Maajɨ Bɛtɔ Twamagɨɨ 5:42 - Dadiya NT

⁴² Kum jǝbɔ kum jǝ na a Kan Kwaaman jǝbɔ lɔ ja bǝla bɔ mɛlatǝmɔ jǝbɔ kiyotǝm fulon kɛl lǝmɨgɔ, gɔ Yesu nǝn gɔ nǝn Kiristii.

Maajɨ Bɛtɔ Twamagɨɨ 5:42 Referans Kwoze

Maajɨ Bɛtɔ Twamagɨɨ 2:46

Kwangkwang jǝ yɔ lɛ a Kan Kwaaman dakini, jǝ jabka jǝjalǝnɔ lɛ dakini a lɔtɨn jinɔ gǝm, jǝ ja lɛ, jǝ nɔɔ lɛ nǝn fulotǝm nǝl jǝbɔ maatǝm lǝma nǝn kwɨtǝm kang,

Maajɨ Bɛtɔ Twamagɨɨ 20:20

“Mǝ bǝla bɔ sʊwatǝm jenɔ jʊ nɨ maa jem tɨkalɨ lɛɨ. Mǝ kiyo jem kɛl Kwaamaɨ lɛ jǝbɔ mɛlalɨ gǝnɔ a talɨ, lɔ jǝbɔ lɔ.

2 Timoti 4:2

Bɛ ń kiyo kɛl Kwaamaɨ. Bɛ ń fɛka kwangkwang kum jǝbɔ kɔkɔ. Fɛka nǝbɔ lɛ. Mʊ gʊ jim lɔl lɛ. Mʊ kʊʊ jim nǝl lɛ nǝn bwatǝm nǝl jǝbɔ mɛlalɨ.

Maajɨ Bɛtɔ Twamagɨɨ 8:35

Nǝngɔ Filibus a tǝl kiyo gǝm mʊlalɨgɔ lɛ a mʊgɔ langǝn bwangǝn Kwaamaɨ, a sʊwa gǝn fulon kɛl lǝmɨgɔ a dul Yesui.

Luka 21:37

Kum jǝbɔ kum Yesu gǝ maa mɛlalɨgɔ a Kan Kwaaman. Na nǝn kwaamɨ, gǝ jel jel a shu a tuli nɨ jǝ jo lɛ gɔ Yem Zaituni, sǝ ya daa wo.

Maajɨ Bɛtɔ Twamagɨɨ 17:3

Sʊwala ji kɛltɨnɔ lɛ, nʊng ji lɛ gɔ bwɨ bwɨ nyɔ, Kiristi a nɔɔ gaalan, sǝ a gun a bwaa. A sʊwa gɔ, “Yesu nɨ mǝ sʊwa jen nɛɨ, nǝn gɔ nǝn Kiristii.”

Maajɨ Bɛtɔ Twamagɨɨ 9:20

A kʊta bɔ, Shawulu a tǝl sʊwatǝm kɛl Yesui a kantɨn mɛlalɨ Yahudawagɨɨ sʊwa lɛ gɔ, “Yesu nǝn gɔ nǝn Bʊla Kwaamaɨ.”

Maajɨ Bɛtɔ Twamagɨɨ 4:29

“Kǝngkǝnɨ, Tɛlalɔ, dʌng kanga jǝ saa kaatǝm nǝnɔ lɛ a maajɨɨ. Nǝn jwaalɛb mʊnɔ, nǝ nǝn bɨtǝm nǝl a kiyotǝm kɛl mʊnɔ gǝm mɨ taal wo.

Galatiya 6:14

Mɨsɔ mǝ maa sʊtɔ lɛ wo, na ke bɔ a dul kʊʊtǝm Tɛlalɔ bǝn Yesu Kiristii, wʊnɨ a dul bwaa gǝn a tɨya kʊʊtǝm mǝ tǝlam kanjǝl yooli nɨɨ, yooli nɨ a tǝlam kanjǝl mǝndɨ.

1 Korinti 2:2

N kwɛl n do a nǝl mɨ kwama mǝ yǝm nǝbɔ jeni, mɨsɔ mǝ sʊwa kaa kɛl lɛ na ke bɔ a Yesu Kiristii, wʊnɨ ja kʊʊɨ.

Maajɨ Bɛtɔ Twamagɨɨ 17:18

Nǝb nyǝmtǝm nɨ a bel gol lɔngɔ yoi, n nǝbɔ Abikuriyaɨ jǝbɔ nǝbɔ Sitokiyaɨ. Nǝb nyǝmtǝm nɨ a maa gʊbkatǝm jǝbɔ gɔ. Kaamɨ gɔ, “N wɛ nǝ kɛlɨ kɛlɨ nɨ sʊwa lɛɨ?” Kaamɨ gɔ, “Gǝ sʊwa kɛl a dul shomtɨn wʊnɨ ke bɔ a daa nɨɨ.” Ja sʊwa nyɔ jʊ a bwɨɨ gǝ sʊwa fulon kɛl lǝmɨ Yesui jǝbɔ guntǝm gǝnɔ a bwaaɨ.

Maajɨ Bɛtɔ Twamagɨɨ 11:20

Kaam nǝb bwangtǝmɔ wo a Sayifurus jǝbɔ Kurane, tǝmtɨn nɨ a tɨbǝl wɨmaɨ, ja shu a Antakiyaɨ. Jǝ sʊwa nǝbɔ Girikaɨ kɛlɔ lɛ tʌji, jǝ sʊwa ji fulon kɛl lǝmɨ a dul Tɛlalɔ Yesui.

Maajɨ Bɛtɔ Twamagɨɨ 8:5

Filibus a shu a kaa tuulɔ a Samariya sʊwa ji fulon kɛl lǝmɨ Kiristii lɛ.

Maajɨ Bɛtɔ Twamagɨɨ 4:20

Mɨsɔ nǝn mwɨ lɛ nǝn yɨ shig a jʊ nǝn nyʊwa, nǝn kuwo tagɨ.”

Luka 22:53

Kwangkwang mǝ dakini nǝbɔ jen a Kan Kwaaman, jǝ́ ta ɨ bɔ. Wʊnɨ n kwama jen, n kwama maajɨ fɔlɔn kumtojili.”

Maajɨ Bɛtɔ Twamagɨɨ 13:32

“Bǝn tǝbǝn bǝ bɛ jem nǝn fulon kɛl lǝmɨ. N swatǝm yaa nɨ Kwaama a maa tʊgalam bǝnɔ gǝmɨ.

Galatiya 1:16

a nʊng ɨ bʊla gɔ, sǝ n kiyo fulon kɛl lǝmɨ gǝnɔ a daagɔ Bʌtʌbɔ woi. Mǝ yo bɔ mɛlalɨ a daa kaa nǝl woi.