Afisa 6:5 - Dadiya NT

⁵ Jǝ́ jwaalɛbɔ, jǝ́ bwang tɛlalɔtɨn jenɔ gǝm nǝn shigtǝm dul jǝbɔ taal, nǝn nǝl nyan, kanga jǝ́ bwang Kiristi gǝm lɛɨ.

Afisa 6:5 Referans Kwoze

Afisa 5:22

Jǝ́ nɔɔtǝm naatǝmɔ jǝ́ nǝ batǝlam jenɔ dul jenɔ, kanga jǝ́ maam Tɛlalɔ gǝm lɛɨ.

1 Bitrus 3:2

Kuwotǝm yɨm sagsag jenɔ jǝbɔ shigtǝm dul jenɔ, n jʊ a gʊ jii.

Filimon 1:16

Kǝngkɔ n ke bɔ bwɛ jwaalɛ. A laa bwɛ jwaalɛ. N kɛ nǝ swɨtǝm a daa mɨ woi. A mʊnɔ a shu nyɔ a gola bʊtɔ jǝbɔ gola Tɛlalɔɨ.

Filibii 2:12

Jǝ́ nǝbɔ mǝ swɨ lɛɨ, kwangkwang jǝ́ bwangtǝn diil mǝndɨ lɛ kwama bǝ dakinii. Kǝngkǝnɨ mɨ bǝ dakini, bɛ maajɨ jenɔ a laa nyɔ. Bɛ jǝ́ maa maajɨ nɨ bʊʊ lɛ nǝn jeni nǝn taal jǝbɔ katǝm bʊtɔ.

2 Korinti 1:12

Lɨyal nǝnɔ nǝn gɔ, nǝl nǝnɔ a nʊng gɔ nǝn yɨ yɨm sagsag a yooli nɨ mɨ swɨtǝm dul wo, a bɛ a daagɔ Kwaama woi, a laa nyɔ jǝbɔ jen. Ke bɔ a yʊlan nǝfilii, n yɨm dul a lǝma Kwaamaɨ.

1 Korinti 7:22

Nʊ nɨ n bwɛ jwaalɛ kwama Tɛlalɔ a jo gǝnɨ, a nya jǝgtǝm dul a gola Tɛlalɔɨ. Nʊ nɨ nǝn yɨm dul kwama Tɛlalɔ a jo gǝnɨ, n bwɛ jwaalɛ Kiristii.

Matta 8:9

Mǝ tǝmɨ mǝ na a kang fɔlɔn kaa nǝlɨ, mǝ nǝngǝn nǝn sʊwajaamtɨnɔ a mʊgɔ fɔlɔn mɨ. Mǝ sʊwa sʊwa kaa mǝʊ, ‘Yɔ,’ a yɔ. Mǝ sʊwa sʊwa kaa mǝʊ, ‘Ba,’ a bɛ. Mǝ sʊwa sʊwa kaa bwɛ jwaalɛ mɨɨ mǝʊ, ‘Maa nyɔ,’ a maa.”

Matta 6:24

“Mɨ nʊ nɨ wo maa jwaalɛn nɛ a tɛlalɔtɨnɔ yoi. Gǝ kɔ kɔ win, ga swɨ a wini, gǝ jǝla jǝla nǝn win, mɨsɔ gǝ jǝla lɛ nǝn a wini. Mɨsɔ jǝ́ mʊrka bwangtǝm Kwaamaɨ lɛ jǝbɔ bwangtǝm kemʌn.

Afisa 6:24

Bɛ lǝmagɔ a ta tʌgo gwanggwang a nǝb nɨ swɨ Tɛlalɔ bǝn Yesu Kiristi lɛɨ nǝn swɨtǝm nɨ mɨ dɨtǝm woi.

2 Korinti 7:15

Swɨtǝm gǝnɔ a daa jen woi a laa a galɨgɔ, nǝn kwama nɨ a dɔ bʊʊlatǝm nǝn bwangtǝmɔ jǝ́ maa gǝm gwamɨ, jǝ́ yo gǝn nǝn nǝtǝm dʊʊnɨ.

1 Korinti 2:3

Mǝ bɛ a daa jen woi nǝn gɨyatǝm jǝbɔ taal, jǝbɔ katǝm bʊtɔ kʌbkʌb.

Maajɨ Bɛtɔ Twamagɨɨ 2:46

Kwangkwang jǝ yɔ lɛ a Kan Kwaaman dakini, jǝ jabka jǝjalǝnɔ lɛ dakini a lɔtɨn jinɔ gǝm, jǝ ja lɛ, jǝ nɔɔ lɛ nǝn fulotǝm nǝl jǝbɔ maatǝm lǝma nǝn kwɨtǝm kang,

Matta 6:22

“Nyalǝm bʊtɔgɔ, n nu. Na nu jenɔ ja lɛɨ, nyalǝmɔ yii yii bʊtɔ jenɔ gwam.

Roma 9:3

Na na maa maa nyɨɨ, bɛ ja lag ɨ, ja wʊlaka ɨ jǝbɔ Kiristi a kɛl dul kɛtǝlam mɨɨ, nǝbam nyiyo mǝndɨ.