Maajɨ Bɛtɔ Twamagɨɨ 5:32 - Dadiya NT

³² Nǝn yǝlam nǝb nǝtǝm nyiyo a kanjǝl nɨ gǝm, gǝ na nyɔ Yʊwa Kwaamaɨ a nǝ nyiyo a kanjǝl nɨ gǝm, wʊnɨ Kwaama a nǝ nǝb nɨ nyʊwa diil gǝnɔ lɛɨ.”

Maajɨ Bɛtɔ Twamagɨɨ 5:32 Referans Kwoze

Maajɨ Bɛtɔ Twamagɨɨ 1:8

Jǝ́ nya nya kwaan na Yʊwa Kwaamaɨ a gǝla jemi. Jǝ́ yǝlam yǝlam nǝb nǝtǝm nyiyo a dul mɨ a Urushalima, jǝbɔ mʊgɔ Yahudiyagɔ gwam, jǝbɔ Samariyagɔ, jǝbɔ daagɔ tǝmɔ a dɨlǝm gwamɨ.”

1 Bitrus 1:12

Kwaama a kwɛl a nʊng ji gɔ, maajɨ nɨ jǝ maa lɛɨ ke bɔ a kɛl dul nyatǝm jin, n kɛl dul nyatǝm jen. Kanjǝl nɨ ja sʊwaɨ, kǝngkɔ kaam nǝbɔ kiyo jem fulon kɛl lǝmɨ nɨ lɛ nǝn kwaan Yʊwa Kwaamaɨ a twam a dʌbʌli. N kanjǝlɔ bɛtɔ twama Kwaamaɨ ya nǝl lɛ sǝ jǝ nyǝmɨ.

Maajɨ Bɛtɔ Twamagɨɨ 13:31

Kumtɨnɔ a gǝlala nʊng dul gǝnɔ lɛ a nǝb nɨ a bwang gǝm a Urushalimaɨ ja jel a Galilii. Nǝji jǝ nǝb nǝtǝm nyiyo gǝnɔ a daagɔ nǝbɔ woi.

Maajɨ Bɛtɔ Twamagɨɨ 5:29

Bitrus jǝbɔ bɛtɔ twamagɔ ja jǝla gɔ, “Mɨ gʊtǝm wo nǝn gul, nǝn bwangtǝn bwang diil Kwaamaɨ, ke bɔ a nǝfilii.

Maajɨ Bɛtɔ Twamagɨɨ 15:28

Yʊwa Kwaamaɨ a kuwo a bʊm nyɔ, nǝn tǝnǝn nǝn kuwo a bʊm nyɔ, mɨsɔ nǝn ya jem kanjǝl nɨ laa kwaan jenɔ lɛɨ, na ke bɔ kanjǝl nɨɨ.

Maajɨ Bɛtɔ Twamagɨɨ 2:4

Ja yii ji gwam nǝn Yʊwa Kwaamaɨ. Nǝngɔ ja tǝl sʊwatǝm kɛlɔ nǝn kaam nyiyo nǝn dʌmʌni, kanga Yʊwa Kwaamaɨ a nǝ ji kwaan kiyotǝm kɛl nyiyotɨnɔ a gǝlalaɨ.

Yohana 7:39

Yesu gǝ sʊwa kɛlɔ a dul Yʊwa Kwaamaɨ, wʊnɨ nǝb nɨ a nǝ bɨlǝngkɛl a daa gɔ woi jǝ yo lɛɨ. A kwama gɔ lǝga bɔ ja nǝ ji Yʊwa Kwaamaɨ, jʊ a bwɨɨ lǝga bɔ ja do Yesu a dʌbʌl dɨn.

2 Korinti 13:1

Wʊnɨ nǝn gɔ yǝlam yɔtǝm mǝndɨ na taalɔ lɛ a daa jen woi. “Nǝtǝm nyiyo nyanɔ bɛ ja nyʊwa a nyiyo nǝb nǝtǝm nyiyo yo, na mɨ nyɨɨ taal.”

Maajɨ Bɛtɔ Twamagɨɨ 10:44

Bitrus kiyo kɛlɔ lɛ wo dɨn, nǝngɔ Yʊwa Kwaamaɨ a gǝla a dul nǝb nɨ nyʊwa kɛl gǝnɔ lɛɨ.

Maajɨ Bɛtɔ Twamagɨɨ 2:32

Kwaama a gung Yesu nɨ a bwaa, pʌd gwam nǝnɔ nǝn kuwo kuwoi nǝn nu nǝn.

Roma 8:16

Yʊwagɔ nǝn dul gǝn, jǝbɔ yʊwa bǝnɔ jǝ nǝ bwatǝm guu lɛ, sʊwa lɛ gɔ bǝn bǝ bɛtɔ lɔ Kwaamaɨ.