Maajɨ Bɛtɔ Twamagɨɨ 6:7 - Dadiya NT

⁷ Kɛl Kwaamaɨ ja kǝga lɛ. Nǝb bwangtǝmɔ a mʊgɔ Urushalimaɨ jǝ sʊ lɛ nǝn bɨlǝngǝn. Nǝbkǝlam Yahudawagɨɨ a lada a yǝlam nǝb nǝtǝm bɨlǝngkɛl.

Maajɨ Bɛtɔ Twamagɨɨ 6:7 Referans Kwoze

Maajɨ Bɛtɔ Twamagɨɨ 19:20

N dul kɛl nɨ kɛl Tɛlalɔɨ a kwɨya tǝmɔ nǝn kwan nǝn kwaanɨ. Nǝbɔ a lada a nǝ bɨlǝngkɛl.

Maajɨ Bɛtɔ Twamagɨɨ 12:24

Kɛl Kwaamaɨ a sʊtǝn jatǝm kǝga. Nǝb bwangtǝmɔ sʊtǝn nɛ.

Kolosii 1:6

Fulon kɛl lǝmɨ nɨ a bɛ jemi, kanga a bɛm yooligɔ gǝm gwamɨ, a bwi, kwɨya tǝmɔ lɛ, kanga maam lɛ a kʊm jeni nǝn kum nɨ jǝ́ nyʊwamɨ, jǝ́ nyǝmǝm lǝma Kwaamaɨ, a mʊgɔ bɨlǝngkɛl gǝnɔ gǝmɨ.

Ibranii 5:9

A yii dǝngdǝngɨ, nǝngɔ a yǝlam jʌng bʊʊlɨ nɨ mɨ dɨltǝm woi, a nǝb nɨ gwam maa gǝm shigtǝm dul lɛɨ.

Roma 16:26

Jǝ yʊtǝm nɨ ja sʊwa Bʌtʌbɔ gwamɨ. Kwaama nɨ mɨ dɨtǝm woi, a nǝ nǝbkuwotǝmkǝgagɔ diil gɔ ja mʊla a dul fulon kɛl lǝmɨ nɨ, sǝ yooligɔ gwam a jǝla a bwangtǝn Kwaama sǝ ja nǝ bɨlǝngkɛl.

Roma 1:5

N daa gǝ woi bǝ yo lǝma, bǝ yǝlam bɛtɔ twama gǝnɨ, dɨsɔ bǝlǝntǝmɔ gwam a nǝ bɨlǝngkɛl nǝn shigtǝm dul, a kɛl dʊʊlǝn dun gǝn.

Maajɨ Bɛtɔ Twamagɨɨ 14:22

Jǝ kwam nǝb bwangtǝm Kwaamaɨ gǝm nǝl lɛ gɔ ja tɨ a nǝtǝm bɨlǝngkɛl. Jǝ sʊwa lɛ gɔ, “Nǝn nɔɔtǝm gaalanɔ a lada bǝ dɔ fɔlɔn lɔ Kwaamaɨ lɛɨ.”

Ibranii 11:8

N gola nǝtǝm bɨlǝngkɛl, Ibrahim a maa shigtǝm dul nǝn kwama ja jo gǝn gɔ a jel a tǝm gǝnɨ sǝ ga shu a kaa tǝm wʊnɨ gǝ yo kʊla gǝnɔ lɛɨ. Nǝngɔ a jeli, a nyǝm bɔ daagɔ yilom woi.

2 Timoti 2:9

wʊnɨ mǝ nɔɔ gaalan nɛ a kɛl dul gǝnɨ. N jʊ a bwɨ ja bwa ɨ nǝn golman na nʊ nɨ maa bwɨlang kanjǝl lɛɨ, kɛl Kwaamaɨ a bwa bɔ bwaɨ.

2 Tasalonikaɨ 1:8

Mwɛ mwɛ nǝb nɨ a nyǝm bɔ Kwaamaɨ, jǝbɔ nǝbɔ a kɔ bwangtǝm fulon kɛl lǝmɨ Tɛlalɔ bǝn Yesui.

Maajɨ Bɛtɔ Twamagɨɨ 21:20

Ja nyʊwa nyɨɨ, nǝngɔ ja bǝlá Kwaamagɨɨ, ja sʊwa Bulus gɔ, “Ń kuwo, kɛgɔ, bwɨ nǝbɔ a lada a kʊm Yahudawagɨɨ ja nǝ bɨlǝngkɛl. Gwam jinɔ jǝ bwangtǝn diilɔ lɛ dǝngdǝng.

Maajɨ Bɛtɔ Twamagɨɨ 13:8

Nǝngɔ Alimas feyigɔ (n jʊ dun gǝnɔ nʊng lɛɨ) a jǝla bɨɨ, swɨ lɛ a kalǝm gwamnagɔ a nǝtǝm bɨlǝngkɛlɔ gǝm.

Yohana 12:42

A kaa gola, Yahudawagɔ a lada a nǝ bɨlǝngkɛl a daa Yesu woi, nǝb dʊʊm jinɔ wo a mʊgɔ jinɔ gǝm. N nyʊwatǝm taal nǝbɔ Farisaɨ ja sʊwa bɔ gɔ jǝ nǝ bɨlǝngkɛlɨ, kage ja kaa ji yɔtǝmɔ a kan mɛlalɨ.

Luka 2:34

Saminu a ya jim bwiligɔ. Nǝngɔ a sʊwa nyɨya gɔ Maryamu gɔ, “Bwɛ nɨ nǝn gɔ Kwaama a fɛka sǝ a dǝg nǝbɔ Israilaɨ a lada ja yala, sǝ a gung nǝbɔ a lada, sǝ a yǝlam jǝ nʊngtǝm nɨ nǝbɔ kɔ lɛɨ.

Matta 19:30

Nǝb kǝgamɔ a lada, yǝlam nǝb gul, nǝb gulɔ yǝlam nǝb kǝgam.

Maajɨ Bɛtɔ Twamagɨɨ 2:47

jǝbɔ bǝlátǝm Kwaamaɨ, nǝbɔ a jǝla nǝn ji dangǝn gwam. Kum jǝbɔ kum Tɛlalɔ sʊ jim nǝbɔ lɛ nya bʊʊtǝm lɛɨ.

Maajɨ Bɛtɔ Twamagɨɨ 6:1

A kumtɨn gɨɨ, nǝb mɛlalɨgɔ lada lɛ. Nǝngɔ Yahudawa nɨ nyʊwa nyiyo Girikagɔ lɛɨ, a tǝl loratǝmɔ a dul Yahudawa nɨ nyʊwa nyiyo Ibrane lɛɨ. Jʊ a bwɨɨ, mɨ jǝ nǝ nɔɔtǝmkʊlab jinɔ jǝjalǝn nɛ kum jǝbɔ kum.

Galatiya 1:23

Jʊ win ja nyʊwaɨ nǝn gǝ gɔ, “Nʊ nɨ galɨgǝn nǝ bǝn gaalan nɛɨ, n wɔ kiyo kɛl nǝtǝm bɨlǝngkɛl lɛ wʊnɨ gǝ kal lɛ galɨgǝnɨ.”

Galatiya 6:10

Gǝ na nyɔ, nǝn kwama nɨ bǝ nya golaɨ, bɛ bǝ maa nǝbɔ gǝm pʌd jǝ nya, bɛ bǝ fɛ bǝ maa nǝb bwangtǝm nɨ gǝm a nǝ bɨlǝngkɛlɨ.

Yahuza 1:3

Fatǝm nyan mǝndɨ mǝ swɨ lɛɨ, na mǝ swɨ lɛ n maa jem mʊlalɨ a kɛl bʊʊtǝm bǝnɔ gǝm, nǝngɔ mǝ kuwo a bʊm nyɔ n mʊla jem, n kela jen, jǝ́ kʌshi nǝtǝm bɨlǝngkɛl nɨ Kwaama a nǝ nǝb sagsagɔ naa win swar mɨ sʊtǝm woi.

Yahuza 1:20

Jǝ́ fatǝm nyan mǝndɨ, bɛ jǝ́ sʊtǝn mɔtǝm dul jenɔ a nǝtǝm bɨlǝngkɛl jenɔ gǝm wʊnɨ sagsagɨɨ. Ya jǝ́ maa keli lɛ nǝn tɨkalɨ Yʊwa Kwaamaɨ.