Afisa 6:6 - Dadiya NT

⁶ Jǝ́ bwang jim na jǝ woi, na mɨ jǝ woi. Jǝ́ maa nyɔ ke bɔ sǝ ja wana jen kwaagɔ. Na jwaalɛb Kiristii, jǝ́ bwangtǝn jʊ Kwaama swɨ lɛ jǝ́ maaɨ nǝn nǝl jenɔ gwam.

Afisa 6:6 Referans Kwoze

1 Tasalonikaɨ 2:4

Kanga Kwaama a jǝla nǝn nǝnɨ, a nǝ nǝn tatǝm fulon kɛl lǝmɨgɨɨ, nǝn gɔ nǝn sʊwa lɛɨ, ke bɔ sǝ nǝn fulo nǝbɔ gǝm nǝl. Nǝn fulo Kwaama gǝm nǝl, wʊnɨ tɛl nǝl bǝnɔ lɛɨ.

Galatiya 1:10

Jǝ́ kuwo lɛ mǝ swɨ lɛ n fulo nǝbɔ gǝm nǝl ka? Ke bɔ a Kwaamaɨ ka? Jǝ́ nyǝma lɛ jengɔ mǝ maa sǝ n fulo nǝbɔ gǝm nǝl ka? Mɨ nyɔ. Na na mǝ fulo nǝbɔ gǝm nǝlɨ, na mǝ yǝlam bɔ bwɛ jwaalɛ Kiristii.

Afisa 5:17

Bɛ ka jǝ́ yǝlam lɛ nǝb swɛlatǝm. Bɛ jǝ́ nyǝm jʊ Tɛlalɔ swɨ lɛɨ.

1 Bitrus 4:2

A kǝga nɨ, gǝ tagǝm tagǝm yɨm gǝnɔ na bʊtɔ, mɨsɔ gǝ bwangtǝn wɛl nǝl gǝnɔ lɛ, ga bwangtǝn jʊ nɨ Kwaama swɨ lɛɨ.

Filibii 2:12

Jǝ́ nǝbɔ mǝ swɨ lɛɨ, kwangkwang jǝ́ bwangtǝn diil mǝndɨ lɛ kwama bǝ dakinii. Kǝngkǝnɨ mɨ bǝ dakini, bɛ maajɨ jenɔ a laa nyɔ. Bɛ jǝ́ maa maajɨ nɨ bʊʊ lɛ nǝn jeni nǝn taal jǝbɔ katǝm bʊtɔ.

Matta 12:50

Na nʊ nɨ a maa jʊ nɨ Tɛtɛ mɨ nɨ a dʌbʌli swɨ lɛɨ, n nʊ nǝn kɨla mɨ balɨ jǝbɔ kɨla mɨ nɔɔlɨ jǝbɔ nɛnɛ mɨɨ.”

Ibranii 13:21

a fɛka jen a kanjǝl nyanɔ gǝm gwam, sǝ jǝ́ maa maajɨ nɨ swɨ lɛɨ, sǝ a maa maajɨ a mʊgɔ bǝn, sǝ a yǝlam jǝ bǝlátǝm a daa gǝ woi a gola Yesu Kiristii. Bɛ dʊʊlǝnɔ a ta tʌgo gwanggwang a daa gǝ woi mɨ dɨtǝm wo. A daa nyɔ.

Ibranii 10:36

Jǝ́ kʊ nǝl, sǝ na jǝ́ maa jʊ Kwaama swɨ lɛɨ, jǝ́ nya nya jʊ nɨ a maa jem swatǝm yaaɨ.

Kolosii 1:9

N jʊ a bwɨ nǝn di nɨ nǝn nyʊwa fuloni, nǝn bǝla jem bɔ maatǝm keligɔ, nǝn kela Kwaama lɛ sǝ a nǝ jen nyǝmtǝm jʊ nɨ swɨ lɛ jǝ́ maaɨ jǝbɔ yʊlan a dul kanjǝl Yʊwa.

Matta 7:21

“Ke bɔ nǝb nɨ gwam jo i lɛ gɔ, ‘Tɛlalɔ, Tɛlalɔɨ,’ nya dɔtǝm fɔlɔn lɔ Kwaamaɨ lɛɨ, n nǝb nɨ maa kanjǝl nɨ lɛ Tɛtɛ mɨ nɨ a kwamaɨ swɨ lɛɨ.

1 Yohana 2:17

Yooligɔ shu shu jǝbɔ kanjǝl wɛl gǝnɔ. Nʊ nɨ a maa jʊ nɨ Kwaama swɨ lɛɨ, nya nya kʊlɨ nɨ mɨ dɨtǝm woi.

Roma 6:17

Buutǝm kangɔ na a Kwaamaɨ. Galɨgǝn jǝ́ jwaalɛb bwɨlangkɛl. Kǝngkɔ jǝ́ bwangtǝn mɛlalɨ nɨ mǝ nǝ jeni nǝl jenɔ win.

Kolosii 4:12

Abafaras wʊnɨ win a kʊm jeni, n bwɛ jwaalɛ Kiristi Yesui, yal jen nɛ. Kwangkwang maa jem keli lɛ nǝn bɨlǝngǝn sǝ jǝ́ tɨ nǝn kwaan, sǝ jǝ́ bwangtǝn jʊ nɨ Kwaama swɨ lɛ gwamɨ.

1 Bitrus 2:15

N jǝlatǝm Kwaamaɨ a gola maatǝm jǝ nya, jǝ́ mǝlǝm gola nǝb nɨ a swɛla swɛlaɨ.

1 Tasalonikaɨ 4:3

Wʊnɨ nǝn gɔ n jǝlatǝm Kwaamaɨ gɔ, bɛ jǝ́ yɨ yɨm sagsag, jǝ́ kɨla yɨm bulonɔ.

Markus 3:35

Nʊ nɨ a maa jʊ Kwaama swɨ lɛɨ, nǝn gɔ nǝn kɨla mɨ balɨɨ, jǝbɔ kɨla mɨ nɔɔlɨɨ, jǝbɔ nɛnɛ mɨɨ.”

1 Korinti 7:22

Nʊ nɨ n bwɛ jwaalɛ kwama Tɛlalɔ a jo gǝnɨ, a nya jǝgtǝm dul a gola Tɛlalɔɨ. Nʊ nɨ nǝn yɨm dul kwama Tɛlalɔ a jo gǝnɨ, n bwɛ jwaalɛ Kiristii.