Maajɨ Bɛtɔ Twamagɨɨ 5:3 - Dadiya NT

³ Nǝngɔ Bitrus gɔ, “Mɔ Hananiya, n wɛ a bwɨ mɔ bǝla Mammɔ a dɔ mʊgɔ nǝl mʊnɔ, mʊ maa Yʊwa Kwaamaɨ gǝm gabakɛlɨ, mʊ yʊ kaa jǝl a mʊgɔ kemʌn talɨgɔ gǝmɨ?

Maajɨ Bɛtɔ Twamagɨɨ 5:3 Referans Kwoze

1 Bitrus 5:8

Bɛ jǝ́ ta dul jenɔ, jǝ́ yɨ nǝn fɛkalɨ. Nǝ kii jenɔ mammɔ kɛla lɛ na tulʌm nɨ yʊʊl lɛɨ, saa nʊ nɨ lɛ gǝ wo lɛɨ.

Maajɨ Bɛtɔ Twamagɨɨ 5:9

Nǝngɔ Bitrus a sʊwa gǝn gɔ, “N wɛ a bwɨ jǝ́ mʊrkam nyiyo jengɔ jǝ́ tɛl Yʊwa Tɛlalɔɨ? Kaa lɔl mʊnɔ nyʊwa kʌbʌl naa nǝb nɨ ya fʌl bwɨla mʊɨ, jǝ na a nyanga kan. Jǝ do ń do ń ja jel nǝn.”

Yohana 13:27

Yotǝm kǝlɨ kʊkkʊm nɨ a kang Yesui, nǝngɔ Mammɔ a dɔ gǝnɨ. Nǝngɔ Yesu a sʊwa gǝn gɔ, “Jʊ nɨ mʊ swɨ maatǝmɔ lɛɨ, maa yagɨ yagɨ.”

Yohana 13:2

Nǝn kwama Yesu jǝbɔ bɛtɔ mɛlalɨ gǝnɔ jǝ ja jǝjalǝn kumɔ lɛɨ, Mammɔ a kwɛl a dɔ mʊgɔ nǝl Yahuza Iskariyotii, bʊla Saminui, sǝ a lungto Yesu.

Yakubu 4:7

Bɛ jǝ́ nǝ dul jenɔ a daagɔ Kwaama woi. Jǝ́ kɔ Mammɔ. Mwal jen mwal.

Maajɨ Bɛtɔ Twamagɨɨ 5:4

Mʊ lǝga bɔ ń miyoi, n ke bɔ a mɔ ka? Kwama mʊ miyom tagɨ, kemʌnɔ ke bɔ a mɔ ka? N wɛ a bwɨ mʊ dǝg bʊʊlalɨ maajɨ nɨ a mʊgɔ nǝl mʊnɨ? Mʊ gabam bɔ nǝl kɛl nɨ. Mʊ gabam Kwaama.”

Maajɨ Bɛtɔ Twamagɨɨ 5:2

Nǝngɔ a yʊ kaa jǝl wo a mʊgɔ kemʌnɔ ga nyaɨ, nǝn nyǝmtǝm nwala gɨɨ. Nǝngɔ a bɛ nǝn tangǝn kemʌnɔ ba ya a kǝga bɛtɔ twamagɨɨ.

Luka 22:3

Nǝngɔ Mammɔ a dɔ nǝl Yahuza Iskariyotii, win a mʊgɔ bɛtɔ mɛlalɨ gǝnɔ nɨ kʊb jeli yoi.

Matta 13:19

Na nǝl a nyʊwa kɛl a dul fɔlɔn lɔ Kwaamaɨ, nǝngɔ a nyǝm bɨɨ, Mammɔ ba jǝgǝm jǝgǝm jʊ ja kwal a mʊgɔ nǝl nʊ gɨɨ. Wʊnɨ nǝn gɔ dʊʊmɔ a yal a golaɨ.