Afisa 4:19 - Dadiya NT

¹⁹ Mɨ ji nǝn gunidul. Ja nǝ dul jinɔ a swɨtǝm kanjǝl nɨ a bʊm bɔ kuwotǝmɨ. Ja ya nu a maatǝm jʊ nɨ bɛ lɛ nǝn wɛl bwɨlaɨ.

Afisa 4:19 Referans Kwoze

1 Timoti 4:2

Nǝb nɨ mɛla kanjǝl nɨ lɛɨ jǝ maa lɛ na mɛlalɨ bɨlǝngkɛl jǝ mɛla lɛɨ, n fento, wʊnɨ nǝl jinɔ a bʊlam bʊlamɨ mǝ ja twɨ nǝn kemʌn shilo.

Kolosii 3:5

Gǝ na nyɔ bɛ jǝ́ jǝgǝm nǝl jenɔ a wɛl yooligɔ gǝm, bulon, jǝbɔ maajɨ kalalɨ, jǝbɔ wɛl bwɨla, jǝbɔ bwɨlang nǝlǝn, jǝbɔ konatǝm nu wʊnɨ tǝgǝn n bwangtǝm shomi.

Yahuza 1:11

N mwɛ jin! Ja bwangtǝn gola Kayinui. Ja maa jʊ Balamu a maa a bʊm bɨɨ, ja ya wɛl jinɔ a dul kemʌn. A dul kanjǝl nɨ gwam ja maaɨ, jǝ jʌbo ji jʌbo kanga ja jʌm Kora a tʊlǝm gǝnɔ gǝmɨ.

Dʊgam Nyangnyang 18:3

Gwam Bʌtʌbɔ ja maa bulon bwɨla jǝbɔ gɔ, maamɔ ga nǝ ji bʊgɛ ja nɔɔɨ. Fɔlɔlɔm yooligɔ ja maa bulon nǝn gɔ. Nǝb dʌbogɔ a yooli nɨɨ ja nya shilo jinɔ a gola miyotǝm kanjǝl nɨ bʊtɔ gǝnɔ swɨ lɛɨ.”

2 Bitrus 2:22

Jʊ nɨ ja maaɨ a yɔ dǝngdǝng jǝbɔ mʊsǝn kɛl bɨlǝngkɛl nɨ sʊwa lɛ gɔ, “Sǝganɔ a gwɨ a yǝla a debla,” jǝbɔ, “Nyiyoli nɨ ja yʊ gǝn mwɛɨ, a yǝla a bʌlto a mʊgɔ boltoi.”

1 Bitrus 4:3

Jǝ́ kwɛl jǝ́ tɨla dangǝn a yɨm nɨ jǝ́ yɨ galɨgǝnɨ, wʊnɨ Bʌtʌbɔ swɨ maatǝm lɛɨ, a wʊlam nyɔ. Kanjǝl nɨ nǝn gɔ maatǝm bulon, jǝbɔ maatǝm wɛl, jǝbɔ yǝlatǝm dul, jǝbɔ nɔɔlatǝm jǝl ya maa jen nɛ, jǝbɔ jalatǝm kanjǝl bwɨlan nɨ a bʊm bɨɨ, jǝbɔ boga fʌl, jǝbɔ bwangtǝm bwɨlang shomtɨn.

Afisa 4:17

Mǝ sʊwa jen nɛ, mǝ sʊtǝn sʊwatǝm jenɔ lɛ a mʊgɔ dun Tɛlalɔɨ, ka jǝ́ yɨ lɛ na Bʌtʌbɔ tag, nǝb sʊwalatǝm katɨ nǝn kwan a bʊʊlalɨ jinɔ gǝm.

Markus 7:22

jǝbɔ wɛl, jǝbɔ shil, jǝbɔ swagkatǝm, jǝbɔ katǝm dagdag, jǝbɔ kulkotǝm, jǝbɔ kalkatǝm dun, jǝbɔ dʊʊlǝn dul, jǝbɔ fʌmʌn.