Maajɨ Bɛtɔ Twamagɨɨ 6:14 - Dadiya NT

¹⁴ Nǝn nyʊwa gǝn sʊwa lɛ gɔ Yesu Bwɛ Nazarat nɨ kʌb kʌb daa nɨ, fʌto fʌto jǝfʊlǝntɨn nɨ Musa a bǝla bǝmɨ.”

Maajɨ Bɛtɔ Twamagɨɨ 6:14 Referans Kwoze

Maajɨ Bɛtɔ Twamagɨɨ 21:21

Ja sʊwa ji fulon kɛl mʊnɔ gɔ mʊ mɛla Yahudawagɔ gǝm lɛ gwam a kʊm Bʌtʌbi, ja bǝla diil Musaɨ. Mɔ ka ja biyo lɛ bɛtɔ lɔ ji gǝm mwɛn, ka ja bwangtǝn nɛ jǝfʊlǝn bǝnɔ.

Maajɨ Bɛtɔ Twamagɨɨ 15:1

Nǝngɔ kaam nǝb a jel a Yahudiya ja bɛ a Antakiyaɨ, jǝ mɛla nǝb bwangtǝmɔ gǝm lɛ jǝ sʊwa lɛ gɔ, “Na ja biyo jem bɔ mwɛn kanga diil Musaɨ a nʊngɨ, mɨsɔ jǝ́ nya bʊʊtǝm lɛ.”

Galatiya 3:23

Nǝn kwama nɨ bǝ nǝ bɔ bɨlǝngkɛl a daa Yesu woi, diil nɨ a kubʌl bǝn ba la nǝn kwama nǝtǝm bɨlǝngkɛlɔ ba jelʌmi.

Galatiya 3:19

N wɛ a bwɨ Kwaama a nǝ diili? A sʊ diilɔ sǝ a nʊng jʊ nɨ n bwɨlangkɛlɨ a talɨ, sǝ a yɔ nǝn a kwama nɨ dʊʊm Ibrahimi bɛm lɛɨ, wʊnɨ n dul gǝn a maa swatǝm yaa nɨɨ. Diil nɨ bɛtɔ twama Kwaamaɨ a nǝ Musa, nʊ nɨ a tɨbǝl Kwaamaɨ jǝbɔ nǝbɨɨ.

Maajɨ Bɛtɔ Twamagɨɨ 28:17

Kumɔ taal a shui, Bulus a jo dʊʊm Yahudawagɔ. Ja mʊrkaɨ, nǝngɔ a sʊwa ji gɔ, “Kambɔ, mǝ maa bɔ nǝbam bǝnɔ gǝm bwɨlangkɛl, mǝ fa bɔ jǝfʊlǝn tʊgalam bǝnɨ sul, ja ta ɨ a Urushalima ja bwa ɨ, ja nǝ nǝbɔ Romaɨ.

Yohana 4:21

Yesu a sʊwa gǝn gɔ, “Nɔɔlɨ, nǝ bɨlǝngkɛl nǝn mǝ, kwamagɔ bɛ lɛ wo wʊnɨ mɨsɔ jǝ́ dʊʊl Tɛtɛ lɛ a dʌbʌl yem nɨɨ, mɨsɔ jǝ́ dʊʊl gǝm lɛ a Urushalimaɨ.

Luka 21:6

“Jʊtǝb nɨ jǝ́ kuwo lɛ nyɨɨ, kumɔ bɛ lɛ wo wʊnɨ mɨ tɛl nɨ wo jǝ bǝla lɛ a dʌbʌl kǝgaɨ ja tʊngǝm bɨɨ.”

Maajɨ Bɛtɔ Twamagɨɨ 26:3

Mʊ nǝn nyǝmtǝm a jǝfʊlǝn Yahudawagɨɨ jǝbɔ kanjǝl nɨ jǝ maa gʊbkatǝm lɛ a dul gǝnɨ. A dul kɛl nɨ mǝ kela ń nɛ bǝm nǝl mʊnɔ kaa lɔl, ń nyʊwa ɨ.

Maajɨ Bɛtɔ Twamagɨɨ 25:8

Nǝngɔ Bulus a kʌshi dul gǝnɔ gɔ, “A mǝndɨ mǝ maa bɔ diil Yahudawagɨɨ gǝm bwɨlangkɛl. Mǝ maa bɔ Kan Kwaamanɔ jǝbɔ Kaisar gǝm bwɨlangkɛl wo dǝm nɨ.”

Luka 21:24

Jǝ jʌbo jʌbo kaam nǝbɔ nǝn gulʌn. Ja taba kaamɨ tag ja yɔ nǝn ji a jwaalɛn a tǝm Bʌtʌbi gwam. Bʌtʌbɔ fala fala Urushalimagɔ, a yɔ nǝn a kwama dɨltǝm Bʌtʌbi.

Markus 14:58

“Nǝn nyʊwa gǝn sʊwa lɛ gɔ gǝ kʌb kʌb Kan Kwaaman nɨ nǝbɔ a mɔɨ, sǝ gǝ mɔ kaa tag a mʊgɔ kumɔ taal, wʊnɨ ke bɔ mɔtǝm nǝfilii.”

Matta 26:61

a sʊwa ji gɔ, “Balɨ nɨ a sʊwa gɔ gǝ nǝn kwaan gǝ kʌb Kan Kwaaman Kwaamaɨ, sǝ gǝ yǝla gǝ mɔ tʌgo a mʊgɔ kumɔ taal.”

Yohana 2:19

Nǝngɔ Yesu a sʊwa ji gɔ, “Jǝ́ wul Kan Kwaaman nɨ, mǝ gung gung tʌgo a mʊgɔ kumɔ taal.”