Maajɨ Bɛtɔ Twamagɨɨ 8:20 - Dadiya NT

²⁰ Nǝngɔ Bitrus a sʊwa gǝn gɔ, “Mɔ jǝbɔ kemʌn mʊnɔ bɛ jǝ́ bʊla, na mʊ kuwo lɛ n kemʌn mʊnɔ mʊ nya nǝtǝm lǝma Kwaamaɨ lɛɨ!

Maajɨ Bɛtɔ Twamagɨɨ 8:20 Referans Kwoze

Matta 10:8

Jǝ́ gung nǝb nɨ mɨ kwamɨgǝnɨ, jǝ́ gung nǝb nɨ a bʊlalaɨ, jǝ́ gung nǝbɔ bʊtɔgɔ a mwata mwataɨ, jǝ́ jǝg nǝblaamɔ. Jǝ́ nya nǝn kwan, jǝ́ nǝ ji nǝn kwan.

Maajɨ Bɛtɔ Twamagɨɨ 2:38

Nǝngɔ Bitrus a sʊwa ji gɔ, “Jǝ́ yǝla jǝ́ bǝla bwɨlangkɛl jenɔ, jǝ́ nya yʊtǝm mwɛ sagsag gwam jenɔ a mʊgɔ dun Yesu Kiristii, sǝ ja kǝlǝm jem bwɨlangkɛl jenɔ. Jǝ́ nya nya lǝma Yʊwa Kwaamaɨ.

Dʊgam Nyangnyang 18:15

Nǝb dʌbo kanjǝgan nɨ ja nya shilogɔ a dul gǝnɨ, ja tɨ a kʊta jǝbɔ gɔ, jʊ a bwɨɨ jǝ nyʊwa taal lɛ kage ja mʊr ji tʌgo a mʊgɔ gaalan nɨ gǝ nɔɔ lɛɨ. Jǝ ji wi lɛ jǝbɔ fitǝm nǝl.

Yakubu 5:3

Kemʌn mʊn jenɔ jǝbɔ maalʊ jenɔ a ga bwatɛ. Bwatɛ nɨ nǝn gɔ nǝ nyiyo lɛ a dul jeni, wʊnɨ ja bʊtɔ jenɔ lɛ na kǝlaɨ. Jǝ́ mʊr dul jenɔ gǝm shilo a kum dɨltǝm nɨɨ.

Maajɨ Bɛtɔ Twamagɨɨ 8:22

Bɛ ń yǝla ń bǝla bwɨlangkɛl mʊnɔ a maajɨ bwɨla nɨ gǝm. Bɛ ń kela Tɛlalɔ sǝ a kǝlǝm mʊn jʊ mʊ fɛka lɛ a mʊgɔ nǝl mʊnɨ.

1 Timoti 6:9

Nǝb nɨ swɨ nyatǝm shilo lɛɨ, jǝ yal yal a mʊgɔ tɛltǝm jǝbɔ lan. Jǝ swɨ kanjǝl wɛl lɛ wʊnɨ nǝ ji twɨla lɛɨ, wʊnɨ yǝla dul nǝbɨɨ lɛɨ, bɛ lɛ nǝn kalatǝm jǝbɔ wulon.

Maajɨ Bɛtɔ Twamagɨɨ 11:17

Kanga Kwaama a nǝ ji nǝtǝm lǝmagɔ dǝngdǝng kanga a nǝ bǝnɨ, kwama nɨ bǝ nǝ bɨlǝngkɛl a daagɔ Tɛlalɔ Yesu Kiristi woi, mǝ nǝn nuwo mǝ kɔ jʊ lɛ Kwaama swɨ lɛɨ?”

Maajɨ Bɛtɔ Twamagɨɨ 10:45

Yahudawagɔ nǝb bwangtǝmɔ, wʊnɨ ja bɛ jǝbɔ Bitrusi, ja kuwo nǝb nɨ n Bʌtʌb tʌjii ja nya nǝtǝm lǝma Yʊwa Kwaamaɨ, ja ta kang a nyiyo.

Matta 15:19

Bʊʊlalɨ bwɨlagɔ gǝ jel a mʊgɔ nǝl, jǝbɔ jʌtǝm dul, jǝbɔ bulon, jǝbɔ bwɨlan, jǝbɔ kuul, jǝbɔ nǝtǝm nyiyo gabakɛl jǝbɔ kaltǝm dun nǝbɨɨ.

Maajɨ Bɛtɔ Twamagɨɨ 1:18

(Yahuza a ten talɨ nɨ nǝn kemʌn maajɨ bwɨla. Nǝngɔ a gǝla a dʌbʌl a tɨ nǝn tɨbǝl duli, fʌl gǝnɔ a wulo, yatɨ gǝnɔ a jel a yooli.

Maajɨ Bɛtɔ Twamagɨɨ 8:19

“Mǝ tǝmɨ jǝ́ nɨ ɨ fɔlɔn nɨɨ, na nʊ mǝ ya gǝm kangɨ sǝ a nya Yʊwa Kwaamaɨ.”