɨ.

Dʊgam Nyangnyang 17:1

Nǝngɔ win a mʊgɔ bɛtɔ twama Kwaamaɨ nɨ nʌbʌl nǝn taasatɨnɔ nʌbʌli, a bɛ a daa mǝ woi, a sʊwa ɨ gɔ, “Bɛ, sǝ n nʊng ń biyotǝm borangɔ jǝ maa gʌleng nɔɔlɨ kalalɨ nɨ gǝm lɛɨ, wʊnɨ nǝn gɔ dalɨ tuulɔ nɨ ja mɔ a kɔtʌgo a daa nɨ mwɛtɨnɔ wo a ladaɨ.

Dʊgam Nyangnyang 19:9

Nǝngɔ bwɛ twama Kwaamaɨ a sʊwa ɨ gɔ, “Mʊla jʊ nɨ: Bwiligɔ na a nǝb nɨ ja jo ji jatǝm jǝjalǝn kangwaal Bɛ Gal nɨɨ!” Nǝngɔ a sʊtǝn gɔ, “Kanjǝl nɨ nǝn gɔ kɛltɨn Kwaamaɨ, bɨlǝngǝn.”

Dʊgam Nyangnyang 19:10

Nyʊwatǝm jʊ nɨɨ, nǝngɔ mǝ jʊng a tǝm sǝ n maa gǝm bǝlátǝmɨ. Nǝngɔ a sʊwa ɨ gɔ, “Ka ń maa lɛ nyɔ! Mǝ bwɛ jwaalɛ na jen, jǝbɔ kɛtǝlam mʊnɔ, nǝb nɨ nǝ nyiyo lɛ a kɛl Yesui. Jǝ́ bǝlá Kwaamagɔ! Jʊ a bwɨɨ bɨlǝngkɛlɔ Yesu a nʊngɨ, nǝn gɔ a nǝ kwaan maatǝm maajɨ kuwotǝmkǝgagɨɨ.”

Dʊgam Nyangnyang 21:9

Nǝngɔ win a mʊgɔ bɛtɔ twama Kwaamaɨ nɨ nʌbʌli, nǝb nɨ nǝn taasatɨnɔ nʌbʌli, a yiilo nǝn gaalan bwɨlantɨn nɨ nʌbʌl na dɨltǝmɨ, a bɛ ba sʊwa ɨ gɔ, “Bɛ ba n nʊng ń nɔɔgwaalɨgɔ, nwala Bɛ Galɨ.”

Dʊgam Nyangnyang 22:1

Nǝngɔ bwɛ twama Kwaamaɨ a nʊng ɨ tiyo mwɛ kʊlɨgɨɨ, beta lɛ na tɛl kwaasɨn, jel lɛ a mʊgɔ kotere fɔlɔn Kwaamaɨ jǝbɔ a Bɛ Gal nɨɨ.

Dʊgam Nyangnyang 22:8

Mǝ Yohana, n nyʊwa, n kuwo kanjǝl nɨ. Kwama mǝ nyʊwam ji jǝbɔ kuwotǝm jini, nǝngɔ mǝ jʊng a kǝga bwɛ twama Kwaamaɨ nɨ a nʊng ɨ kanjǝl nɨ sǝ n maa gǝm bǝlátǝm.

Dʊgam Nyangnyang 22:9

Nǝngɔ a sʊwa ɨ gɔ, “Bɛ ka maa lɛ nyɔ! Mǝ, mǝ bwɛ jwaalɛ na mɔ jǝbɔ kɛtǝlam mʊnɔ, nǝbkuwotǝmkǝgagɔ, jǝbɔ nǝb nɨ pʌd a bwangtǝn kɛltɨn nɨ a mʊgɔ langǝn bwangǝn nɨɨ. Bǝlá Kwaama kwaagɔ!”