Maajɨ Bɛtɔ Twamagɨɨ 5:14 - Dadiya NT

¹⁴ Nǝb nǝtǝm bɨlǝngkɛlɔ a daagɔ Tɛlalɔ woi, jǝ bwi lɛ nǝn bɨlǝngǝn, batǝm jǝbɔ nɔɔtǝm.

Maajɨ Bɛtɔ Twamagɨɨ 5:14 Referans Kwoze

Maajɨ Bɛtɔ Twamagɨɨ 2:47

jǝbɔ bǝlátǝm Kwaamaɨ, nǝbɔ a jǝla nǝn ji dangǝn gwam. Kum jǝbɔ kum Tɛlalɔ sʊ jim nǝbɔ lɛ nya bʊʊtǝm lɛɨ.

Galatiya 3:28

Mɨ nʊngtǝm dʌmʌn wo a nǝb nɨ n Yahudawaɨ jǝbɔ Bʌtʌbɔ, nʊ nɨ bwɛ jwaalɛ jǝbɔ nʊ nɨ ke bɔ bwɛ jwaalɛɨ, nɔɔlɨ jǝbɔ balɨ. Jǝ́ yǝlam win a daagɔ Yesu Kiristi woi.

Maajɨ Bɛtɔ Twamagɨɨ 22:4

N nǝ nǝb nɨ bwangtǝn Gola nɨ lɛɨ gaalan. Mǝ bwaba nǝbɔ lɛ batǝm jǝbɔ nɔɔtǝm. Mǝ dǝg ji lɛ a lɔsomi, sǝ ja jʌbo ji.

Maajɨ Bɛtɔ Twamagɨɨ 9:42

Fulon kɛl nɨ ja sʊwa a mʊgɔ Yafa gwam. Nǝbɔ a lada ja nǝ bɨlǝngkɛl a daa Tɛlalɔ woi.

Maajɨ Bɛtɔ Twamagɨɨ 9:35

Gwam nǝbɔ a tuulɔ Liddaɨ jǝbɔ Saronaɨ ja kuwo gǝn a guni, nǝngɔ ja yǝla a daagɔ Tɛlalɔ woi.

Maajɨ Bɛtɔ Twamagɨɨ 9:31

Nǝngɔ la mʊrkalɨ nǝb bwangtǝm Kwaamaɨ nɨ a Yahudiyaɨ, jǝbɔ Galilii, jǝbɔ Samariyaɨ, ja nya lǝma yɨmɔ, ja nya kwaan ja ja kǝga dangǝn, jǝ yɔ lɛ nǝn maajɨ jinɔ jǝ dʊʊl Tɛlalɔ lɛ, Yʊwa Kwaamaɨ tɨka ji lɛ, jǝ bwi lɛ.

Maajɨ Bɛtɔ Twamagɨɨ 9:2

a kela gǝn gɔ a nǝ gǝn langǝn bwangǝntɨnɔ gǝ yɔ nǝn a kantɨn mɛlalɨ a Dimaska, na gǝ nya nǝb nɨ bwangtǝn gola Tɛlalɔɨ lɛɨ, batǝm jǝbɔ nɔɔtǝm sǝ gǝ bwaba ji gǝ bɛ nǝn a Urushalima.

Maajɨ Bɛtɔ Twamagɨɨ 8:12

Nǝn kwama ja nyʊwam fulon kɛl lǝmɨ nɨ Filibus a sʊwa ji a dul fɔlɔn lɔ Kwaamaɨ jǝbɔ dun Yesu Kiristii, nǝngɔ gwam jinɔ ja yʊ ji mwɛ sagsagɨɨ, batǝm jǝbɔ nɔɔtǝm.

Maajɨ Bɛtɔ Twamagɨɨ 8:3

Shawulu a kʊwa a yɨ mʊrkalɨ nǝb bwangtǝm Kwaamaɨ gǝm. Nǝ ji gaalan nɛ nǝn bɨlǝngǝn, bwangtǝn nɛ lɔ jǝbɔ tuulɔ, taba batǝmɔ lɛ jǝbɔ nɔɔtǝmɔ, dǝg ji lɛ a lɔsomi.

Maajɨ Bɛtɔ Twamagɨɨ 6:7

Kɛl Kwaamaɨ ja kǝga lɛ. Nǝb bwangtǝmɔ a mʊgɔ Urushalimaɨ jǝ sʊ lɛ nǝn bɨlǝngǝn. Nǝbkǝlam Yahudawagɨɨ a lada a yǝlam nǝb nǝtǝm bɨlǝngkɛl.

Maajɨ Bɛtɔ Twamagɨɨ 4:4

Nǝbɔ a lada a kʊm nǝb nɨ a nyʊwa kɛl nɨɨ, ja nǝ bɨlǝngkɛl. Nǝb bwangtǝmɔ a la nǝbɔ fʊlkʊblǝn nʊ.

Maajɨ Bɛtɔ Twamagɨɨ 2:41

Nǝb nɨ a jǝla nǝn kɛl Bitrusi, nǝngɔ ja yʊ ji mwɛ sagsagɨɨ. A di gɔ, ja nya nǝb bwangtǝmɔ a sʊ nǝbɔ fʊlkʊblǝn taal.

Maajɨ Bɛtɔ Twamagɨɨ 11:24

Barnaba n nǝ nya. A yii nǝn Yʊwa Kwaamaɨ jǝbɔ nǝtǝm bɨlǝngkɛl. Nǝbɔ a lada a yǝla a bɛ a daagɔ Tɛlalɔ woi.

2 Korinti 6:15

N wɛ a mʊrka Kiristi jǝbɔ Mammɨ? N wɛ tag a mʊrka nǝ nǝtǝm bɨlǝngkɛl jǝbɔ nʊ nɨ a nǝ bɔ bɨlǝngkɛlɨ?