Maajɨ Bɛtɔ Twamagɨɨ 5:24 - Dadiya NT

²⁴ Nǝn kwama nɨ nǝ dʊʊ nǝb tɔɔtǝm Kan Kwaamanɔ jǝbɔ dʊʊm nǝbkǝlamɔ a nyʊwa nyɨɨ, nǝngɔ jʊ nɨ a bwam dul jini. Jǝ bʊʊla lɛ gɔ n wɛ jʊ nɨ bɛ lɛ nǝnɨ.

Maajɨ Bɛtɔ Twamagɨɨ 5:24 Referans Kwoze

Maajɨ Bɛtɔ Twamagɨɨ 5:26

Nǝngɔ nǝ dʊʊ nǝb tɔɔtǝm Kan Kwaamanɔ jǝbɔ nǝb dʊʊmɔ ya ja bɛ nǝn bɛtɔ twamagɨɨ. Ja bɛ nǝn ji a jǝlatǝm ji, jʊ a bwɨɨ, jǝ sa lɛ gɔ ka nǝbɔ a jʌbo ji nǝn malatǝm tɛl.

Maajɨ Bɛtɔ Twamagɨɨ 4:1

Nǝn kwama Bitrus jǝbɔ Yohana jǝ sʊwam kɛlɔ lɛ jǝbɔ nǝbɨɨ, nǝngɔ nǝbkǝlamɔ jǝbɔ nǝ dʊʊ nǝb tɔɔtǝm Kan Kwaamanɔ jǝbɔ nǝbɔ Sadukiyaɨ ja bɛ a daa ji woi.

Maajɨ Bɛtɔ Twamagɨɨ 4:21

Ja gʊ jim lɔl dangǝnɨ, nǝngɔ ja dem jim kangɨ. Ja nya bɔ gola nɨ jǝ mwɛm ji lɛɨ, jʊ a bwɨɨ nǝbɔ gwam bǝlá Kwaama lɛ nǝn jʊ nɨ a bwɨɨ.

Maajɨ Bɛtɔ Twamagɨɨ 2:12

Ja ta kang a nyiyo, dul jinɔ a bwam, jǝ sʊwaka lɛ a bʊtɔ ji gɔ, “Jʊ nɨ gǝ nʊng wɛ?”

Yohana 12:19

Nǝngɔ nǝbɔ Farisaɨ sʊwaka lɛ a bʊtɔ jin gɔ, “Jǝ́ dʌng, mɨ bǝ nya jatǝm kǝga lɛ. N wo yooligɔ gwam bwang gǝm lɛɨ.”

Luka 22:52

Nǝngɔ Yesu a bʌ dʊʊm nǝbkǝlamɔ jǝbɔ nǝb dʊʊm tɔɔtǝm Kan Kwaamanɔ jǝbɔ nǝb dʊʊm nǝbɨɨ nɨ a bɛ sǝ ba ja ta gǝnɨ gɔ, “Jǝ́ jel nǝn gulʌn jǝbɔ dwam sǝ jǝ́ ta ɨ maa na nǝkuu?

Luka 22:4

Yahuza a shu ya mʊrkam nyiyo jǝbɔ dʊʊm nǝbkǝlamɔ jǝbɔ dʊʊm tɔɔtǝm Kan Kwaamanɔ, kanga gǝ lungtom Yesu lɛɨ.

Maajɨ Bɛtɔ Twamagɨɨ 5:23

“Ya nǝn nya lɔsomigɔ a kubʌl kubʌli, jǝbɔ nǝb tɔɔtǝmɔ tɔɔ nyanga kanɔ lɛ. Nǝn kwama nǝn wumi, nǝn nya bɔ kaa nǝl wo a mʊgɔ gǝn.”

Maajɨ Bɛtɔ Twamagɨɨ 5:25

Nǝngɔ kaa nǝl ba sʊwa ji gɔ, “Nǝb nɨ jǝ́ dǝg a lɔsomii, n wɔ jǝ tɨm a mʊgɔ talɨ Kan Kwaaman, jǝ mɛla nǝbɔ gǝm lɛ wo.”