Maajɨ Bɛtɔ Twamagɨɨ 9:10 - Dadiya NT

¹⁰ Kaa nǝ bwangtǝm wo a Dimaska, dun gǝnɔ nǝn Hananiya. Tɛlalɔ a sʊwa gǝn kɛl a mʊgɔ dʊgam nyangnyang gɔ, “Hananiya!” Gǝ tǝgǝn a jǝla gɔ, “Mǝ wɔ, Tɛlalɔ.”

Maajɨ Bɛtɔ Twamagɨɨ 9:10 Referans Kwoze

Maajɨ Bɛtɔ Twamagɨɨ 22:12

“Nǝngɔ kaa nǝl dunɔ nǝn Hananiya a bɛ a daa mǝ woi. N nǝ bwangtǝm Kwaamaɨ a diil bǝnɔ gǝm, wʊnɨ Yahudawagɔ fʌlen gwamɨ bǝlá gǝn nɛɨ.

Maajɨ Bɛtɔ Twamagɨɨ 10:3

Kaa di kemʌnɔ taal nǝn kwaamɨ, a kuwo kaa bwɛ twama Kwaamaɨ a mʊgɔ dʊgam nyangnyang. A bɛ a daa gǝ woi a sʊwa gɔ, “Karniliyas!”

Maajɨ Bɛtɔ Twamagɨɨ 2:17

“ ‘Kwaama a sʊwa gɔ, nǝn kumtɨn dɨltǝm yooligɔ, Mǝ tal tal Yʊwa mǝndɨ a dul nǝbɨɨ gwam. Bɛtɔ batǝn jenɔ jǝbɔ bɛtɔnɔɔtǝn jenɔ jǝ maa maa kuwotǝmkǝga. Bɛtɔ bayǝlǝm jenɔ kuwo kuwo dʊgam nyangnyang. Dʊʊm jenɔ dʊga dʊga dʊgamtɨn.

Maajɨ Bɛtɔ Twamagɨɨ 9:9

A maa kumɔ taal mɨ kuwo lɛ, mɨ ja lɛ, mɨ nɔɔ lɛ tag.

Maajɨ Bɛtɔ Twamagɨɨ 11:5

“Mǝ na a mʊgɔ tuulɔ Yafa, mǝ maa keli lɛ. Nǝngɔ dʊgam nyangnyang a bɛ mɨɨ. Mǝ kuwo kaa jǝl gǝla lɛ maamɔ gʌleng dwang kwabtǝm, ja shig a dʌbʌl nǝn kanǝnɔ naal, a bɛ nǝn dɔɔm a daa mǝ woi.

Maajɨ Bɛtɔ Twamagɨɨ 12:9

Nǝngɔ a jel bwang gǝm lɛɨ. A nyǝm bɔ gɔ jʊ nɨ bwɛ twama Kwaamaɨ maa lɛɨ n bɨlǝngkɛl. Kuwo lɛ gɔ dʊgam nyangnyang gǝ maa lɛɨ.

Maajɨ Bɛtɔ Twamagɨɨ 16:9

Nǝn kum Bulus a dʊga dʊgam nyangnyang, a kuwo kaa nǝ tǝm Makidoniya tɨm kela gǝn nɛ gɔ, “Bɛ a Makidoniya, ba tɨka nǝn.”

Maajɨ Bɛtɔ Twamagɨɨ 16:10

Bulus a kuwo dʊgam nyangnyang nɨɨ, tʌgo a kang nǝngɔ nǝn fɛka nǝn shu a Makidoniyaɨ, jʊ a bwɨɨ nǝn nyǝm nǝn Kwaama a jo nǝn gɔ ya nǝn sʊwa ji fulon kɛl lǝmɨ nɨɨ.

Maajɨ Bɛtɔ Twamagɨɨ 18:9

Kaa di nǝn kum, Tɛlalɔ a nʊng Bulus a dʊgam nyangnyang gɔ, “Ka ń nyʊwa lɛ taal. Ya ń sʊwa kɛl Kwaamaɨ lɛ. Ka ń yɨ lɛ shig.

2 Korinti 11:32

A Dimaska, gwamna wʊnɨ a tǝm jǝbɔ fɔlɔ Aretisi, a ya nǝb tɔɔtǝm nyanga tuulɔ Dimaskagɔ, dɨsɔ ja ta ɨ.

Galatiya 1:17

Mǝ yɔ bɔ a Urushalima a daagɔ nǝb nɨ a laa ɨ yǝlamtǝm bɛtɔ twamaɨ. Jʊ mǝ maaɨ, mɨ tatǝm bʊtɔ wo, nǝngɔ mǝ shu a tǝm Larabawagɨɨ, nǝngɔ la mǝ yǝla mǝ bɛ a Dimaskaɨ.

Maajɨ Bɛtɔ Twamagɨɨ 9:12

A mʊgɔ dʊgam nyangnyang a kuwo kaa balɨ dunɔ nǝn Hananiya, a dɔ, a ya gǝm kang bwili sǝ ga yǝla ya ga kuwo daagɔ lɛ.”