Afisa 6:24 - Dadiya NT

²⁴ Bɛ lǝmagɔ a ta tʌgo gwanggwang a nǝb nɨ swɨ Tɛlalɔ bǝn Yesu Kiristi lɛɨ nǝn swɨtǝm nɨ mɨ dɨtǝm woi.

Afisa 6:24 Referans Kwoze

Matta 22:37

Nǝngɔ Yesu a jǝla gǝn gɔ, “ ‘Bɛ ń swɨ Tɛlalɔ Kwaama mʊnɔ nǝn nǝl mʊnɔ gwam, nǝn dʊʊmɨ mʊnɔ gwam, jǝbɔ bʊʊlalɨ mʊnɔ gwam.’

2 Korinti 8:12

Na nǝl nǝn bʊʊlalɨ nǝtǝmɨ, Kwaama yo yo nǝtǝm gǝnɔ a gola nyatǝm gǝnɔ gǝm, ke bɔ a gola jʊ nɨ mɨ gǝ nǝnɨ.

Titus 3:15

Gwam nǝb nɨ jǝbɔ mǝɨ, jǝ yal ń nɛ. Bɛ ń yal mɨ nǝb swɨtǝm bǝnɔ, nǝb nǝtǝm bɨlǝngkɛlɔ. Bɛ lǝmagɔ a yɨ a daa jen woi gwam.

Titus 2:7

A mʊgɔ kanjǝlɔ gǝm gwam bɛ ń nʊng gola maajɨ nyan a golantɨnɔ gǝm gwam. Bɛ ń maa mɛlalɨ mʊnɔ nǝn bɨlǝngǝn nǝn kwaan bʊtɔ,

2 Timoti 4:22

Bɛ Tɛlalɔ a yɨ a nǝl mʊn. Bɛ lǝmagɔ a yɨ jǝbɔ jen.

2 Korinti 13:14

Bɛ lǝma Tɛlalɔ Yesu Kiristii, jǝbɔ swɨtǝm Kwaamaɨ, jǝbɔ mʊrkalɨ Yʊwa Kwaamaɨ, a yɨ jǝbɔ jen gwam.

2 Korinti 8:8

N ke bɔ diil mǝ ga jem lɛɨ. Mǝ tɛl swɨkan nyan jenɔ sǝ n mʊrka jǝbɔ nǝtǝm dul kaam nǝbɨɨ, sǝ n nyǝm swɨtǝm jenɔ n dǝngdǝng.

Matta 28:20

Jǝ́ mɛla jim ja bwangtǝn kanjǝl nɨ gwam mǝ sʊwa jeni. Jǝ́ nyǝm mǝ na dakini nǝbɔ jen kwangkwang a yɔ nǝn a dɨltǝm yooli.”

Matta 6:13

Bɛ ka ń yɔ lɛ nǝn bǝn a daa tɛltǝm. Bɛ ń jǝg bǝn a daa nǝ Bwɨlagɔ woi. [Jʊ a bwɨɨ, fɔlɔnɔ jǝbɔ kwaanɔ jǝbɔ dʊʊnɔ na a mɔ, mɨ dɨtǝm wo. A daa nyɔ.]’

Ibranii 13:25

Bɛ lǝmagɔ a yɨ jǝbɔ jen gwam. A daa nyɔ.

Kolosii 4:18

Mǝ Bulus, nǝmǝ mǝ mʊla yaltǝm nɨ lɛ nǝn kang mɨɨ. Ka jǝ́ twab lɛ, ja bwa ɨ a lɔsomi. Bɛ lǝma Kwaamaɨ a yɨ jǝbɔ jen.

Roma 2:7

Nǝ nǝ kʊlɨ nɨ mɨ dɨtǝm woi a nǝb nɨ a ja kǝga nǝn maatǝm jǝ nyaɨ, nǝb nɨ saa dʊʊlǝn nɛ jǝbɔ gungtǝmɨ.

Afisa 6:23

Yɨm kwamɨgǝnɔ, jǝbɔ swɨkanɔ, jǝbɔ nǝtǝm bɨlǝngkɛl a Kwaama Tɛtɛɨ jǝbɔ a Tɛlalɔ Yesu Kiristii a ta tʌgo gwanggwang a jen gǝm kambɔ.

Filibii 1:1

Nǝmǝ mǝ Bulus nǝbɔ Timoti, nǝn bɛtɔ jwaalɛn Kiristi Yesui, Nǝn mʊla nǝb sagsagɔ gǝm lɛ gwam a Filibii, nǝbɔ a mʊgɔ Kiristii, jǝbɔ nǝb dʊʊm nɨ dʌng nǝb bwangtǝmɔ lɛɨ jǝbɔ nǝbɔ maa jim maajɨ lɛɨ.