Biblia Todo Logo
Bib sou entènèt

- Piblisite -




Maajɨ Bɛtɔ Twamagɨɨ 9:39 - Dadiya NT

39 Nǝngɔ Bitrus a gun a shu jǝbɔ jii. Kwama a bɛmɨ, nǝngɔ ja yɔ nǝn gɔ a kan dʌbʌlɔ gǝmɨ. Nɔɔtǝmkʊlabɔ gwam, ja tɨ a kɔtʌgo a gǝ gǝm jǝ ji lɛ. Jǝ nʊng bɛllɛtɨnɔ lɛ jǝbɔ dwangtɨn nɨ Dokas a sʊʊl jim kwama yǝm dakini jǝbɔ jii.

Gade chapit la Kopi




Maajɨ Bɛtɔ Twamagɨɨ 9:39
26 Referans Kwoze  

Nǝn bʊʊla lɛ nǝn jen a keli nǝnɔ gǝm a kǝga Kwaama Tɛtɛ bǝnɨ a maajɨ nɨ jǝ́ maa lɛ a gola nǝtǝm bɨlǝngkɛlɨ, jǝbɔ gaalan maajɨgɔ jǝ́ nɔɔ lɛ a gola swɨtǝmɨ, jǝbɔ bwatǝm nǝlɔ jǝ́ maa lɛ nǝn yatǝm nǝl a mʊgɔ Tɛlalɔ bǝn Yesu Kiristii.


Nʊ nɨ kuu kuul lɛɨ, ka ga ja lɛ kǝga nǝn kuulɔ. Na bʊm bʊm ga yǝla ga maa maajɨ nyan nǝn kang gǝn, sǝ ga nya jʊ nɨ gǝ nǝ nǝb bʊnǝnɔ lɛɨ.


Jǝ́ bɛtɔ dwalǝnɔ, ka jǝ́ nʊng lɛ swɨtǝm a ben. Bɛ a yǝlam a maatǝm jǝbɔ bɨlǝngkɛl.


Kambɔ, nǝn swɨ bɔ jǝ́ yǝlam nǝb nɨ mɨ nǝn nyǝmtǝm a dul nǝb nɨ a bʊlalaɨ. Nǝn swɨ bɔ jǝ́ maa fitǝm nǝl kanga nǝb nɨ mɨ nǝn yatǝm nǝlɨ gǝ maa lɛɨ.


Na nǝl nǝn bʊʊlalɨ nǝtǝmɨ, Kwaama yo yo nǝtǝm gǝnɔ a gola nyatǝm gǝnɔ gǝm, ke bɔ a gola jʊ nɨ mɨ gǝ nǝnɨ.


A mʊgɔ kanjǝl nɨ gwam mǝ maaɨ, n sʊwa jen a mɛlalɨ nɨ mǝʊ, jǝ́ maa maajɨ nyɔ sǝ bǝ tɨka nǝb nɨ mɨ nǝn kwaanɨ. Jǝ́ bʊʊla nǝn kɛl nɨ Tɛlalɔ Yesu a sʊwa gɔ, ‘Nǝtǝmɔ a laa yotǝmɔ bwili.’ ”


Nǝngɔ Bitrus a mal kang a tɨka gǝn a guni. Nǝngɔ a jo nǝb bwangtǝm Kwaamaɨ jǝbɔ nɔɔtǝmkʊlabɔ, a nǝ ji gɔ nǝn dʊʊmɨɨ.


Kaam nǝb bwangtǝm Kwaamaɨ ba fʌl Istifanus. Ja ji wi bwaa gǝnɔ dangǝn.


A kumtɨn gɨɨ, nǝb mɛlalɨgɔ lada lɛ. Nǝngɔ Yahudawa nɨ nyʊwa nyiyo Girikagɔ lɛɨ, a tǝl loratǝmɔ a dul Yahudawa nɨ nyʊwa nyiyo Ibrane lɛɨ. Jʊ a bwɨɨ, mɨ jǝ nǝ nɔɔtǝmkʊlab jinɔ jǝjalǝn nɛ kum jǝbɔ kum.


Kwama mǝ dakini nǝbɔ jii, n kɨla ji nǝn kwaan dun mʊnɔ nɨ mʊ nɨ ɨɨ. N kɨla ji, mɨ nʊ nɨ wo a lɛlaɨ, na ke bɔ nʊ a gola kalatǝmɨ, sǝ a yii jʊ mʊlalɨ kɛl Kwaamaɨ a sʊwaɨ.


Nǝb bʊnǝnɔ kwangkwang jǝbɔ jen. Ke bɔ kwangkwang mǝ nǝbɔ jeni.”


Nǝngɔ a sʊwa ji gɔ, “Jʊ nɨ n jʊ mǝ sʊwa jen kwama nɨ bǝ dakinii, jǝ yii yii kɛl nɨ ja sʊwa a dul mɨɨ a mʊgɔ diil Musaɨ, jǝbɔ a nǝbkuwotǝmkǝgagɨɨ, jǝbɔ nafɨ Zaburaɨ.”


A maa jʊ dwal lɛ a maaɨ. A tal mɨ nwang a bʊtɔ sǝ a fɛka fʌltǝm mǝndɨ.


Nǝb bʊnǝnɔ jǝ na jǝbɔ jen kwangkwang. N ke bɔ kwangkwang mǝ dakini nǝbɔ jeni.


Nǝngɔ Yesu a jǝla ji gɔ, “Jǝ́ nǝbɔ kal nɨɨ, mɨ jen nǝn nǝtǝm bɨlǝngkɛl, jǝ́ nǝb bwɨlan, naa nyǝn mǝ yɨ lɛ nǝbɔ jeni, naa nyǝn mǝ kʊ nǝl lɛ nǝn jeni? Jǝ́ bɛ mɨ nǝn bwɛ balɨ nɨ fɔ.”


Nǝn kwama ja dɔ tuulɔngɨ, nǝngɔ ja gwi kan dʌbʌlɔ jǝ yɨm lɛɨ. Bǝ Bitrus, jǝbɔ Yohana, jǝbɔ Yakubu, jǝbɔ Andarawas, jǝbɔ Filibus, jǝbɔ Toma, jǝbɔ Bartalamawas, jǝbɔ Matta, jǝbɔ Yakubu bʊla Halfaɨ, jǝbɔ Saminu (Nǝ swɨtǝm tǝm gǝn), jǝbɔ Yahuza bʊla Yakubui.


Bɛ ń nǝ nɔɔtǝmkʊlabɔ dʊʊn, nǝb nɨ mɨ nǝn nǝb tɨkalɨ.


Nɔɔkʊla nɨ mɨ nǝn nǝ tɨkalɨ, wʊnɨ yǝm kwaagɔ wini, ga ya nǝl gǝnɔ a daagɔ Kwaama woi, ga ta keli Kwaamaɨ, ga maa keli kum jǝbɔ kɔkɔ sǝ Kwaama a tɨka gǝn.


Swiv nou:

Piblisite


Piblisite