Afisa 6:13 - Dadiya NT

¹³ Bɛ jǝ́ dʊʊ kanjǝl tatǝm kun Kwaamaɨ pʌd, sǝ jǝ́ dwal jǝ́ tɨ, jǝ́ kʌshi dul jenɔ nǝn di kɔkɔ bwɨla nɨ, sǝ na nǝn kwama jǝ́ dɨm tatǝm kun nɨ, jǝ́ ja kǝga nǝn tɨmɔ nǝn kwaan.

Afisa 6:13 Referans Kwoze

2 Korinti 10:4

Kanjǝl tatǝm kun nǝnɔ n ke bɔ a yooli. N kwaan Kwaamaɨ, wʊnɨ gǝ kʌb kanjǝl kwaan Mammɨ lɛɨ.

Luka 21:36

Jǝ́ yɨ nǝn fɛkalɨ. Jǝ́ kela Kwaamagɔ lɛ kwangkwang, sǝ jǝ́ nya kwaan bʊʊtǝm a kanjǝl nɨ bwɨ lɛ a kǝgaɨ, sǝ jǝ́ tɨ nǝn fulotǝm nǝl a kǝga Bʊla Nǝlɨ.”

Afisa 5:16

Jǝ́ maa maajɨ nǝn gola nɨ jǝ́ nyaɨ, jʊ a bwɨɨ n kum bwɨlantɨn.

Luka 8:13

Dʊʊm nɨ a tǝla a daa tatǝnɨ, n nǝbɔ gǝ yo kɛl Kwaamaɨ lɛ nǝn fulotǝm nǝlɨ. Na ja nyʊwaɨ, mɨ ji nǝn nʌl. Jǝ nǝ bɨlǝngkɛlɔ nǝn dǝm nyɔ. Na ja tɛl jii, mɨ jǝ tɨm bǝlatǝm kɛl Kwaamaɨ lɛ.

Dʊgam Nyangnyang 3:10

Ń kɨla kɛlɔ mǝ sʊwa ń a dul kʊtǝm nǝlɨ, n jʊ a bwɨ mǝ tǝmɨ mǝ kɨla ń nɛ a jʊ nɨ bwɨ lɛ a kwama tɛltǝmɨ, wʊnɨ gǝla lɛ a dul yooli nɨɨ, sǝ ja tɛl nǝb nɨ yǝm a yooli nɨɨ.

Kolosii 4:12

Abafaras wʊnɨ win a kʊm jeni, n bwɛ jwaalɛ Kiristi Yesui, yal jen nɛ. Kwangkwang maa jem keli lɛ nǝn bɨlǝngǝn sǝ jǝ́ tɨ nǝn kwaan, sǝ jǝ́ bwangtǝn jʊ nɨ Kwaama swɨ lɛ gwamɨ.

Afisa 5:6

Bɛ ka kaa nǝl ya swag jen nɛ nǝn kɛl nǝn kwan. N kɛl dul bwɨlangkɛltɨn nɨɨ nabwɨl Kwaamaɨ gǝ gǝla lɛ a dul nǝb kwamǝn duli.

Dʊgam Nyangnyang 6:17

jʊ a bwɨɨ, gʌleng kɔkɔ nabwɨl jinɔ a bɛ. Nuwo mwɨ lɛ a tɨɨ?”

Roma 13:12

Kumɔ a kwɛl a shu shui, tǝmɔ ya saa sɛltǝm lɛ. A dul kɛl nɨ, bɛ bǝ jǝgǝm maajɨ kumtojiligɔ. Bɛ bǝ dʊʊ kanjǝl tatǝm kun na nyalǝmɔ.

Yakubu 4:7

Bɛ jǝ́ nǝ dul jenɔ a daagɔ Kwaama woi. Jǝ́ kɔ Mammɔ. Mwal jen mwal.

1 Bitrus 4:1

Kanga Kiristi a nɔɔ gaalan a bʊtɔɨ, jen tʌjen bɛ jǝ́ fɛka sǝ jǝ́ maa nyɔ, jʊ a bwɨɨ nʊ nɨ a nɔɔ gaalan a bʊtɔɨ, a bǝla maatǝm bwɨlangkɛlɔ.