Afisa 2:10 - Dadiya NT

¹⁰ Bǝn bǝ kanjǝl maajɨ Kwaamaɨ. A fwal bǝn a mʊgɔ Kiristi Yesui, sǝ bǝ maa maajɨ nyantɨn nɨ Kwaama a fɛka nǝn tɨkǝga gɔ bǝ maaɨ.

Afisa 2:10 Referans Kwoze

Filibii 2:13

Kwaama a maa maajɨ a nǝl jen. Nǝn gɔ nǝ jen swɨtǝmɔ lɛɨ jǝbɔ kwaan, sǝ jǝ́ maa jʊ nɨ fulo gǝm nǝl lɛɨ.

Kolosii 1:10

Nǝn kela Kwaama lɛ nyɔ sǝ jǝ́ yɨ yɨm nɨ a daa tʌgo a bwangtǝm Tɛlalɔɨ. Jǝ́ fulo gǝm nǝl lɛ a golantɨnɔ gǝm gwam. Jǝ́ maa maajɨ nyan nɛ nǝn dʌmʌn. Jǝ́ sʊ lɛ nǝn nyǝmtǝm Kwaamaɨ.

Ibranii 13:21

a fɛka jen a kanjǝl nyanɔ gǝm gwam, sǝ jǝ́ maa maajɨ nɨ swɨ lɛɨ, sǝ a maa maajɨ a mʊgɔ bǝn, sǝ a yǝlam jǝ bǝlátǝm a daa gǝ woi a gola Yesu Kiristii. Bɛ dʊʊlǝnɔ a ta tʌgo gwanggwang a daa gǝ woi mɨ dɨtǝm wo. A daa nyɔ.

2 Korinti 5:17

Gǝ na nyɔ, na nʊ nɨ na a Kiristii, n fwaltǝm fɨ. Kanjǝl galɨgɔ gwam a shu shui, kanjǝlɔ gwam a yǝlam a fɨ.

2 Korinti 9:8

Kwaama nǝn kwaan a nǝ jen a laa jʊ jǝ́ saa lɛɨ, dɨsɔ jǝ́ yǝlam nǝb nyatǝm kwangkwang nǝn kanjǝlɔ a golantɨnɔ gǝm gwam, sǝ jǝ́ dem kang a nǝtǝm jenɔ gǝm a maajɨ nya gwam.

Afisa 4:24

Bɛ jǝ́ do kanjǝl fɨ nɨ ja fwal jen nǝn na a Kwaamaɨ a mʊgɔ dǝngdǝng jǝbɔ sagsag.

Filibii 1:6

Mɨ nyǝmatǝm wo, Kwaama nɨ a tǝl maajɨ nyan nɨ a daa jen woi, yɔ yɔ nǝn a dɨltǝm dɨsɔ a la nǝn a kɔkɔ bɛtǝm Yesu Kiristii.

2 Timoti 3:17

sǝ bwɛ jwaalɛ Kwaamaɨ a yii dǝngdǝng nǝn fɛkalɨ dangǝn a maajɨ nyan gwam.

Afisa 4:1

Na bwɛ lɔsomi a dul Tɛlalɔɨ, mǝ kel jen nɛ jǝ́ yɨ yɨm nɨ yɔ lɛ dǝngdǝng kanga Kwaama a jom jeni.

2 Timoti 2:21

Nʊ nɨ a saalǝm dul gǝnɔ a kanjǝl nɨ kal gǝn nɛɨ, yǝlam yǝlam nǝ maajɨ nyan, nǝ sagsag, nʊ nɨ Tɛlalɔ maa maajɨ lɛ nǝn gɨɨ, a fɛka sǝ a maa maajɨ nyan gwamɨ.

Titus 2:14

Wʊnɨ a nǝ dul gǝnɔ a kɛl dul bǝnɨ, sǝ a jǝg bǝn a mʊgɔ bwɨlang maajɨ gwamɨ, sǝ a saalǝm ji ja yǝlam nǝb gǝnɔ nɨ nǝn nǝl maatǝm maajɨ nyaɨ.

Afisa 1:4

A kwɛl a jǝg bǝn jǝgɨ a mʊgɔ Kiristii na lǝga bɔ a fwal yooligɔ, sǝ bǝ yǝlam sagsag, mɨ nǝn jǝ tuwol a kǝga gǝn. A kɛl dul swɨtǝm gǝn

1 Timoti 6:18

Bɛ ń sʊwa ji ja maa jǝ nya, ja sʊtǝn maatǝm maajɨ nyan, bɛ ya ja maa lǝma lɛ, ya ja tɨka kaam nǝbɔ lɛ.

Titus 3:14

Bɛ nǝbam bǝnɔ a mɛla kwaan maatǝm maajɨ nya a tɨkalɨ komtǝm nǝbɨɨ, kage ja yɨ bwɨlang yɨm nǝn kwan.

Ibranii 10:24

Bɛ ya bǝ dʌngko lɛ sǝ bǝ kʊʊka nǝl, bǝ swɨka lɛ jǝbɔ maatǝm jǝ nyan.

Titus 3:8

Kɛl nɨ n bɨlǝngǝn. Mǝ swɨ lɛ ń tɨ kwaan kanjǝl nɨ dangǝn, sǝ nǝb nɨ a nǝ bɨlǝngkɛl a daa Kwaama woi ja nǝ dul jinɔ a maatǝm maajɨ nyantɨn. Kanjǝl nɨ na a nyan. Nǝn gɔ kanjǝl tɨkalɨ a daagɔ nǝbɔ woi.

Kolosii 3:10

Jǝ́ do nǝl fɨ, wʊnɨ ja fʌto a jelkalǝng Nǝ Fwaltǝmɨ, sǝ jǝ́ nyǝm gǝn dangǝn.

Titus 2:7

A mʊgɔ kanjǝlɔ gǝm gwam bɛ ń nʊng gola maajɨ nyan a golantɨnɔ gǝm gwam. Bɛ ń maa mɛlalɨ mʊnɔ nǝn bɨlǝngǝn nǝn kwaan bʊtɔ,

1 Korinti 3:9

Nǝn nǝ fatǝm maajɨ Kwaamaɨ. Jen jǝ́ tɔtwam Kwaamaɨ, mɔtǝm Kwaamaɨ tag.

1 Bitrus 2:12

Bɛ jǝ́ yɨ yɨm nyan a kʊm Bʌtʌbiɨ, sǝ na jǝ tuwo jen nɛɨ gɔ jǝ́ nǝb bwɨlamɨ, jǝ kuwo kuwo maajɨ nyantɨn jenɔ, jǝ dʊʊl dʊʊl Kwaama nǝn kum nɨ bɛm lɛɨ.

Titus 3:1

Bɛ ń bʊʊla nǝbam mʊnɔ gǝm ya ja nǝ nǝb maatǝm borangɔ jǝbɔ nǝb fɔlɔnɔ dʊʊn nɛ. Ya ja bwangtǝn kɛl jinɔ lɛ. Ja yɨ nǝn fɛkalɨ maatǝm maajɨ nyan.

1 Yohana 2:6

Nʊ nɨ gwam sʊwa lɛ gɔ gǝ yǝm a mʊgɔ Yesui, bɛ ga yɨ yɨm nɨ Yesu a yɨɨ.

Matta 5:16

A dul kɛl nɨ, jǝ́ bǝla nyalǝm jenɔ ya beta lɛ a kǝga nǝbɨɨ, sǝ ja kuwo maajɨ nyan jenɔ, sǝ ja dʊʊl Tɛtɛ jen nɨ a dʌbʌli.

Yohana 3:21

Nǝb nɨ maa jʊ nɨ lɛ dǝngdǝngɨ, jǝ bɛ lɛ a daagɔ nyalǝmɔ woi, sǝ nyalǝmɔ a nʊng maajɨ nɨ ja maaɨ ja bwangtǝn diil Kwaamaɨ.”

2 Tasalonikaɨ 2:17

a kʊʊ jem nǝl, a nǝ jen kwaan bʊtɔ tag a gola maajɨ nyan jǝbɔ kiyotǝm kɛl.

Roma 8:29

Nǝb nɨ Kwaama a kwɛl a nyǝmɨ, n nǝbɔ ga jǝgǝmɨ, a jǝla jim gɔ ja do jelkalǝng Bʊla gɨɨ, sǝ bwɛ a yǝlam bwɛ tɨkǝga a kʊm kambɨɨ nɨ a ladaɨ.

Maajɨ Bɛtɔ Twamagɨɨ 9:31

Nǝngɔ la mʊrkalɨ nǝb bwangtǝm Kwaamaɨ nɨ a Yahudiyaɨ, jǝbɔ Galilii, jǝbɔ Samariyaɨ, ja nya lǝma yɨmɔ, ja nya kwaan ja ja kǝga dangǝn, jǝ yɔ lɛ nǝn maajɨ jinɔ jǝ dʊʊl Tɛlalɔ lɛ, Yʊwa Kwaamaɨ tɨka ji lɛ, jǝ bwi lɛ.

2 Korinti 5:5

Nǝn Kwaama a fɛka bǝm fʌtotǝm nɨɨ, gǝ nɨ a nǝ bǝn Yʊwa gǝnɨ. Mɨ nyǝmatǝm wo, gɔ gǝ nǝ bǝn nǝ tangǝn kanjǝlɔ gwam.

1 Timoti 5:25

A na nyɔ maajɨ nyan kaam nǝbɨɨ gǝ na a talɨ. Nǝb nɨ a jel bɔ a talɨɨ, mɨsɔ wuu lɛ.

1 Timoti 2:10

Bɛ ja maa maajɨ nyan nɨ a daa tʌgo a nɔɔtǝm nyan nɨ a nǝ dul jinɔ a bwangtǝn Kwaamaɨ.

1 Timoti 5:10

Bɛ a yǝlam nʊ nɨ ja nyǝm gǝn nǝn maajɨ nyanɨ, nʊ nɨ bwa bɛtɔ lɔ gɨɨ lɛ dangǝnɨ, nʊ nɨ dʌng faabǝm lɛɨ, nʊ nɨ saal naa nǝb sagsagɔ lɛɨ, nʊ nɨ tɨka nǝb nɨ lɛ a mʊgɔ gaalanɨ, nʊ nɨ maa maajɨ nɨ lɛ gwam na a nyaɨ.

1 Yohana 1:7

A na nyɔ, na bǝ yǝm a mʊgɔ nyalǝmɨ, kanga gǝ yǝm a mʊgɔ nyalǝmɨ, yɨm bǝnɔ n dǝngdǝng a bʊtɔ. Tʊʊm Yesu Bʊla gɨɨ a saalǝm bǝn a bwɨlangkɛl bǝnɔ gǝm gwam.

Maajɨ Bɛtɔ Twamagɨɨ 9:36

Kaa nɔɔlɨ nǝ bwangtǝm Kwaamaɨ wo a Yafa dunɔ nǝn Tabita, (wʊnɨ win jǝbɔ Dokasɨ). Nɔɔlɨ nɨ gǝ maa nǝbɔ gǝm jǝ nyan, jǝbɔ maatǝm tɨkalɨ nǝb bʊnǝnɨ.

Galatiya 6:15

Biyotǝm mwɛn jǝbɔ mɨ biyotǝm mwɛn wo mɨ ji a nyiyo kaa jǝl. Jʊ a nyiyo jǝlɨ nǝn gɔ fwaltǝm fɨ, nǝn gɔ a nyiyo jǝlɨ.

Roma 8:1

Gǝ na nyɔ, mɨ borang bwaa wo kǝngkɔ a dul nǝb nɨ a mʊgɔ Kiristi Yesui.

Afisa 2:2

Wʊnɨ galɨgǝn jǝ́ yǝm a mʊgɔ gǝnɨ, jǝ́ bwangtǝn kanjǝl yooli nɨ lɛɨ, jǝ́ bwangtǝn Mamm, nǝ maatǝm fɔlɔn yʊwa, yʊwa nɨ dʊwa nǝl nǝb nɨ lɛ nǝn bǝngɨ lɔl kǝngkɨɨ.

Afisa 1:1

Nǝmǝ mǝ Bulus, bwɛ twama Kiristi Yesui nǝn jǝlatǝm Kwaamaɨ. Mǝ mʊla nǝb sagsagɔ gǝm lɛ a Afisaɨ, nǝb nɨ a ta swatǝm yaa a mʊgɔ Kiristi Yesui.

Afisa 2:6

A gung bǝn a bwaa dakini jǝbɔ Kiristi. A nǝ bǝn daa yɨm jǝbɔ gɔ a dʌbʌl kwama, a mʊgɔ Kiristi Yesui.

Afisa 2:13

A kǝngkǝnɨ a mʊgɔ Kiristi Yesui, jen nɨ galɨgǝn jǝ́ kʊtaɨ, a gʊ jen nǝn dɔɔm a gola tʊʊm Kiristii.

Afisa 2:15

A kalǝm diil Musaɨ jǝbɔ borang gǝnɔ a gola nǝtǝm bʊtɔ gǝn. A maa nyɔ sǝ a mʊr dʊʊm nɨ yoi, Yahudawagɔ jǝbɔ Bʌtʌbɔ a daa gǝ woi ja yǝlam win. A maa nyɔ sǝ a bɛ nǝn yɨm kwamɨgǝn a kʊm jin.