Maajɨ Bɛtɔ Twamagɨɨ 7:51 - Dadiya NT

⁵¹ “Jǝ́ nǝb kwamǝn dul, nǝb bwɨlang nǝl, nǝb bǝngɨ lɔl! Kwangkwang jǝ́ kɔ Yʊwa Kwaamaɨ lɛ. Kanga tʊgalam jenɔ a maaɨ, jen tʌjen n jʊ jǝ́ maa lɛɨ!

Maajɨ Bɛtɔ Twamagɨɨ 7:51 Referans Kwoze

Afisa 4:30

Ka jǝ́ dǝg lɛ Yʊwa Kwaamaɨ fitǝm nǝl, wʊnɨ ja ka jem kwatɨ sǝ a nʊng bʊʊtǝm jenɔ a kɔkɔ jǝgtǝmɨ.

Filibii 3:3

Jʊ a bwɨɨ, nǝbǝn bǝ biyo mwɛn bɨlǝngǝnɨ. Bǝn nǝb nɨ bǝ bǝlá Kwaama lɛ a gola Yʊwa Kwaamaɨ. Bǝ maa sʊtɔ lɛ a mʊgɔ Kiristi Yesui. Bǝ ya bɔ kwaan a maajɨ bʊtɔ sul,

Maajɨ Bɛtɔ Twamagɨɨ 6:10

Ja la bɔ dul nǝn gɔ, jʊ a bwɨɨ, gǝ sʊwa kɛlɔ nǝn nyǝmtǝm nɨ Yʊwa Kwaamaɨ a nǝ gǝnɨ.

Kolosii 2:11

N mʊgɔ gǝn tag a biyo jem mwɛnɨ, ke bɔ biyotǝm mwɛn nǝn kang nǝfilii. Kiristi a maa nyɔ sǝ a dem bʊtɔ bwɨlangkɛl jenɔ.

Roma 2:25

Biyotǝm mwɛnɔ a bʊm, na mʊ bwangtǝn diilɔ lɛɨ. Na mɨ mʊ bwangtǝn lɛɨ, biyotǝm mwɛn mʊnɔ mɨ a nyiyo kaa jǝl.

Maajɨ Bɛtɔ Twamagɨɨ 7:39

“Tʊgalam bǝnɔ ja kɔ bwangtǝm diil gǝnɔ. Ja yǝla gǝm gul. Jǝ swɨ lɛ ja yǝla a tǝm Masar.

Maajɨ Bɛtɔ Twamagɨɨ 7:27

“Nǝngɔ nʊ nɨ nyʊwa kɨla gɔ gǝm lɛɨ, a tʊng Musa a kelii. A sʊwa gɔ, ‘Nuwo a dǝg ń gɔ ń yǝlam nǝ dʊʊ jǝbɔ nǝ mwatɨtǝm borang a kʊm nǝnɨ?

Maajɨ Bɛtɔ Twamagɨɨ 7:9

“Tʊgalam nɨ maa nungon nɛ jǝbɔ kɨla ji Yusufu. Nǝngɔ ja miyo gǝnɨ, nǝngɔ nǝb nɨ a ten gǝnɨ, a shu nǝn gɔ a Masarɨ. Kanjǝl nɨ a bwɨ nyɔ sul, Kwaama dakini jǝbɔ gɔ.

Maajɨ Bɛtɔ Twamagɨɨ 7:35

“Musa nɨ ja kɔɨ, ja sʊwa gɔ, ‘Nuwo a dǝg ń gɔ ń yǝlam nǝ dʊʊ jǝbɔ nǝ mwatɨtǝm borangɨ?’ N nʊ Kwaama a twam sǝ a yǝlam nǝ dʊʊ jǝbɔ nǝ jǝgtǝm a gola tɨkalɨ bwɛ twama Kwaamaɨ nɨ a nʊng dul gǝnɔ a daa gǝ woi a kʊm bɛ tɨya nɨɨ.