Afisa 5:19 - Dadiya NT

¹⁹ Bɛ jǝ́ ma nafɨ Zaburaɨ, jǝbɔ nafɨtɨn bǝlátǝm, jǝbɔ nafɨgɔ Yʊwagɔ a nǝ jeni. Bɛ jǝ́ ma nafɨ, jǝ́ bǝlá Tɛlalɔ nǝn nǝl jenɔ gwam.

Afisa 5:19 Referans Kwoze

Kolosii 3:16

Bɛ kɛl Kiristii a yɨ a mʊgɔ nǝl jen a lada. Bɛ ya jǝ́ mɛlaka lɛ, bɛ ya jǝ́ mwɛka lɛ nǝn yʊlan a gola matǝm nafɨ Zaburaɨ, jǝbɔ nafɨ bǝlátǝm Kwaamaɨ, jǝbɔ nafɨtɨn nɨ Yʊwagɔ a bɛ nǝnɨ. Jǝ́ ma lɛ nǝn buutǝm kang a mʊgɔ nǝl jenɔ gǝm.

1 Korinti 14:26

Kambɔ bǝ maa jʊ nɨ nyǝn? Kwama jǝ́ mʊrka dakinii, kaa gǝ ma nafɨ bǝlátǝm Kwaamaɨ, kaa gǝ maa mɛlalɨ kɛl Kwaamaɨ, kaa gǝ sʊwa jʊ Kwaama a nʊng gǝnɨ, kaa gǝ sʊwa kɛl nǝn kaa nyiyo, kaa fɛtatǝm nyiyo. Bɛ jǝ́ maa kanjǝlɔ gwam sǝ a fɛ mʊrkalɨ nǝb bwangtǝm Kwaamaɨ.

Maajɨ Bɛtɔ Twamagɨɨ 16:25

Nǝn sangdɨlang, Bulus jǝbɔ Sila jǝ maa keli lɛ, jǝ mala nafɨ bǝlátǝm Kwaamaɨ lɛ, nǝb nɨ a lɔsomii nyʊwa ji lɛ.

Yakubu 5:13

Na kaa nǝl wo a kʊm jen a mʊgɔ gaalanɨ, bɛ ga maa keli. Na kaa wo a mʊgɔ fulotǝm nǝlɨ, bɛ ga ma nafɨ bǝlátǝm.

Matta 26:30

Nǝn kwama ja mam nafɨgɨɨ, nǝngɔ ja jel ja shu a Yem Zaituni.

Matta 15:8

“ ‘Nǝb nɨ jǝ nɨ ɨ dʊʊnɔ a nyiyo kwaagɔ. Mʊgɔ nǝl jinɔ a kʊta jǝbɔ mǝ.

1 Korinti 14:15

Mǝ maa nyǝn? Mǝ maa keli nǝn dʊʊmɨ mɨ, mǝ maa nǝn bʊʊlalɨ mɨ tag. Mǝ ma nafɨ Kwaamaɨ nǝn dʊʊmɨ mɨ, mǝ ma nǝn bʊʊlalɨ mɨ tag.

Dʊgam Nyangnyang 5:9

Jǝ ma nafɨ fɨgɔ lɛ jǝ sʊwa lɛ gɔ: “Ń la nyɔ ń do langǝn bwangǝn nɨ, ń gwalam mɛltɨn nɨ ja bʊltɨ tʌgoi, jʊ a bwɨɨ galɨgǝn ja jʌ ń, nǝmɔ tag mʊ ten Kwaama gǝm nǝbɔ a gola tʊʊm mʊnɨ. Mʊ ten Kwaama gǝm nǝbɔ a daagɔ nyiyotɨnɔ woi pʌd jǝbɔ bǝlǝntǝmɔ gwam.