Maajɨ Bɛtɔ Twamagɨɨ 9:4 - Dadiya NT

⁴ Nǝngɔ a yal a tǝmɨ. A nyʊwa kaa diil sʊwa gǝn nɛ gɔ, “Shawulu! Shawulu! Wɛ a bwɨ mʊ nɨ ɨ gaalan nɛɨ?”

Maajɨ Bɛtɔ Twamagɨɨ 9:4 Referans Kwoze

1 Korinti 12:12

Kanga bʊtɔgɔ win nǝngǝn nǝn jinʌnɔ a lada nyɨɨ, jinʌn nɨ gwam a lada nyɨɨ, bʊtɔgɔ win, gǝ na nyɔ a mʊrkalɨ nǝb bwangtǝm Kwaamaɨ gǝm, wʊnɨ nǝn gɔ n bʊtɔ Kiristii.

Roma 11:22

Dʌng kanga Kwaama a nʊng bʊnatǝmɔ, a nǝ gaalanɨ. A nǝ gaalanɔ a nǝb nɨ a yala yalaɨ. A ji bʊnǝn mʊnɔ, na ń ja kǝga a mʊgɔ gǝnɨ. Na mɨ nyɨɨ, mʊ tǝmʊn mwatɨ ń mwatɨ ń.

Afisa 5:30

jʊ a bwɨɨ bǝn bǝ jinʌn bʊtɔ gǝn.

1 Korinti 4:7

Nuwo a sʊwa ń gɔ ń laa kaamɨ? N wɛ mʊ nǝn, wʊnɨ ke bɔ Kwaama a nǝ ńɨ? Na n yotǝm mʊ yoi, n wɛ a bwɨ mʊ maam lɨyal lɛ maamɔ mʊ yo bɔ yoi?

Yohana 21:15

Ja dɨɨ jatǝm jǝjalǝn kumsʌli, nǝngɔ Yesu a bʌ Saminu Bitrus gɔ, “Saminu bʊla Yohanaɨ, mʊ swɨ ɨ lɛ a laa tangǝn kambɔ ka?” Nǝngɔ Bitrus a jǝla gǝn gɔ, “Ɔɔ, Tɛlalɔ, ń nyǝm mǝ swɨ ń nɛ.” Nǝngɔ Yesu a sʊwa gǝn gɔ, “Ja nǝn kwamɨtɨn mǝndɨ.”

Matta 25:40

Fɔlɔgɔ jǝla ji gɔ, ‘Bɨlǝngǝn mǝ sʊwa jen nɛ, jʊ nɨ win a mʊgɔ kanjǝl nɨ jǝ́ maa kɛtǝlam mǝndɨ gǝmɨ, jǝ́ maam mǝ.’

Yohana 20:16

Yesu a jo gǝn gɔ, “Maryamu!” Nǝngɔ a yǝla a daagɔ Yesu woi, a sʊwa gǝn nǝn nyiyo Yahudawagɨɨ gɔ, “Rabboni!” (Wʊnɨ gǝ nʊng gɔ, Feyi.)

Yohana 18:6

Nǝn kwama Yesu a jǝla ji gɔ, “Nǝmɨɨ,” nǝngɔ ja gʊ nǝn gul, ja tǝla a tǝmɨ.

Luka 10:41

Nǝngɔ Tɛlalɔ a jǝla gǝn gɔ, “Marta, Marta, mʊ kom dul mʊnɔ lɛ, ń nya komʌn a dul kanjǝlɔ a lada.

Maajɨ Bɛtɔ Twamagɨɨ 5:10

A tʌgo a daagɔ nǝngɔ a gǝla a yal a kǝga gǝn a bʊlaɨ. Nǝn kwama bayǝlǝm nɨ a dɔmɨ, ja nya gǝn a bʊla. Nǝngɔ ja do gǝn ja jel nǝn gɨɨ, ja fʌl gǝn a daalɨ bwɨla gɨɨ.

Maajɨ Bɛtɔ Twamagɨɨ 9:5

Nǝngɔ gǝ tǝgǝn a sʊwa gǝn gɔ, “Mʊ nǝn nuwo, Tɛlalɔ?” Nǝngɔ diilɔ a jǝla gɔ, “Nǝmǝ mǝ Yesu wʊnɨ mʊ nǝ gǝn gaalan nɛɨ.