Maajɨ Bɛtɔ Twamagɨɨ 5:39 - Dadiya NT

³⁹ Na maajɨ nɨ na a Kwaamaɨ, mɨsɔ jǝ́ la lɛ nyɔ jǝ́ kaa nǝb nɨ wo. A bʊm bɔ ja nya jen jǝ́ maa kii lɛ jǝbɔ Kwaama.” Nǝngɔ mʊrkalɨ nǝb dʊʊmɨ a jǝla nǝn kɛl gǝnɨ.

Maajɨ Bɛtɔ Twamagɨɨ 5:39 Referans Kwoze

Matta 16:18

Mǝ sʊwa ń nɛ, mʊ nǝn Bitrus, a dul sunte nɨ mǝ mɔ mʊrkalɨ nǝb bwangtǝm mǝndɨ lɛɨ, wʊnɨ bwaagɔ mɨ nǝn kwaan a dul gǝnɨ.

Maajɨ Bɛtɔ Twamagɨɨ 7:51

“Jǝ́ nǝb kwamǝn dul, nǝb bwɨlang nǝl, nǝb bǝngɨ lɔl! Kwangkwang jǝ́ kɔ Yʊwa Kwaamaɨ lɛ. Kanga tʊgalam jenɔ a maaɨ, jen tʌjen n jʊ jǝ́ maa lɛɨ!

1 Korinti 1:25

Jʊ nɨ nǝbɔ kuwo lɛ na jǝ fʌmʌn a daagɔ Kwaama woi, a laa laaɨ kwaan yʊlan nǝfilii. Jʊ nɨ jǝ kuwo lɛ na jǝ gɨyatǝm a daagɔ Kwaama woi, a laa laaɨ kwaan nǝfilii.

Maajɨ Bɛtɔ Twamagɨɨ 11:17

Kanga Kwaama a nǝ ji nǝtǝm lǝmagɔ dǝngdǝng kanga a nǝ bǝnɨ, kwama nɨ bǝ nǝ bɨlǝngkɛl a daagɔ Tɛlalɔ Yesu Kiristi woi, mǝ nǝn nuwo mǝ kɔ jʊ lɛ Kwaama swɨ lɛɨ?”

Maajɨ Bɛtɔ Twamagɨɨ 9:5

Nǝngɔ gǝ tǝgǝn a sʊwa gǝn gɔ, “Mʊ nǝn nuwo, Tɛlalɔ?” Nǝngɔ diilɔ a jǝla gɔ, “Nǝmǝ mǝ Yesu wʊnɨ mʊ nǝ gǝn gaalan nɛɨ.

Maajɨ Bɛtɔ Twamagɨɨ 6:10

Ja la bɔ dul nǝn gɔ, jʊ a bwɨɨ, gǝ sʊwa kɛlɔ nǝn nyǝmtǝm nɨ Yʊwa Kwaamaɨ a nǝ gǝnɨ.

Luka 21:15

Mǝ nǝ jen nǝ kɛlɔ jǝbɔ yʊlanɔ jǝ́ kʌshi dul jenɔ lɛ nǝnɨ, sǝ a yǝlam mɨ nǝ kii jenɔ nɨ wo nya gola tuwol jenɔ lɛɨ.

Maajɨ Bɛtɔ Twamagɨɨ 23:9

Nǝngɔ gʌleng kutʌm a guni. Kaam nǝb mɛlalɨ diiltɨn nya nǝbɔ Farisaɨ ja gun ja tɨ tɨɨ, ja sʊwa gɔ, “A nǝnɔ nǝn nya bɔ balɨ nɨ nǝn kaa bwɨlangkɛl. Kɛna na kaa yʊwaɨ, kɛna bwɛ twama Kwaamaɨ a sʊwa gǝn kɛlɨ.”

1 Korinti 10:22

Jǝ́ dǝg Tɛlalɔ sǝ a maa nungon ka? Bǝ laa gǝn kwaan ka?