Afisa 2:11 - Dadiya NT

¹¹ Bɛ jǝ́ bʊʊla, galɨgǝn jǝ́ Bʌtʌb a mʊgɔ bʌlʌng. Nǝb nɨ a biyo mwɛnɨ (wʊnɨ nǝfitʌmɔ gǝ maa lɛ nǝn kangɨ), jǝ jo jen gɔ, “nǝb nɨ a biyo bɔ mwɛnɨ.”

Afisa 2:11 Referans Kwoze

Kolosii 2:11

N mʊgɔ gǝn tag a biyo jem mwɛnɨ, ke bɔ biyotǝm mwɛn nǝn kang nǝfilii. Kiristi a maa nyɔ sǝ a dem bʊtɔ bwɨlangkɛl jenɔ.

Kolosii 2:13

Jǝ́ bʌlʌn, jʊ a bwɨɨ jǝ́ nǝb bwɨlangkɛl. Jǝ́ bʌlʌn, jʊ a bwɨɨ ja dem jem bɔ bʊtɔ bwɨlangkɛl jenɔ. Kwaama a fɛ jen nǝn kʊlɨ jǝbɔ Kiristi. A kǝlǝm bǝm bwɨlangkɛl bǝnɔ gwam.

Kolosii 3:11

A daa nɨ gǝm, mɨ gola nʊngkatǝm wo nǝn dʌmʌn a kʊm bwɛ Bʌl jǝbɔ bwɛ Yahuda, nʊ nɨ a biyo mwɛnɨ jǝbɔ nʊ nɨ a biyo bɔ mwɛnɨ, nǝ saatǝm kutʌm jǝbɔ nʊ nɨ a swɛla swɛlaɨ, bwɛ lɔɨ jǝbɔ bwɛ jwaalɛ. Kiristi nǝn gɔ a laa jǝlɨ, nǝn gɔ a mʊgɔ bǝn gwamɨ.

Kolosii 1:21

Galɨgǝn jǝ́ kʊtaka jǝbɔ Kwaama. Jǝ́ yǝlam nǝb kiim gǝn a bʊʊlalɨ jenɔ gǝm, nǝb maajɨ bwɨla.

Filibii 3:3

Jʊ a bwɨɨ, nǝbǝn bǝ biyo mwɛn bɨlǝngǝnɨ. Bǝn nǝb nɨ bǝ bǝlá Kwaama lɛ a gola Yʊwa Kwaamaɨ. Bǝ maa sʊtɔ lɛ a mʊgɔ Kiristi Yesui. Bǝ ya bɔ kwaan a maajɨ bʊtɔ sul,

Afisa 5:8

Galɨgǝn jǝ́ na a mʊgɔ kumtojili. Kǝngkɔ jǝ́ na a mʊgɔ nyalǝm Tɛlalɔɨ. Jǝ́ maa yɨm nǝb nɨ a nyalǝmɨ.

Galatiya 6:12

Nǝb nɨ swɨ lɛ a dǝg jen biyotǝm mwɛn nǝn kwaanɨ, jǝ swɨ lɛ ja kuwo ji jǝ kaa jǝl a kǝga nǝbɨɨ. Jʊ a bwɨ jǝ maa jem lɛ nyɨɨ, jǝ mwal nyʊwatǝm gaalan nɨ jǝ maa jim lɛ a dul kʊʊtǝm Kiristii.

1 Korinti 12:2

Jǝ́ nyǝm kwamagɔ jǝ́ Bʌtʌbi, ja swag jen jǝ́ bwangtǝn shomtɨn, wʊnɨ mɨ nǝn nyiyoi.

1 Korinti 6:11

Kaam jenɔ jǝ́ na nyɔ galɨgǝn. Ja saal jen, jǝ́ sagsag. Ja dǝg jen jǝ́ yǝlam nǝb dǝngdǝng a dun Tɛlalɔ Yesu Kiristii, jǝbɔ Yʊwa Kwaama bǝnɨ.

Galatiya 2:15

Bǝ Yahudawa a bʌtʌm. Bǝ ke bɔ Bʌtʌb nǝb bwɨlangkɛl.

Roma 2:26

Na nʊ nɨ a biyo bɔ mwɛnɨ, bwangtǝn jʊ lɛ Kwaama a sʊwa a mʊgɔ diili, mɨsɔ bʊm lɛ ja kiyo gǝn a kʊm nǝb nɨ a biyo mwɛnɨ ka?

Roma 2:27

Nʊ nɨ biyotǝm mwɛnɔ ke bɔ jǝfʊlǝn gǝnɨ, n wɔ bwangtǝn diilɔ lɛ dǝngdǝng, mwatɨ mʊn mwatɨ borang mʊ nʊ nɨ mʊ nǝngǝn nǝn diilɔ a mʊla mʊlaɨ jǝbɔ biyotǝm mwɛnɨ, mɨ mʊ bwangtǝn nɛɨ.

Roma 11:17

Na Kwaama a kǝlam kaam kang tɨyantɨnɨ, mɔ mʊ tɨya zaitun kuul nɨ a bwa mʊn naakan jǝbɔ gɨɨ, mʊ nyʊwa lǝma jʌng tɨyang zaitun nɨ lɛ dakini jǝbɔ tangǝn kang tɨyantɨnɨ,

Afisa 2:2

Wʊnɨ galɨgǝn jǝ́ yǝm a mʊgɔ gǝnɨ, jǝ́ bwangtǝn kanjǝl yooli nɨ lɛɨ, jǝ́ bwangtǝn Mamm, nǝ maatǝm fɔlɔn yʊwa, yʊwa nɨ dʊwa nǝl nǝb nɨ lɛ nǝn bǝngɨ lɔl kǝngkɨɨ.

Matta 20:7

“Nǝngɔ ja sʊwa gɔ, ‘Mɨ nʊ nɨ wo a nǝ nǝn maajɨ maatǝmɨ.’ “Nǝngɔ a sʊwa ji gɔ, ‘Jen tʌjen jǝ́ yɔ a tɔtwam mɨ.’