Jʊ a bwɨɨ nǝl nǝb nɨ a kwam nyɔ, lɔl jinɔ mɨ nyʊwa lɛ, ja kʊmam nu jinɔ. Sǝ ka ja kuwo nǝn nu jin, ja nyʊwa nǝn lɔl jin, ja nyǝm a mʊgɔ nǝl jin, ja yǝla a daa mɨ woi, n gung ji.’
Jǝ́ na na nǝb bulon! Jǝ́ nyǝm bɔ yǝlamtǝm fwalɨ yooligɨɨ win jǝbɔ maatǝm kii jǝbɔ Kwaamaɨ ka? A dul kɛl nɨ, nʊ nɨ a do swɨtǝm yoolii, a do dul gǝnɔ gǝ nǝ kii Kwaamaɨ.
Kambɔ, mǝ swɨ lɛ jǝ́ nyǝm kaam kanjǝl nɨ ja yʊ yʊɨ, kage ya jǝ́ gung dul lɛ. Kaam nǝbɔ Israilaɨ n nǝb kwamǝn dul, a yɔ nǝn a kwama nɨ ladatǝm Bʌtʌb nɨ a nyǝm Kiristii a yii.
Galɨgǝn Kwaama a maa bɔ nǝbɔ gǝm borangɔ dǝngdǝng jǝbɔ bwɨlangkɛl nɨ ja maaɨ, jʊ a bwɨɨ ja nyǝm bɔ bwɨlangkɛl jinɔ. A kǝngkɨɨ a nǝ nǝbɔ diil a daatɨnɔ gǝm gwam gɔ ja yǝla ja bǝla bwɨlangkɛl jinɔ.
Kanga Kwaama a mʊgɔ nyǝmtǝm gǝn a bʊʊla gɔ, yooligɔ mɨsɔ nyǝm gǝn nɛ a gola yʊlan jin. Nǝngɔ Kwaama a nyʊwa lǝma bʊʊtǝm nǝb nɨ a nǝ bɨlǝngkɛl a gola kiyotǝm fulon kɛl lǝmɨ nɨɨ, wʊnɨ kaam nǝbɔ kuwo lɛ na jǝ fʌmʌni.
Nǝngɔ Yesu a dʌng ji a mʊgɔ kaltǝm nǝlɨ, a maa fitǝm nǝl a dul bǝngɨ lɔl jinɔ gǝm. Nǝngɔ a sʊwa nʊ nɨ kangɔ a swam swamɨ gɔ, “Mal kang mʊnɔ.” Nǝngɔ a mal kang gǝnɨ, nǝngɔ kang gǝnɔ a yǝla a bɛ tʌgo dǝngdǝngɨ.
Bʊʊlalɨ jinɔ a nʊng ji bɔ. A bɛ nǝn a kǝngkɨɨ, na jǝ kiyo kɛl swatǝm yaa galɨgɔ lɛɨ mɨ jǝ wumʌm dwang kwabtǝm nɨ lɛ, jʊ a bwɨɨ mɨsɔ jǝ wumʌm dwang kwabtǝm nɨ lɛ, na ke bɔ a gola Kiristii.
A kan na yogɔ, n dalɨ nǝkǝlagɔ kwaagɔ gǝ dɔ lɛɨ, gǝ tǝgǝn gǝ dɔ naa win a jol. Gǝ dɔ nǝn tʊʊm wʊnɨ gǝ tǝla lɛ a kɛl dul bwɨlangkɛl gǝnɨ jǝbɔ bwɨlangkɛl nɨ nǝbɔ a maa ke bɔ a nyǝmtǝm jini.