Afisa 5:2 - Dadiya NT

² Jǝ́ yɨ yɨm swɨkan kanga Kiristi a swɨ bǝnɨ, a nǝ dul gǝnɔ a kɛl dul bǝnɨ, jǝ twɨtǝm yulʌn lǝmɨ a Kwaamaɨ.

Afisa 5:2 Referans Kwoze

Yohana 13:34

“N diil fɨ mǝ nǝ jen nɛɨ, bɛ jǝ́ swɨka a kʊm jen, kanga mǝ swɨm jen nɛɨ, jen tʌjen bɛ jǝ́ swɨka nyɔ a kʊm jen.

Galatiya 2:20

Ja kʊʊ ɨ dakini nǝbɔ Kiristi. Kǝngkɔ ke bɔ mǝ nǝn kʊlɨɨ, n kʊlɨ Kiristii a mʊgɔ mɨɨ. Kʊlɨ nɨ mǝ nǝn a mʊgɔ bʊtɔɨ, n kʊlɨ a gola nǝtǝm bɨlǝngkɛl a daa bʊla Kwaamaɨ woi, wʊnɨ a swɨ ɨ, a bʊla a kɛl dul mɨɨ.

Kolosii 3:14

Jʊ a laa jʊtǝb nɨ gwamɨ, bɛ jǝ́ do nǝl swɨkan, wʊnɨ a mʊr jen gwam jǝ́ yǝlam wini.

2 Korinti 2:15

Kʊlɨ nǝnɔ n kunʌn lǝmɨ a Kiristii wʊnɨ yiilo a daagɔ Kwaamaɨ woi a mʊgɔ nǝb nɨ jǝ bʊʊ lɛ nǝn jii, jǝbɔ nǝb nɨ a gola kalatǝmɨ.

Titus 2:14

Wʊnɨ a nǝ dul gǝnɔ a kɛl dul bǝnɨ, sǝ a jǝg bǝn a mʊgɔ bwɨlang maajɨ gwamɨ, sǝ a saalǝm ji ja yǝlam nǝb gǝnɔ nɨ nǝn nǝl maatǝm maajɨ nyaɨ.

1 Korinti 16:14

Gwam jʊ nɨ jǝ́ maa lɛɨ, jǝ́ maa nǝn swɨkan.

Matta 20:28

A na nyɔ Bʊla Nǝlɨ a bɛ bɔ sǝ ja nǝ gǝn dʊʊn, a bɛ sǝ ba jʊng, sǝ a nǝ kʊlɨ gǝnɔ sǝ a jǝg nǝbɔ a lada.”

1 Bitrus 4:8

Jʊ a laa bʊmǝnɨ, bɛ jǝ́ maa swɨkatǝm a kʊm jen nǝn nǝlɔ win, jʊ a bwɨɨ, swɨkanɔ gǝ kǝlǝm kǝlǝm bwɨlangkɛl a lada.

2 Korinti 8:9

Jǝ́ nyǝm lǝma Tɛlalɔ bǝn Yesu Kiristii. N nǝ nyatǝm sul, a yǝlam nǝ bʊnǝn a kɛl dul jen, dɨsɔ jǝ́ yǝlam nǝb nyatǝm a gola bʊnǝn gǝn.

1 Yohana 3:16

Wʊnɨ n kanga bǝ nyǝm swɨtǝmɔ lɛɨ, a nǝtǝm kʊlɨ gǝnɔ a nǝ a kɛl dul bǝnɨ. Bǝn tǝbǝn bɛ bǝ nǝ kʊlɨ bǝnɔ a kɛl dul kɛtǝlam bǝnɨ.

Dʊgam Nyangnyang 1:5

jǝbɔ daagɔ Yesu Kiristi woi, wʊnɨ n nǝ yiitǝm swatǝm yaa, nǝ nǝtǝm nyiyo bɨlǝngǝnɨ. Nǝn gɔ na win a guntǝm a bwaaɨ. Nǝn gɔ nʊ nɨ maa fɔlɔn nɛ a dul fɔlɔlɔm yooli nɨɨ, nʊ nɨ swɨ bǝn nɛɨ, a jǝg bǝn a mʊgɔ bwɨlangkɛltɨn bǝnɔ gǝm a gola tʊʊm gǝnɨ.

Ibranii 9:26

Na na Kiristi gǝ nǝ dul gǝnɔ a joli, na nɔɔ nɔɔ gaalan kwangkwang dangǝn a tǝltǝm yooligɔ gǝm ba la nǝn a kǝngkɨɨ. Kǝngkɔ a nʊng dul gǝnɔ naa win swar a dɨltǝm yooligɔ gǝm sǝ a dem bwɨlangkɛlɔ a gola nǝtǝm dul gǝn a twɨtǝm yulʌn.

Ibranii 9:14

Na nyǝn a tʊʊm Kiristii wʊnɨ a nǝ dul gǝnɔ nɨ mɨ nǝn duto a daa Kwaama woi, a gola Yʊwa Kwaamaɨ nɨ mɨ dɨltǝm woi. A saalǝm nǝl bǝnɔ a maatǝm kanjǝl jǝfʊlǝn nɨ yɔ lɛ nǝn bǝn a bwaaɨ. Sǝ bǝ bǝlá Kwaama nɨ nǝn kʊlɨɨ.

1 Timoti 2:6

nʊ nɨ a nǝ dul gǝnɔ sǝ a jǝg nǝbɔ gwamɨ, wʊnɨ nǝn gɔ n nǝtǝm nyiyogɔ a nǝ a dǝngdǝng kwamagɨɨ.

Afisa 4:15

Na a bʊm nyɔ bǝ sʊwaka bɨlǝngkɛl a dul swɨkan, sǝ bǝ dʊʊl a mʊgɔ gǝn a golantɨnɔ gǝm gwam. Bǝ yǝlam na Kiristi wʊnɨ nǝn gɔ n duli.

1 Yohana 3:23

Diil gǝnɔ gɔ, bǝ nǝ bɨlǝngkɛl a mʊgɔ dun bʊla gɔ Yesu Kiristii, bǝ swɨka kanga a sʊwa bǝnɨ.

1 Timoti 4:12

Ka ń jǝla lɛ nǝl a soga ń gɔ mɔ bwɛsǝn. Bɛ ń yǝlam jǝ mɛlalɨ a daagɔ nǝb nǝtǝm bɨlǝngkɛlɔ woi a gola sʊwatǝm kɛl, jǝbɔ gola yɨm, jǝbɔ swɨtǝm, jǝbɔ nǝtǝm bɨlǝngkɛl, jǝbɔ nǝl sagsag.

1 Tasalonikaɨ 4:9

A kɛl dul swɨtǝm kambɨɨ, a yǝlam bɔ nyɔ nǝn mʊla jem mʊlaɨ, jʊ a bwɨɨ, jen nǝn kang jen Kwaama a mɛla jem gɔ bɛ jǝ́ swɨka.

Afisa 4:2

Kwangkwang bɛ jǝ́ yɨ nǝn shigtǝm dul nyangǝn jǝbɔ yʌbtǝm dul, jǝbɔ kʊtǝm nǝl, jǝ́ bwabka nǝl lɛ a mʊgɔ swɨkan.

Afisa 3:17

sǝ Kiristi a yɨ a mʊgɔ nǝl jen a gola nǝtǝm bɨlǝngkɛl. Mǝ maa keli lɛ tag bɛ swɨkanɔ a yǝlam jʊ nɨ jǝ́ ywɔ jʌng jenɔ woi, n daagɔ jǝ́ swa fʌlʌm jenɔ woi.

Galatiya 1:4

Yesu Kiristi a nǝ dul gǝnɔ a dul bwɨlangkɛl bǝn, sǝ a jǝg bǝn a mʊgɔ bwɨlan yooli nɨ gǝm. Wʊnɨ nǝn gɔ swɨtǝm Kwaama Tɛtɛ bǝnɨ.

Dʊgam Nyangnyang 5:9

Jǝ ma nafɨ fɨgɔ lɛ jǝ sʊwa lɛ gɔ: “Ń la nyɔ ń do langǝn bwangǝn nɨ, ń gwalam mɛltɨn nɨ ja bʊltɨ tʌgoi, jʊ a bwɨɨ galɨgǝn ja jʌ ń, nǝmɔ tag mʊ ten Kwaama gǝm nǝbɔ a gola tʊʊm mʊnɨ. Mʊ ten Kwaama gǝm nǝbɔ a daagɔ nyiyotɨnɔ woi pʌd jǝbɔ bǝlǝntǝmɔ gwam.

Ibranii 9:23

N kanjǝl nɨ a yǝlam nyɔ jǝ butim kanjǝl nɨ lɛ a jelka kanjǝl nɨ a dʌbʌli. A kanjǝl nɨ a dʌbʌli jǝ buti ji nǝn tǝlatǝm twama nɨ a laa kanjǝl nɨ bʊmǝnɨ.

Afisa 3:19

N maa keli mǝʊ jǝ́ nyǝm swɨtǝm nɨ Kiristi maa bǝm lɛɨ, wʊnɨ a laa laaɨ kwaan nyǝmtǝmɨ, sǝ ja yii jen pʌd nǝn yiitǝm Kwaamaɨ.

Roma 8:3

Jʊ nɨ mɨsɔ diilɔ dwal lɛ a maaɨ, jʊ a bwɨɨ n yɨm bwangtǝm bʊtɔ a dǝg diilɔ a gɨyaɨ, Kwaama a maa. A twam bʊla gɔ nǝn kang gǝn a jelkalǝng bʊtɔ bǝnɔ nɨ n bʊtɔ bwɨlangkɛlɨ, sǝ a yǝlam tǝlatǝm twama a dul bwɨlangkɛl, sǝ a kalǝm bwɨlangkɛlɔ a bʊtɔ bǝn.

Afisa 5:25

Jǝ́ batǝmɔ, jǝ́ swɨ nɔɔtǝlam jenɔ kanga Kiristi a swɨ mʊrkalɨ nǝb bwangtǝm Kwaamaɨ, a nǝ dul gǝnɔ a kɛl dul gǝnɨ.

1 Korinti 5:7

Bɛ jǝ́ jǝgǝm yisti galɨ nɨ, sǝ jǝ́ yǝlam bʊtɔ fɨ, maamɔ n bɨlǝngǝn jǝ́ na nyɔ. Jʊ a bwɨɨ ja kwɛl ja biyo Bɛ Gal bǝnɔ a Dikulom Yabtǝm, wʊnɨ nǝn Kiristii.

Roma 4:25

Wʊnɨ ja jʌ a kɛl dul bwɨlangkɛl bǝnɨ, Kwaama a gung gǝn sǝ bǝ yǝlam dǝngdǝng a daa gǝ woi.

Yohana 6:51

Nǝmǝ mǝ jǝjalǝn kʊlɨ nɨ a gǝla a dʌbʌli. Na nʊ nɨ a ja jǝjalǝn nɨ, yɨ yɨ nǝn kʊlɨ mɨ dɨltǝm wo. Jǝjalǝn nɨ n nam bʊtɔ mɨ, wʊnɨ mǝ nǝ lɛɨ sǝ yooli nɨ a nya kʊlɨɨ.”

Roma 8:37

A mʊgɔ kanjǝlɔ gǝm gwam bǝ laa nyɔ ja sʊwa bǝn gɔ bǝ ku jelʌn, a gola nʊ nɨ swɨ bǝn nɛɨ.

Roma 15:16

A jǝg ɨ n yǝlam bwɛ jwaalɛ Yesu Kiristii a daagɔ Bʌtʌbɔ woi. A dǝg ɨ n yǝlam nǝkǝla sǝ n kiyo fulon kɛl lǝmɨ Kwaamaɨ a daagɔ Bʌtʌbɔ woi. A maa nyɔ sǝ ja yǝlam na twɨtǝm yulʌn wʊnɨ Kwaama yo lɛɨ, sǝ ja yǝlam sagsag a gola Yʊwa Kwaamaɨ.

2 Korinti 2:14

Bɛ buutǝm kangɔ a yǝlam nyɔ a daagɔ Kwaama woi, wʊnɨ bwangtǝn nɛ jǝbɔ nǝn kwangkwang nǝ ku jelʌn nɛ a gola Kiristii. Nǝn gɔ maa maajɨ lɛ nǝn nǝn sǝ nǝn wa kɛl nyǝmtǝm Kiristii wʊnɨ na kunʌn lǝmɨ a tǝmɔ gǝm gwamɨ.

Afisa 1:4

A kwɛl a jǝg bǝn jǝgɨ a mʊgɔ Kiristii na lǝga bɔ a fwal yooligɔ, sǝ bǝ yǝlam sagsag, mɨ nǝn jǝ tuwol a kǝga gǝn. A kɛl dul swɨtǝm gǝn

Afisa 5:15

Bɛ jǝ́ kɨla yɨm jenɔ. Ka jǝ́ yɨ lɛ yɨm swɛlatǝm. Jǝ́ yɨ yɨm a nǝb yʊlanɨ.

Filibii 4:18

Ja ywa ɨ kanjǝlɔ gwam, a shu kwaan. N nyʊwa lǝma dangǝn nǝn tɨkalɨgɔ jǝ́ twam mɨ a kang Abafaroditasɨ. A maa na jǝ twɨtǝm yulʌn nɨ nǝn kunʌn nyaɨ, jǝ yotǝm wʊnɨ fulo Kwaama gǝm nǝl lɛɨ.

Ibranii 8:3

Daltɔ nǝbkǝlamɔ gwam ja ya ji sǝ ja twɨ yulʌn jǝbɔ tǝlatǝm twama. Gǝ tǝgǝn, bɛ a yǝlam nyɔ gǝ nǝn jʊ nɨ gǝ tǝlam twama lɛɨ.