Afisa 4:18 - Dadiya NT

¹⁸ Nǝl jinɔ gǝ na a kumtojili, ja wʊlaka ji jǝbɔ kʊlɨ Kwaamaɨ, jʊ a bwɨɨ mɨ ji nǝn nyǝmtǝm a daa ji woi, a dul kwamǝn nǝl jinɔ gǝm.

Afisa 4:18 Referans Kwoze

Matta 13:15

Jʊ a bwɨɨ nǝl nǝb nɨ a kwam nyɔ, lɔl jinɔ mɨ nyʊwa lɛ, ja kʊmam nu jinɔ. Sǝ ka ja kuwo nǝn nu jin, ja nyʊwa nǝn lɔl jin, ja nyǝm a mʊgɔ nǝl jin, ja yǝla a daa mɨ woi, n gung ji.’

Afisa 2:12

Bɛ jǝ́ bʊʊla galɨgǝn jǝ́ nyǝm bɔ Kiristi. Jǝ́ Bʌtʌb a daagɔ nǝbɔ Israilaɨ. Jǝ́ faabǝm a swatǝm yaa nɨ Kwaama a maa jimi. Jǝ́ yǝm a yooli nɨ mɨ jen nǝn yatǝm nǝl. Mɨ jen nǝn Kwaama.

Yohana 12:40

“A dǝg ji ja yǝlam kululʌm. A dǝg ji ja yǝlam nǝb kwamǝn dul, kage ja kuwo nǝn nu jin, ja nyǝm a nǝl jin, ja yǝla a daa mɨ woi, sǝ n gung ji.”

1 Tasalonikaɨ 4:5

ke bɔ a gola bulon kanga Bʌtʌbɔ gǝ maam lɛɨ, nǝb nɨ a nyǝm bɔ Kwaamaɨ.

Yakubu 4:4

Jǝ́ na na nǝb bulon! Jǝ́ nyǝm bɔ yǝlamtǝm fwalɨ yooligɨɨ win jǝbɔ maatǝm kii jǝbɔ Kwaamaɨ ka? A dul kɛl nɨ, nʊ nɨ a do swɨtǝm yoolii, a do dul gǝnɔ gǝ nǝ kii Kwaamaɨ.

2 Korinti 4:4

Mammɔ wʊnɨ nǝn gɔ n fɔlɔ yooli nɨɨ, a kul nǝn bʊʊlalɨ nǝb nɨ a nǝ bɔ bɨlǝngkɛlɨ, kage ja kuwo nyalǝm fulon kɛl lǝmɨ dʊʊlǝn Kiristii, gǝ nɨ n jelkalǝng Kwaamaɨ.

Kolosii 1:21

Galɨgǝn jǝ́ kʊtaka jǝbɔ Kwaama. Jǝ́ yǝlam nǝb kiim gǝn a bʊʊlalɨ jenɔ gǝm, nǝb maajɨ bwɨla.

1 Yohana 2:11

Nʊ nɨ kɔ kɨla gɔ lɛ tagɨ, gǝ na a kumtojili, n kumtojili gǝ yɔ lɛ woi. A nyǝm bɔ daa nɨ gǝ fam naa gǝnɔ lɛɨ, jʊ a bwɨɨ kumtojiligɔ a kul nǝn gɔ.

Galatiya 4:8

Galɨgǝn jǝ́ nyǝm bɔ Kwaamaɨ, jǝ́ yǝlam jwaalɛb a bwangtǝm shom jǝbɔ jǝfʊlǝntɨn, kanjǝl nɨ mɨ a nyiyo jǝlɨ.

Roma 11:25

Kambɔ, mǝ swɨ lɛ jǝ́ nyǝm kaam kanjǝl nɨ ja yʊ yʊɨ, kage ya jǝ́ gung dul lɛ. Kaam nǝbɔ Israilaɨ n nǝb kwamǝn dul, a yɔ nǝn a kwama nɨ ladatǝm Bʌtʌb nɨ a nyǝm Kiristii a yii.

Roma 1:28

Kanga ja kɔ jǝlatǝm nyǝmtǝm Kwaamaɨ, Kwaama a bǝla ji nǝn bʊʊlalɨ bwɨla jinɔ, sǝ ja maa jǝ gunidul.

Maajɨ Bɛtɔ Twamagɨɨ 17:30

Galɨgǝn Kwaama a maa bɔ nǝbɔ gǝm borangɔ dǝngdǝng jǝbɔ bwɨlangkɛl nɨ ja maaɨ, jʊ a bwɨɨ ja nyǝm bɔ bwɨlangkɛl jinɔ. A kǝngkɨɨ a nǝ nǝbɔ diil a daatɨnɔ gǝm gwam gɔ ja yǝla ja bǝla bwɨlangkɛl jinɔ.

1 Korinti 1:21

Kanga Kwaama a mʊgɔ nyǝmtǝm gǝn a bʊʊla gɔ, yooligɔ mɨsɔ nyǝm gǝn nɛ a gola yʊlan jin. Nǝngɔ Kwaama a nyʊwa lǝma bʊʊtǝm nǝb nɨ a nǝ bɨlǝngkɛl a gola kiyotǝm fulon kɛl lǝmɨ nɨɨ, wʊnɨ kaam nǝbɔ kuwo lɛ na jǝ fʌmʌni.

Roma 2:19

na ń jǝla nǝn dul mʊnɔ mɔʊ mʊ nǝ tatǝm dwam kululʌmi, mʊ nyalǝm a kʊm nǝb nɨ a kumtojilii,

Markus 3:5

Nǝngɔ Yesu a dʌng ji a mʊgɔ kaltǝm nǝlɨ, a maa fitǝm nǝl a dul bǝngɨ lɔl jinɔ gǝm. Nǝngɔ a sʊwa nʊ nɨ kangɔ a swam swamɨ gɔ, “Mal kang mʊnɔ.” Nǝngɔ a mal kang gǝnɨ, nǝngɔ kang gǝnɔ a yǝla a bɛ tʌgo dǝngdǝngɨ.

2 Korinti 3:14

Bʊʊlalɨ jinɔ a nʊng ji bɔ. A bɛ nǝn a kǝngkɨɨ, na jǝ kiyo kɛl swatǝm yaa galɨgɔ lɛɨ mɨ jǝ wumʌm dwang kwabtǝm nɨ lɛ, jʊ a bwɨɨ mɨsɔ jǝ wumʌm dwang kwabtǝm nɨ lɛ, na ke bɔ a gola Kiristii.

Maajɨ Bɛtɔ Twamagɨɨ 3:17

“Kǝngkɔ, kambɔ, n nyǝm jǝ́ maa jʊ nɨ ke bɔ a mʊgɔ nyǝmtǝm jeni, kanga nǝb dʊʊm jenɔ a maam tʌjii.

Roma 11:7

A maa nyǝn? Nǝbɔ Israilaɨ a gaa nyatǝm jʊ jǝ saa lɛɨ. Nǝb nɨ Kwaama a jǝgamɨ, ja yǝlam nǝb dǝngdǝng a daa Kwaama woi, kaamɨ a yǝlam nǝb kwamǝn dul.

1 Korinti 2:8

A kʊm nǝb maatǝm fɔlɔn kal nɨ, mɨ nʊ nɨ wo a nyǝm fɛkalɨ nɨɨ. Na na ja nyǝm fɛkalɨ nɨɨ, na ja kʊʊ bɔ Tɛlalɔ, nǝ dʊʊlǝn.

Afisa 2:1

Galɨgǝn, jǝ́ bʌlʌntɨn a kɛl dul bwɨlantɨn jenɔ jǝbɔ bwɨlangkɛltɨn jenɔ.

Ibranii 5:2

A yǝlam nʊ nɨ dwal lɛ a ji bʊnǝn nǝb nɨ a nyǝm bɔ jǝlɨ, jǝbɔ nǝbɔ a kwɛl a lɛla golaɨ, kanga gǝ tǝgǝn ga gɨya gɨyaɨ.

Ibranii 9:7

A kan na yogɔ, n dalɨ nǝkǝlagɔ kwaagɔ gǝ dɔ lɛɨ, gǝ tǝgǝn gǝ dɔ naa win a jol. Gǝ dɔ nǝn tʊʊm wʊnɨ gǝ tǝla lɛ a kɛl dul bwɨlangkɛl gǝnɨ jǝbɔ bwɨlangkɛl nɨ nǝbɔ a maa ke bɔ a nyǝmtǝm jini.

1 Bitrus 1:14

Jǝ́ yɨ yɨm bɛtɔ nǝtǝm dʊʊn. Ka jǝ́ bwangtǝn nɛ kanjǝl bwɨlantɨn nɨ jǝ́ maa lɛ galɨgǝnɨ, nǝn kwama nɨ jǝ́ nyǝm bɔ Kwaamaɨ.